《冬節圓》Tang-tseh-înn潘麗麗 Phuann Lē-lē------------------------------------------小雪過了是大雪sió-seh kuè-liáu sī tuā-seh大雪閣行到冬節tuā-seh koh kiânn kàu tang-tseh暗暝上蓋長àm-mî siōng-kài tn̂g思念遠遠遠su-liām hn̋g-hn̄g-hn̄g今年操煩夢中囥kin-nî tshau-huân bāng-tiong khǹg醒來日頭曝眠床tshínn--lâi ji̍t-thâu pha̍k bîn-tshn̂g圓仔思念來煮湯înn-á su-liām lâi tsú-thng一碗親情燒閣軟tsi̍t-uánn tshin-tsîng sio koh nńg冬節寒霜來叫門tang-tseh hân-song lâi kiò-mn̂g叫咱明年早拍算kiò lán mê-nî tsá phah-sǹg過去毋免問kuè-khì m̄-bián mn̄g未來咧發光bī-lâi leh huat-kng仝心早慢會相見kāng-sim tsá-bān ē sann-kìnn拍開彩霞半邊天phah-khui tshái-hâ puànn-pinn thinn冬節圓仔逐粒圓tang-tseh înn-á ta̍k-lia̍p înn明年定著是好年mê-nî tiānn-tio̍h sī hó nî------------------------------------------→
小雪過了是大雪大雪閣行到冬節暗暝上蓋長思念遠遠遠今年操煩夢中囥醒來日頭曝眠床圓仔思念來煮湯一碗親情燒閣軟冬節寒霜來叫門叫咱明年早拍算過去毋免問未來咧發光仝心早慢會相見拍開彩霞半邊天冬節圓仔逐粒圓明年定著是好年
sió-seh kuè-liáu sī tuā-sehtuā-seh koh kiânn kàu tang-tsehàm-mî siōng-kài tn̂gsu-liām hn̋g-hn̄g-hn̄gkin-nî tshau-huân bāng-tiong khǹgtshínn--lâi ji̍t-thâu pha̍k bîn-tshn̂gînn-á su-liām lâi tsú-thngtsi̍t-uánn tshin-tsîng sio koh nńgtang-tseh hân-song lâi kiò-mn̂gkiò lán mê-nî tsá phah-sǹgkuè-khì m̄-bián mn̄gbī-lâi leh huat-kngkāng-sim tsá-bān ē sann-kìnnphah-khui tshái-hâ puànn-pinn thinntang-tseh înn-á ta̍k-lia̍p înnmê-nî tiānn-tio̍h sī hó nî