《阿卻姨》A-khioh-î王俊傑 Ông Tsùn-kia̍t【南面而歌】------------------------------------------(口白)-----↓每工透早muí kang thàu-tsá天才拄拍殕光thinn tsiah tú phah-phú kng阿卻姨仔就趕緊起來煮早頓A-khioh-î--á tō kuánn-kín khí-lâi tsú tsá-tǹg以早是煮予一陣囡仔食í-tsá sī tsú hōo tsi̍t-tīn gín-á tsia̍h這馬是煮予伊家己食tsit-má sī tsú hōo i ka-kī tsia̍h食飽閒閒tsia̍h-pá îng-îng罔行罔散步bóng kiânn bóng sàn-pōo四界罔看sì-kè bóng khuànn當做若運動tòng-tsò ná ūn-tōng行來到媽祖廟口kiânn lâi-kàu má-tsóo-biō kháu一陣姊妹仔伴tsi̍t-tīn tsí-muāi-á-phuānn心內話提出來罔講sim-lāi-uē the̍h tshut-lâi bóng kóng(口白)-----↑𪜶講前講後講過去in kóng tsîng kóng āu kóng kuè-khì講東講西講現在kóng tang kóng sai kóng hiān-tsāi但是毋捌聽𪜶講未來tān-sī m̄-bat thiann in kóng bī-lâi若是心頭掠袂定nā-sī sim-thâu lia̍h-buē-tiānn就來講予媽祖聽tiō lâi kóng hōo Má-tsóo thiann噯~心內的話無人疼aih~ sim-lāi ê uē bô-lâng thiànn無人通知影bô-lâng thang tsai-iánn歲頭食到遮huè-thâu tsia̍h kàu tsia其實嘛無向啥kî-si̍t mā bô ǹg siánn祈求囝孫平安kî-kiû kiánn-sun pîng-an身體勇健sin-thé ióng-kiānn(口白)-----↓阿卻姨仔三十五歲就來守寡A-khioh-î--á sann-tsa̍p-gōo huè tō lâi tsiú-kuá一陣囡仔遮大陣tsi̍t-tīn gín-á tsiah tuā tīn開喙就討欲愛食khui-tshuì tō thó beh-ài tsia̍h彼陣細漢的半暝仔發燒hit-tsūn sè-hàn--ê puànn-mê-á huat-sio趕緊欲注射kuánn-kín beh tsù-siā醫生講著愛緊蹛院i-sing kóng tio̍h-ài kín tuà-īnn若無是會無性命nā-bô sī ē bô sìnn-miā今彼陣𪜶兜是散甲強欲予鬼仔掠tann hit-tsūn in-tau sī sàn kah kiōng-beh hōo kuí-á lia̍h阿卻姨仔煩惱甲毋知欲按怎A-khioh-î--á huân-ló kah m̄-tsai beh án-tsuánn佳哉 佳哉隔壁阿珠仔ka-tsài, ka-tsài keh-piah A-tsu--á𪜶兜蓋有量in-tau kài ū-liōng出來共𪜶鬥打扎tshut-lâi kā in tàu tánn-tsah(口白)-----↑若無毋知欲按怎nā-bô m̄-tsai beh án-tsuánn啊毋知欲按怎ah m̄-tsai beh án-tsuánn啊欲按怎ah beh án-tsuánn伊那講又閣那越頭i ná kóng iū-koh ná ua̍t-thâu講咱遮的姊妹仔kóng lán tsia-ê tsí-muāi-á實在予恁真勞力si̍t-tsāi hōo lín tsin lóo-la̍t幾若十年攏予恁鬥相共kuí-nā tsa̍p nî lóng hōo lín tàu-sann-kāng恁攏是我的人情人lín lóng-sī guá ê jîn-tsîng lâng伊那講又閣喙那笑i ná kóng iū-koh tshuì ná tshiò講實在可憐喔kóng si̍t-tsāi khó-liân--ooh咱哪會逐家攏仝款lán ná ē ta̍k-ke lóng kāng-khuán日頭將欲沉落西ji̍t-thâu tsiong bueh tîm lo̍h sai等一句歹勢tán tsi̍t-kù pháinn-sè一直攏等袂來it-ti̍t lóng tán buē lâi若想欲流目屎nā siūnn-beh lâu ba̍k-sái無愛哭予別人知bô-ài khàu hōo pa̍t-lâng tsai吞落腹內thun lo̍h pak-lāi笑容展出來tshiò-iông tián--tshut-lâi啊~無啥物通掛礙ah~ bô-siánn-mih thang kuà-gāi月娘斜西ge̍h-niû tshiâ-sai日頭浮出來ji̍t-thâu phû--tshut-lâi(口白)-----↓今仔日透早kin-á-ji̍t thàu-tsá天就才拄拍殕光thinn tō tsiah tú phah-phú kng阿卻姨仔伊就趕緊起來A-khioh-î--á