《行行出狀元》Hâng-hâng Tshut Tsiōng-guân劉福助 Lâu Hok-tsōo------------------------------------------近來事業滿滿是kīn-lâi sū-gia̍p muá-muá-sī人人心肝想趁錢lâng-lâng sim-kuann lóng siūnn thàn-tsînn工業社會大家𠢕反變kang-gia̍p siā-huē tāi-ke gâu píng-pìnn目睭擘金就想趁錢ba̍k-tsiu peh-kim tiō siūnn thàn-tsînn我的祖公仔徛唐山guá ê tsóo-kong-á khiā Tn̂g-suann過來臺灣燒火炭kuè-lâi Tâi-uân sio hué-thuànn嘛咧鶯歌燒碗盤mā teh Ing-ko sio uánn-puânn了後改咧賣豆乾liáu-āu kái teh bē tāu-kuann豆乾毋食食豆腐tāu-kuann m̄ tsia̍h tsia̍h tāu-hū家己食倒煞咧予人倩看牛ka-kī tsia̍h tó suah teh hōo-lâng tshiànn khuànn-gû現在佇咧市政府hiān-tsāi tī-teh tshī-tshìng-hú咧做大官辦公事teh tsuè tuā-kuann pān kong-sū若欲講起阮外公nā beh kóng-khí gún guā-kong出名童乩亂亂傱tshut-miâ tâng-ki luān-luān tsông傱一下傷雄半小死tsông tsi̍t-ē siunn hiông puànn-sió-sí事後改咧牽尪姨sū-āu kái teh khan-ang-î嘛有咧做布袋戲mā ū teh tsuè pòo-tē-hì順紲兼咧做西醫sūn-suà kiam teh tsuè se-i透早佇咧賣豆奶thàu-tsá tī-teh bē tāu-ni暗時佇夜市仔賣大麵àm-sî tī iā-tshī-á bē tuā-mī大廳開店補喙齒tuā-thiann khui-tiàm póo tshuì-khí厝後佇咧飼大豬tshù-āu tī-teh tshī tuā-ti飼大豬大趁錢tshī tuā-ti tuā thàn-tsînn發達現在佇咧賣番薯huat-ta̍t hiān-tsāi tī-teh bē han-tsî上蓋骨力阮外媽siōng-kài kut-la̍t gún guā-má伊佇咧城內賣仙楂i tī-teh siânn-lāi bē sian-tsa嘛有咧賣米粉炒mā ū teh bē bí-hún-tshá嘛有佇咧炕猴膠mā ū tī-teh khòng kâu-ka大囝佇鐵路部食頭路tuā-kiánn tī thih-lōo-pōo tsia̍h-thâu-lōo修理火車面烏烏siu-lí hué-tshia bīn oo-oo了後升咧機關庫liáu-āu sing teh ki-kuan-khòo專門佇咧顧火爐tsuan-bûn tī-teh kòo hué-lôo細漢的電臺食頭路sè-hàn--ê tiān-tâi tsia̍h-thâu-lōo咧講司機聽友俱樂部teh kòo su-ki thiann-iú khū-lo̍k-pōo兼咧拜神賣香爐kiam teh pài-sîn bē hiunn-lôo專門佇咧賣尼姑tsuan-bûn tī-teh bē nî-koo後生上濟是阮叔公hāu-sinn siōng tsē sī gún tsik-kong佇咧內山做番王tī-teh lāi-suann tsuè huan-ông大叔仔佇咧賣水雞tuā-tsik--á tī-teh bē tsuí-ke二叔仔佇咧抾田螺jī-tsik--á tī-teh khioh tshân-lê三叔仔佇咧做塗水sann-tsik--á tī-teh tsò thôo-tsuí四叔仔會曉看風水sì-tsik--á ē-hiáu khuànn hong-suí五叔仔佇咧歕雞胿gōo-tsik--á tī-teh pûn-ke-kui六叔仔專門咧舀肥la̍k-tsik--á tsuan-bûn teh iúnn-puî七叔仔佇咧顧墓仔埔tshit-tsik--á tī-teh kòo bōng-á-poo八叔仔佇咧賣麵線糊peh-tsik--á tī-teh bē mī-suànn-kôo九叔仔佇咧賣酸醋káu-tsik--á tī-teh bē sng-tshòo屘叔仔欠錢咧走路ban-tsik--á