《中山北路行七擺》Tiong-san Pak-lōo Kiânn Tshit-Pái 方瑞娥 Png Suī-ngôo ------------------------------------------ 初戀見面 tshoo-luân kìnn-bīn 雙人相意愛 siang-lâng sio ì-ài 暗中約束 àm-tiong iok-sok 散步驚人知 sàn-pōo kiann lâng tsai 中山北路行七擺 Tiong-san Pak-lōo kiânn tshit-pái 爸母知影煞無來 pē-bú tsai-iánn suah bô lâi (口白)-----↓ 郭先生，你是一个聰明的忠厚人，為怎樣做事全無決心。 自從月暝青春來獻予你了，你，你就來閃避我。 你，你這款是啥物意思咧？ Kueh--sìnn, lí sī tsi̍t-ê tshong-bîng ê tiong-hōo lâng, uī tsánn-iūnn tsuè-sū tsuân bô kuat-sim. Tsū-tsiông gue̍h-mî tshing-tshun lâi hiàn hōo-lí--liáu, lí, lí tsiū lâi siám-pī--guá. Lí, lí tsit khuán sī sím-mih ì-sù--leh? (口白)-----↑ 熱情熱愛 jia̍t-tsîng jia̍t-ài 期待早送定 kî-thāi tsá sàng-tiānn 用心計較 iōng-sim kè-kàu 也是欲等兄 iā-sī bueh tán hiann 無疑講話無影跡 bô-gî kóng-uē bô iánn-tsiah 一去無來求親情 tsi̍t-khì bô lâi kiû tshin-tsiânn (口白)-----↓ 阮一日期待過一日，期待你早日來送定。 無疑你有講無行，態度親像無影無跡。 阮受爸母的壓迫，將阮嫁予別人。 郭先生，你，你這款敢是聰明的斯文人是無？ Gún tsi̍t-ji̍t kî-thāi kuè tsi̍t-ji̍t, kî-thāi lí tsá-ji̍t lâi sàng-tiānn. Bô-gî lí ū kóng bô kiânn, thāi-tōo tshin-tshiūnn bô-iánn-bô-tsiah. Gún siū pē-bú ê ap-pik, tsiong gún kè hōo pa̍t-lâng. Kueh--sian-sìnn, lí, lí tsit khuán kám-sī tshong-bîng ê su-bûn-lâng, sī--bô? (口白)-----↑ 恨伊絕情 hūn i tsua̍t-tsîng 僥雄將阮放 hiau-hiông tsiong gún pàng 害阮終身 hāi gún tsiong-sin 煞著嫁別人 suah tio̍h kè pa̍t-lâng 誤了初戀的希望 gōo liáu tshoo-luân ê hi-bāng 怨嘆看鏡 uàn-thàn khuànn kiànn 目箍紅 ba̍k-khoo âng ------------------------------------------ →
初戀見面 雙人相意愛 暗中約束 散步驚人知 中山北路行七擺 爸母知影煞無來
tshoo-luân kìnn-bīn siang-lâng sio ì-ài àm-tiong iok-sok sàn-pōo kiann lâng tsai Tiong-san Pak-lōo kiânn tshit-pái pē-bú tsai-iánn suah bô lâi