i tō kuánn-kín--khí-lâi打扮閣兼梳妝tánn-pān koh kiam se-tsng伊厝前厝後i tshù-tsîng tshù-āu一遍來一遍去tsi̍t-piàn lâi tsi̍t-piàn khì看閣再看khuànn koh-tsài khuànn巡閣再巡sûn koh-tsài sûn伊講遮的一花一草i kóng tsia ê tsi̍t-hue tsi̍t-tsháu伊攏欲共認予真i lóng beh kā jīn hōo tsin記予明kì hōo bîng(口白)-----↑行來到媽祖廟口kiânn lâi-kàu má-tsóo-biō kháu規陣姊妹仔攏咧等候kui-tīn tsí-muāi-á lóng leh tán-hāu𪜶攏穿著彼軀上新的老旗袍in lóng tshīng tio̍h hit su siōng sin ê lāu kî-phâu𪜶講政府就有需要in kóng tsìng-hú tiō ū su-iàu今仔咱攏欲來搬走kin-á lán lóng beh lâi puann tsáu來去予囝孫仔共咱有孝lâi-khì hōo kiánn-sun-á kā lán iú-hàu上毋甘的siōng m̄-kam--ê就是幾十年的厝邊兜tiō-sī kuí tsa̍p nî ê tshù-pinn-tau心內的話無人疼sim-lāi ê uē bô-lâng thiànn無人通知影bô-lâng thang tsai-iánn心頭掠袂定sim-thâu lia̍h-buē-tiānn就來講予媽祖聽tiō lâi kóng hōo Má-tsóo thiann保庇咱此去攏好命pó-pì lán tshú-khì lóng hó-miā日頭將欲沉落西ji̍t-thâu tsiong bueh tîm lo̍h sai等一句歹勢tán tsi̍t-kù pháinn-sè一直攏等袂來it-ti̍t lóng tán buē lâi若想欲流目屎nā siūnn-beh lâu ba̍k-sái無愛哭予別人知bô-ài khàu hōo pa̍t-lâng tsai吞落腹內thun lo̍h pak-lāi笑容展出來tshiò-iông tián tshut-lâi啊~無啥物通掛礙ah~ bô-siánn-mih thang kuà-gāi月娘斜西ge̍h-niû tshiâ-sai日頭浮出來ji̍t-thâu phû--tshut-lâi啊~無啥物通掛礙ah~ bô-siánn-mih thang kuà-gāi月娘斜西ge̍h-niû tshiâ-sai日頭浮出來ji̍t-thâu phû--tshut-lâi------------------------------------------→
每工透早天才拄拍殕光阿卻姨仔就趕緊起來煮早頓以早是煮予一陣囡仔食這馬是煮予伊家己食食飽閒閒罔行罔散步四界罔看當做若運動行來到媽祖廟口一陣姊妹仔伴心內話提出來罔講𪜶講前講後講過去講東講西講現在但是毋捌聽𪜶講未來若是心頭掠袂定就來講予媽祖聽噯~心內的話無人疼無人通知影歲頭食到遮其實嘛無向啥祈求囝孫平安身體勇健阿卻姨仔三十五歲就來守寡一陣囡仔遮大陣開喙就討欲愛食彼陣細漢的半暝仔發燒趕緊欲注射醫生講著愛緊蹛院若無是會無性命今彼陣𪜶兜是散甲強欲予鬼仔掠阿卻姨仔煩惱甲毋知欲按怎佳哉 佳哉隔壁阿珠仔𪜶兜蓋有量出來共𪜶鬥打扎若無毋知欲按怎啊毋知欲按怎啊欲按怎伊那講又閣那越頭講咱遮的姊妹仔實在予恁真勞力幾若十年攏予恁鬥相共恁攏是我的人情人伊那講又閣喙那笑講實在可憐喔咱哪會逐家攏仝款日頭將欲沉落西等一句歹勢一直攏等袂來若想欲流目屎無愛哭予別人知吞落腹內笑容展出來啊~無啥物通掛礙月娘斜西日頭浮出來今仔日透早天就才拄拍殕光阿卻姨仔伊就趕緊起來打扮閣兼梳妝伊厝前厝後一遍來一遍去看閣再看巡閣再巡伊講遮的一花一草伊攏欲共認予真記予明行來到媽祖廟口規陣姊妹仔攏咧等候𪜶攏穿著彼軀上新的老旗袍𪜶講政府就有需要今仔咱攏欲來搬走來去予囝孫仔共咱有孝上毋甘的就是幾十年的厝邊兜心內的話無人疼無人通知影心頭掠袂定就來講予媽祖聽保庇咱此去攏好命日頭將欲沉落西等一句歹勢一直攏等袂來若想欲流目屎無愛哭予別人知吞落腹內笑容展出來啊~無啥物通掛礙月娘斜西日頭浮出來啊~無啥物通掛礙月娘斜西日頭浮出來
muí kang thàu-tsáthinn tsiah tú phah-phú kngA-khioh-î--á tō kuánn-kín khí-lâi tsú tsá-tǹgí-tsá sī tsú hōo tsi̍t-tīn gín-á tsia̍htsit-má sī tsú hōo i ka-kī tsia̍htsia̍h-pá îng-îngbóng kiânn bóng sàn-pōosì-kè bóng khuànntòng-tsò ná ūn-tōngkiânn lâi-kàu má-tsóo-biō kháutsi̍t-tīn tsí-muāi-á-phuānnsim-lāi-uē the̍h tshut-lâi bóng kóngin kóng tsîng kóng āu kóng kuè-khìkóng tang kóng