khiàm-tsînn teh tsáu-lōo大姑佇咧賣麻糍tuā-koo tī-teh bē muâ-tsî二姑仔五金拍鎖匙jī-koo--á ngóo-kim phah só-sî三姑仔雜貨賣白米sann-koo--á tsa̍p-huè bē pe̍h-bí四姑仔掠龍歕咑呧sì-koo--á lia̍h-lîng pûn tā-ti五姑仔電氣賣電視gōo-koo--á tiān-khì bē tiān-sī六姑仔市場賣鹹魚la̍k-koo--á tshī-tiûnn bē kiâm-hî七姑仔粗勇咧做苦力tshit-koo--á tshoo-ióng teh tsò ku-lí八姑仔𪜶厝佇咧車螺絲peh-koo--á in tshù ti̍h tshia lôo-si九姑仔佇咧賣雞卷káu-koo--á tī-teh bē ke-kńg十姑仔佇咧賣圓仔湯tsa̍p-koo--á tī-teh bē înn-á-thng十一咧賣滷肉飯tsa̍p-it teh bē lóo-bah-pn̄g屘姑仔佇咧變猴爽ban-koo--á tī-teh pìnn kâu-sńg上蓋有錢是阮阿伯siōng-kài ū-tsînn sī gún a-peh日時開店刺皮鞋ji̍t--sî khui-tiàm tshiah phuê-ê暗時佇咧掠水雞àm-sî tī-teh lia̍h tsuí-ke嘛有咧做霆水螺mā ū teh tsò tân-tsuí-lê姆婆仔咧賣碗糕粿ḿ-pô--á teh bē uánn-ko-kué𪜶大囝咧酒店歕鼓吹in tuā-kiánn teh tsiú-tiàm pûn kóo-tshue二囝咧做番仔火jī-kiánn teh tsò huan-á-hué上細出名是姼仔詼siōng-sè tshut-miâ sī tshit-á-khue世界頭路是萬百款sè-kài thâu-lōo sī bān-pah khuán安份守己頭一層an-hūn-siú-kí thâu tsi̍t-tsân毋通這山看彼山懸m̄-thang tsit suann khuànn hit suann kuân拍拚行行出狀元phah-piànn hâng-hâng tshut tsiōng-guân行行出狀元hâng-hâng tshut tsiōng-guân------------------------------------------→
近來事業滿滿是人人心肝想趁錢工業社會大家𠢕反變目睭擘金就想趁錢我的祖公仔徛唐山過來臺灣燒火炭嘛咧鶯歌燒碗盤了後改咧賣豆乾豆乾毋食食豆腐家己食倒煞咧予人倩看牛現在佇咧市政府咧做大官辦公事若欲講起阮外公出名童乩亂亂傱傱一下傷雄半小死事後改咧牽尪姨嘛有咧做布袋戲順紲兼咧做西醫透早佇咧賣豆奶暗時佇夜市仔賣大麵大廳開店補喙齒厝後佇咧飼大豬飼大豬大趁錢發達現在佇咧賣番薯上蓋骨力阮外媽伊佇咧城內賣仙楂嘛有咧賣米粉炒嘛有佇咧炕猴膠大囝佇鐵路部食頭路修理火車面烏烏了後升咧機關庫專門佇咧顧火爐細漢的電臺食頭路咧講司機聽友俱樂部兼咧拜神賣香爐專門佇咧賣尼姑後生上濟是阮叔公佇咧內山做番王大叔仔佇咧賣水雞二叔仔佇咧抾田螺三叔仔佇咧做塗水四叔仔會曉看風水五叔仔佇咧歕雞胿六叔仔專門咧舀肥七叔仔佇咧顧墓仔埔八叔仔佇咧賣麵線糊九叔仔佇咧賣酸醋屘叔仔欠錢咧走路大姑佇咧賣麻糍二姑仔五金拍鎖匙三姑仔雜貨賣白米四姑仔掠龍歕咑呧五姑仔電氣賣電視六姑仔市場賣鹹魚七姑仔粗勇咧做苦力八姑仔𪜶厝佇咧車螺絲九姑仔佇咧賣雞卷十姑仔佇咧賣圓仔湯十一咧賣滷肉飯屘姑仔佇咧變猴爽上蓋有錢是阮阿伯日時開店刺皮鞋暗時佇咧掠水雞嘛有咧做霆水螺姆婆仔咧賣碗糕粿𪜶大囝咧酒店歕鼓吹二囝咧做番仔火上細出名是姼仔詼世界頭路是萬百款安份守己頭一層毋通這山看彼山懸拍拚行行出狀元行行出狀元
kīn-lâi sū-gia̍p muá-muá-sīlâng-lâng sim-kuann lóng siūnn thàn-tsînnkang-gia̍p siā-huē tāi-ke gâu píng-pìnnba̍k-tsiu peh-kim tiō siūnn thàn-tsînnguá ê tsóo-kong-á khiā Tn̂g-suannkuè-lâi Tâi-uân sio hué-thuànnmā teh Ing-ko sio uánn-puânnliáu-āu kái teh bē tāu-kuanntāu-kuann m̄ tsia̍h tsia̍h tāu-hūka-kī tsia̍h tó suah teh hōo-lâng tshiànn