7136/《咱的戲棚跤》Lán ê Hì-pênn-kha王中平Ông Tiong-pîng------------------------------------------想起咱囡仔時的廟會siūnn-khí lán gín-á sî ê biō-huē廟埕上總是搭起biō-tiânn siōng tsóng-sī tah khí大大的戲棚tuā-tuā ê hì-pênn弄獅舞龍跳宋江陣lāng-sai bú-liông thiàu sòng-kang-tīn感謝神恩kám-siā sîn-un予咱豐收慶節hōo lán hong-siu khìng-tsiat歌仔戲布袋戲kua-á-hì pòo-tē-hì鬧熱上演lāu-jia̍t siōng-ián看包公khuànn Pau-kong看三國khuànn Sam-kok看俠義khuànn Kiap-gī閣看哪吒啊koh khuànn Lô-tshia--ah仙拚仙sian-piànn-sian戲棚跤袂輸咧做夜市hì-pînn-kha bē-su teh tsò iā-tshī搦十八仔拚煙腸la̍k si̍p-pat-á piànn ian-tshiâng閣有撈金魚koh ū hôo kim-hî囡仔搶看戲gín-á tshiúnn khuànn-hì圍鼓邊uî kóo pinn愛𨑨迌的ài tshit-thô--ê看戲頭毋知尾khuànn hì thâu m̄-tsai bué拍珠仔射飛鏢phah-tsu-á siā hui-pio耍竹田嬰sńg tik-tshân-inn李仔糖棉花糖枝仔冰lí-á-thn̂g mî-hue-thn̂g ki-á-ping這攏是阮懷念的滋味tsit lóng-sī gún huâi-liām ê tsu-bī徛咧鬧熱的戲棚跤khiā teh lāu-jia̍t ê hì-pênn-kha看劇情的悲歡起落khuànn kio̍k-tsîng ê pi-huan khí-lo̍h心思綴著伊硞硞傱sim-su tuè tio̍h i kho̍k-kho̍k tsông笑看臺頂的做戲的悾tshiò khuànn tâi-tíng ê tsò-hì--ê khong暫時袂記得家己tsiām-sî bē-kì-tit ka-kī是看戲的戇sī khuànn-hì--ê gōng活咧人生的戲棚跤ua̍h teh jîn-sing ê hì-pênn-kha看陳三五娘khuànn Tân-sann-Ngóo-niû好戲的主角hó-hì ê tsú-kak攏是別人演的啊lóng-sī pa̍t-lâng ián--ê ah免怨嘆bián uàn-thàn免驚無機緣bián-kiann bô ki-iân認真拍拚做jīn-tsin phah-piànn tsuè戲棚跤徛久的人hì-pênn-kha khiā kú ê lâng咱絕對有機會lán tsua̍t-tuì ū ki-huē我身騎白馬啊guá sin khiâ pe̍h-bé--ah走三關tsáu sam kuan改換素衣唷kái-uānn sòo-i--iooh回中原huê tiong-guân------------------------------------------→
想起咱囡仔時的廟會廟埕上總是搭起大大的戲棚弄獅舞龍跳宋江陣感謝神恩予咱豐收慶節歌仔戲布袋戲鬧熱上演看包公看三國看俠義閣看哪吒啊仙拚仙戲棚跤袂輸咧做夜市搦十八仔拚煙腸閣有撈金魚囡仔搶看戲圍鼓邊愛𨑨迌的看戲頭毋知尾拍珠仔射飛鏢耍竹田嬰李仔糖棉花糖枝仔冰這攏是阮懷念的滋味徛咧鬧熱的戲棚跤看劇情的悲歡起落心思綴著伊硞硞傱笑看臺頂的做戲的悾暫時袂記得家己是看戲的戇活咧人生的戲棚跤看陳三五娘好戲的主角攏是別人演的啊免怨嘆免驚無機緣認真拍拚做戲棚跤徛久的人咱絕對有機會我身騎白馬啊走三關改換素衣唷回中原
siūnn-khí lán gín-á sî ê biō-huēbiō-tiânn siōng tsóng-sī tah khítuā-tuā ê hì-pênnlāng-sai bú-liông thiàu sòng-kang-tīnkám-siā sîn-unhōo lán hong-siu khìng-tsiatkua-á-hì pòo-tē-hìlāu-jia̍t siōng-iánkhuànn Pau-kongkhuànn Sam-kokkhuànn Kiap-gīkoh khuànn Lô-tshia--ahsian-piànn-sianhì-pînn-kha bē-su teh tsò iā-tshīla̍k si̍p-pat-á piànn ian-tshiângkoh ū hôo kim-hîgín-á tshiúnn khuànn-hìuî kóo pinnài tshit-thô--êkhuànn hì thâu m̄-tsai buéphah-tsu-á siā hui-piosńg tik-tshân-innlí-á-thn̂g mî-hue-thn̂g ki-á-pingtsit lóng-sī gún huâi-liām ê tsu-bīkhiā teh lāu-jia̍t ê hì-pênn-khakhuànn kio̍k-tsîng ê pi-huan khí-lo̍hsim-su tuè tio̍h i kho̍k-kho̍k tsôngtshiò khuànn tâi-tíng ê tsò-hì--ê khongtsiām-sî bē-kì-tit ka-kīsī khuànn-hì--ê gōngua̍h teh jîn-sing ê hì-pênn-khakhuànn Tân-sann-Ngóo-niûhó-hì ê tsú-kaklóng-sī pa̍t-lâng ián--ê ahbián uàn-thànbián-kiann bô ki-iânjīn-tsin phah-piànn tsuèhì-pênn-kha khiā kú ê lânglán tsua̍t-tuì ū ki-huēguá sin khiâ pe̍h-bé--ahtsáu sam kuankái-uānn sòo-i--ioohhuê tiong-guân