sai kóng hiān-tsāitān-sī m̄-bat thiann in kóng bī-lâinā-sī sim-thâu lia̍h-buē-tiānntiō lâi kóng hōo Má-tsóo thiannaih sim-lāi ê uē bô-lâng thiànnbô-lâng thang tsai-iánnhuè-thâu tsia̍h kàu tsiakî-si̍t mā bô ǹg siánnkî-kiû kiánn-sun pîng-ansin-thé ióng-kiānnA-khioh-î--á sann-tsa̍p-gōo huè tō lâi tsiú-kuátsi̍t-tīn gín-á tsiah tuā tīnkhui-tshuì tō thó beh-ài tsia̍hhit-tsūn sè-hàn--ê puànn-mê-á huat-siokuánn-kín beh tsù-siāi-sing kóng tio̍h-ài kín tuà-īnnnā-bô sī ē bô sìnn-miātann hit-tsūn in-tau sī sàn kah kiōng-beh hōo kuí-á lia̍hA-khioh-î--á huân-ló kah m̄-tsai beh án-tsuánnka-tsài ka-tsài keh-piah A-tsu--áin-tau kài ū-liōngtshut-lâi kā in tàu tánn-tsahnā-bô m̄-tsai beh án-tsuánnah m̄-tsai beh án-tsuánnah beh án-tsuánni ná kóng iū-koh ná ua̍t-thâukóng lán tsia-ê tsí-muāi-ási̍t-tsāi hōo lín tsin lóo-la̍tkuí-nā tsa̍p nî lóng hōo lín tàu-sann-kānglín lóng-sī guá ê jîn-tsîng lângi ná kóng iū-koh tshuì ná tshiòkóng si̍t-tsāi khó-liân--oohlán ná ē ta̍k-ke lóng kāng-khuánji̍t-thâu tsiong bueh tîm lo̍h saitán tsi̍t-kù pháinn-sèit-ti̍t lóng tán buē lâinā siūnn-beh lâu ba̍k-sáibô-ài khàu hōo pa̍t-lâng tsaithun lo̍h pak-lāitshiò-iông tián--tshut-lâiah bô-siánn-mih thang kuà-gāige̍h-niû tshiâ-saiji̍t-thâu phû--tshut-lâikin-á-ji̍t thàu-tsáthinn tō tsiah tú phah-phú kngA-khioh-î--á i tō kuánn-kín--khí-lâitánn-pān koh kiam se-tsngi tshù-tsîng tshù-āutsi̍t-piàn lâi tsi̍t-piàn khìkhuànn koh-tsài khuànnsûn koh-tsài sûni kóng tsia ê tsi̍t-hue tsi̍t-tsháui lóng beh kā jīn hōo tsinkì hōo bîngkiânn lâi-kàu má-tsóo-biō kháukui-tīn tsí-muāi-á lóng leh tán-hāuin lóng tshīng tio̍h hit su siōng sin ê lāu kî-phâuin kóng tsìng-hú tiō ū su-iàukin-á lán lóng beh lâi puann tsáulâi-khì hōo kiánn-sun-á kā lán iú-hàusiōng m̄-kam--êtiō-sī kuí tsa̍p nî ê tshù-pinn-tausim-lāi ê uē bô-lâng thiànnbô-lâng thang tsai-iánnsim-thâu lia̍h-buē-tiānntiō lâi kóng hōo Má-tsóo thiannpó-pì lán tshú-khì lóng hó-miāji̍t-thâu tsiong bueh tîm lo̍h saitán tsi̍t-kù pháinn-sèit-ti̍t lóng tán buē lâinā siūnn-beh lâu ba̍k-sáibô-ài khàu hōo pa̍t-lâng tsaithun lo̍h pak-lāitshiò-iông tián tshut-lâiah bô-siánn-mih thang kuà-gāige̍h-niû tshiâ-saiji̍t-thâu phû--tshut-lâiah bô-siánn-mih thang kuà-gāige̍h-niû tshiâ-saiji̍t-thâu phû--tshut-lâi