khuànn-gûhiān-tsāi tī-teh tshī-tshìng-húteh tsuè tuā-kuann pān kong-sūnā beh kóng-khí gún guā-kongtshut-miâ tâng-ki luān-luān tsôngtsông tsi̍t-ē siunn hiông puànn-sió-sísū-āu kái teh khan-ang-îmā ū teh tsuè pòo-tē-hìsūn-suà kiam teh tsuè se-ithàu-tsá tī-teh bē tāu-niàm-sî tī iā-tshī-á bē tuā-mītuā-thiann khui-tiàm póo tshuì-khítshù-āu tī-teh tshī tuā-titshī tuā-ti tuā thàn-tsînnhuat-ta̍t hiān-tsāi tī-teh bē han-tsîsiōng-kài kut-la̍t gún guā-mái tī-teh siânn-lāi bē sian-tsamā ū teh bē bí-hún-tshámā ū tī-teh khòng kâu-katuā-kiánn tī thih-lōo-pōo tsia̍h-thâu-lōosiu-lí hué-tshia bīn oo-ooliáu-āu sing teh ki-kuan-khòotsuan-bûn tī-teh kòo hué-lôosè-hàn--ê tiān-tâi tsia̍h-thâu-lōoteh kòo su-ki thiann-iú khū-lo̍k-pōokiam teh pài-sîn bē hiunn-lôotsuan-bûn tī-teh bē nî-koohāu-sinn siōng tsē sī gún tsik-kongtī-teh lāi-suann tsuè huan-ôngtuā-tsik--á tī-teh bē tsuí-kejī-tsik--á tī-teh khioh tshân-lêsann-tsik--á tī-teh tsò thôo-tsuísì-tsik--á ē-hiáu khuànn hong-suígōo-tsik--á tī-teh pûn-ke-kuila̍k-tsik--á tsuan-bûn teh iúnn-puîtshit-tsik--á tī-teh kòo bōng-á-poopeh-tsik--á tī-teh bē mī-suànn-kôokáu-tsik--á tī-teh bē sng-tshòoban-tsik--á khiàm-tsînn teh tsáu-lōotuā-koo tī-teh bē muâ-tsîjī-koo--á ngóo-kim phah só-sîsann-koo--á tsa̍p-huè bē pe̍h-bísì-koo--á lia̍h-lîng pûn tā-tigōo-koo--á tiān-khì bē tiān-sīla̍k-koo--á tshī-tiûnn bē kiâm-hîtshit-koo--á tshoo-ióng teh tsò ku-lípeh-koo--á in tshù ti̍h tshia lôo-sikáu-koo--á tī-teh bē ke-kńgtsa̍p-koo--á tī-teh bē înn-á-thngtsa̍p-it teh bē lóo-bah-pn̄gban-koo--á tī-teh pìnn kâu-sńgsiōng-kài ū-tsînn sī gún a-pehji̍t--sî khui-tiàm tshiah phuê-êàm-sî tī-teh lia̍h tsuí-kemā ū teh tsò tân-tsuí-lêḿ-pô--á teh bē uánn-ko-kuéin tuā-kiánn teh tsiú-tiàm pûn kóo-tshuejī-kiánn teh tsò huan-á-huésiōng-sè tshut-miâ sī tshit-á-khuesè-kài thâu-lōo sī bān-pah khuánan-hūn-siú-kí thâu tsi̍t-tsânm̄-thang tsit suann khuànn hit suann kuânphah-piànn hâng-hâng tshut tsiōng-guânhâng-hâng tshut tsiōng-guân