7514/《愛情沙》Ài-tsîng Sua江志豐Kang Tsì-hong------------------------------------------隨著海浪溢來溢去suî tio̍h hái-lōng ik-lâi-ik-khì我毋知愛情是啥物guá m̄-tsai ài-tsîng sī siánn-mih袂去相信buē khì siong-sìn嘛袂去懷疑mā buē khì huâi-gî你出現彼一日lí tshut-hiān hit-tsi̍t-ji̍t我暗暗心歡喜guá àm-àm sim huann-hí予我想欲飛入你的心hōo guá siūnn-beh pue ji̍p lí ê sim我是一粒guá sī tsi̍t-lia̍p輕輕的愛情沙khin-khin ê ài-tsîng sua隨風飄飄suî hong phiau-phiau飛入你心肝pue ji̍p lí sim-kuann我是一粒guá sī tsi̍t-lia̍p輕輕的愛情沙khin-khin ê ài-tsîng sua誰知你心中的風siáng tsai lí sim-tiong ê hong哪會遮大ná ē tsiah tuā將我的形影吹散tsiong guá ê hîng-iánn tshue-suànn將我的形影吹散tsiong guá ê hîng-iánn tshue-suànn你敢知lí kám tsai寂寞的深坑tsi̍k-bo̍k ê tshim-khenn有偌闊ū guā khuah------------------------------------------→
隨著海浪溢來溢去我毋知愛情是啥物袂去相信嘛袂去懷疑你出現彼一日我暗暗心歡喜予我想欲飛入你的心我是一粒輕輕的愛情沙隨風飄飄飛入你心肝我是一粒輕輕的愛情沙誰知你心中的風哪會遮大將我的形影吹散將我的形影吹散你敢知寂寞的深坑有偌闊
suî tio̍h hái-lōng ik-lâi-ik-khìguá m̄-tsai ài-tsîng sī siánn-mihbuē khì siong-sìnmā buē khì huâi-gîlí tshut-hiān hit-tsi̍t-ji̍tguá àm-àm sim huann-híhōo guá siūnn-beh pue ji̍p lí ê simguá sī tsi̍t-lia̍pkhin-khin ê ài-tsîng suasuî hong phiau-phiaupue ji̍p lí sim-kuannguá sī tsi̍t-lia̍pkhin-khin ê ài-tsîng suasiáng tsai lí sim-tiong ê hongná ē tsiah tuātsiong guá ê hîng-iánn tshue-suànntsiong guá ê hîng-iánn tshue-suànnlí kám tsaitsi̍k-bo̍k ê tshim-khennū guā khuah