6799/《日頭月娘結相倚》Ji̍t-thâu Gue̍h-niû Kat-sio-uá柳育燕Liú Io̍k-iàn------------------------------------------逐工的日頭ta̍k-kang ê ji̍t-thâu若一落山nā tsi̍t lo̍h-suann就覕佇遠山後壁tiō bih tī hn̄g suann āu-piah孵出暗暝的孤單pū tshut àm-mî ê koo-tuann罩佇四邊攏毋散tà tī sì-pinn lóng m̄ suànn思念凝心肝su-liām gîng sim-kuann規身軀kui-sin-khu煞一直起畏寒suah it-ti̍t khí uì-kuânn只有干焦會當問月娘tsí-ū kan-na ē-tàng mn̄g gue̍h-niû這馬你到底是按怎tsit-má lí tàu-tué sī-án-tsuánn一張批紙tsi̍t-tiunn phue-tsuá哪會遮爾大ná ē tsiah-nī tuā像天像地tshiūnn thinn tshiūnn tuē無邊無岸bô-pinn bô-huānn無名佮無份的我bô miâ kah bô hūn ê guá踮佇頂懸真無伴tiàm tī tíng-kuân tsin bô-phuānn思念燙心肝su-liām thǹg sim-kuann向著天邊海角hiòng tio̍h thinn-pinn hái-kak一直湠it-ti̍t thuànn想欲拍開siūnn-beh phah-khui孽緣的門閂gia̍t-iân ê mn̂g-tshuànn共日頭月娘kā ji̍t-thâu gue̍h-niû結相倚kat-sio-uá思念是毋是su-liām sī-m̄-sī會當種落塗ē-tàng tsìng lo̍h-thôo像春草tshiūnn tshun-tsháu無論離偌遠bô-lūn lî guā hn̄g攏綴著你的跤步lóng tuè tio̍h lí ê kha-pōo思念是毋是su-liām sī-m̄-sī會當種落塗ē-tàng tsìng lo̍h-thôo像春草tshiūnn tshun-tsháu為你鋪一條uī lí phoo tsi̍t-tiâu平平軟軟的路pînn-pînn nńg-nńg ê lōo------------------------------------------→
逐工的日頭若一落山就覕佇遠山後壁孵出暗暝的孤單罩佇四邊攏毋散思念凝心肝規身軀煞一直起畏寒只有干焦會當問月娘這馬你到底是按怎一張批紙哪會遮爾大像天像地無邊無岸無名佮無份的我踮佇頂懸真無伴思念燙心肝向著天邊海角一直湠想欲拍開孽緣的門閂共日頭月娘結相倚思念是毋是會當種落塗像春草無論離偌遠攏綴著你的跤步思念是毋是會當種落塗像春草為你鋪一條平平軟軟的路
ta̍k-kang ê ji̍t-thâunā tsi̍t lo̍h-suanntiō bih tī hn̄g suann āu-piahpū tshut àm-mî ê koo-tuanntà tī sì-pinn lóng m̄ suànnsu-liām gîng sim-kuannkui-sin-khusuah it-ti̍t khí uì-kuânntsí-ū kan-na ē-tàng mn̄g gue̍h-niûtsit-má lí tàu-tué sī-án-tsuánntsi̍t-tiunn phue-tsuáná ē tsiah-nī tuātshiūnn thinn tshiūnn tuēbô-pinn bô-huānnbô miâ kah bô hūn ê guátiàm tī tíng-kuân tsin bô-phuānnsu-liām thǹg sim-kuannhiòng tio̍h thinn-pinn hái-kakit-ti̍t thuànnsiūnn-beh phah-khuigia̍t-iân ê mn̂g-tshuànnkā ji̍t-thâu gue̍h-niûkat-sio-uásu-liām sī-m̄-sīē-tàng tsìng lo̍h-thôotshiūnn tshun-tsháubô-lūn lî guā hn̄glóng tuè tio̍h lí ê kha-pōosu-liām sī-m̄-sīē-tàng tsìng lo̍h-thôotshiūnn tshun-tsháuuī lí phoo tsi̍t-tiâupînn-pînn nńg-nńg ê lōo