《你苦無我苦》Lí Khóo Bô Guá Khóo 黃一飛 N̂g It-hui 周奕斌 Tsiu I̍k-pin (合) 你苦啊無我苦 lí khóo--ah bô guá khóo 食甜無食苦 tsia̍h tinn bô tsia̍h khóo 你苦啊我無苦 lí khóo--ah bô guá khóo 食糜配菜脯 tsia̍h bêr phuè tshài-póo 你苦啊無我苦 lí khóo--ah bô guá khóo 食補無食苦 tsia̍h-póo bô tsia̍h-khóo 你苦啊我無苦 lí khóo--ah guá bô khóo 食苦當食補 tsia̍h-khóo tòng tsia̍h-póo (黃一飛) 人講三百六十五行 lâng kóng sann-pah la̍k-tsa̍p-gōo hâng 會當行行出狀元 ē-tàng hâng-hâng tshut tsiōng-guân 咱骨力做 lán kut-la̍t tsò 咱嘛認真拚 lán mā līn-tsin piànn 閣愛錢無愛命 koh ài tsînn bô ài miā 賣魚賣菜閣賣直銷 buē hîr buē tshài koh buē zhíxiāo 做衫做褲又閣做保險 tsò sann tsò khòo iū-koh tsò pó-hiám 暗暝閣 pasar malam ¹ 賣 CD ² àm-mî koh pasar malam buē CD 有時閣去鐵廊 ³ 賣臭鐵 ū-sî koh khì thih-lóng buē tshàu-thih 人講愛拚才會贏 lâng kóng ài piànn tsiah ē iânn 我是拚甲半條命 guá sī piànn kah puànn tiâu miā 一年三百六十五工 tsi̍t nî sann-pah la̍k-tsa̍p-gōo kang 換去四十九个頭家 uānn-khì sì-tsa̍p-káu ê thâu-ke 閣三十六个頭家嫂 koh sann-tsa̍p-la̍k ê thâu-ke-só (周奕斌) 來去唱歌比賽做星光幫 lâi-khì tshiùnn-kua pí-sài tsuè xīngguāngbāng 出名閣有錢趁 tshut-miâ koh ū tsînn thàn Supermodel 抑是 Malaysia Idol Supermodel ah-sī Malaysia Idol 哪知無比我先跋一倒 ná tsai bô pí guá sing pua̍h tsi̍t tó 評審講我無夠緣投 píngshěn kóng guá bô-kàu iân-tâu 講我唱歌親像猴 kóng guá tshiùnn-kua tshin-tshiūnn kâu 那講閣那搖頭 ná kóng koh ná iô-thâu 心想伊有偌𠢕 sim siūnn i ū luā gâu 衫褲本錢落甲遐爾重 sann-khòo pún-tsînn lo̍h kah hiah-nī tāng 安慰獎 pun ⁴ 無通趁 ānwèijiǎng pún bô-thang thàn 佢哋講我畀人搵笨 ⁵ keoi5 dei6 gong2 ngo5 bei2 jan4 wan2 ban6 破了我的明星夢 phuà-liáu guá ê bêng-seng bāng (黃一飛) 想欲做 lawyer siūnn-beh tsò lawyer 我閣讀冊無夠濟 guá koh tha̍k-tsheh bô-kàu tsuē 想欲做老君 ⁶ siūnn-beh tsò nóo-kun 毋捌紅毛字 ⁷ m̄ bat âng-môo-lī 想欲做塗水 siūnn-beh tsò thôo-tsuí 無夠孟加拉拚 bô-kàu maang6 gaa1 laai1 piànn 想欲扞羅里 siūnn-beh huānn ló-lí 無夠孟加里 ⁸ 勇 bô-kàu bāng-ka-lí ióng 不如來去跳飛機 put-lû lâi-khì thiàu per-ki 跳飛機嘛是無簡單 thiàu per-ki mā sī bô kán-tan 爸母某囝煞著寄人飼 pē-bú bóo-kiánn suah tio̍h kià lâng tshī 彼號飛機票啊 介紹費啊 hit-lō per-ki-phiò--ah kài-siàu-huì--ah 嘛著幾若千 mā tio̍h kuí-lō tsheng 上驚是予人騙你去荷蘭 siōng kiann sī hōo lâng phiàn lí khì Hô-lân 到時若欲哭 pun ⁴ 無目屎 kàu-sî nā beh khàu pún bô ba̍k-sái 彼號三年五年做甲面青青 hit-lō sann nî gōo nî tsò kah bīn-tshinn-tshinn 規身病疼咧哭爸哭母 kui-sin pīnn-thiànn leh khàu-pē-khàu-bú 趁趁嘛無夠來食補 thàn-thàn mā bô-kàu lâi tsia̍h-póo 哎喲 你苦無我苦 ai-iō lí khóo bô guá khóo 你苦無我苦 lí khóo bô guá khóo (合) 你苦啊無我苦 lí khóo--ah bô guá khóo 食甜無食苦 tsia̍h tinn bô tsia̍h khóo 你苦啊我無苦 lí khóo--ah bô guá khóo 食糜配菜脯 tsia̍h bêr phuè tshài-póo 你苦啊無我苦 lí khóo--ah bô guá khóo 食補無食苦 tsia̍h-póo bô tsia̍h-khóo 你苦啊我無苦 lí khóo--ah guá bô khóo 食苦當食補 tsia̍h-khóo tòng tsia̍h-póo (合) A for apple B for boy C for coconut D for dog one two three four give me five 你若無夠 in lí nā bô-kàu in 若無夠 new nā bô-kàu new 就無夠人 fight tiō bô-kàu lâng fight 當今的世界已經無仝款 tong-kim ê sè-kài í-king bô kāng-khuán 彼號 computer 啊 hit-lō computer--ah digital 啊 digital--ah international inside outside 閣有 website koh ū website ww dot 閣 dot com dot my ww dot koh dot com dot my 啥物代誌攏總會使 internet talk siánn-mih tāi-tsì lóng-tsóng ē-sái internet talk 無夠 update bô-kàu update 你就枵腹肚 lí tiō iau pak-tóo 袂曉 email bē-hiáu email 予人笑你土 hōo lâng tshiò lí thóo 揣頭路愈來愈艱苦 tshuē thâu-lōo lú lâi lú kan-khóo 你若無進步 lí nā bô tsìn-pōo 你就無法度 lí tiō bô-huat-tōo 你若無變步 lí nā bô piàn-pōo 你就永遠行無路 lí tiō íng-uán kiânn bô-lōo 你苦無我苦 lí khóo bô guá khóo 你苦無我苦 lí khóo bô guá khóo (合) 你苦啊無我苦 lí khóo--ah bô guá khóo 食甜無食苦 tsia̍h tinn bô tsia̍h khóo 你苦啊我無苦 lí khóo--ah bô guá khóo 食糜配菜脯 tsia̍h bêr phuè tshài-póo 你苦啊無我苦 lí khóo--ah bô guá khóo 食補無食苦 tsia̍h-póo bô tsia̍h-khóo 你苦啊我無苦 lí khóo--ah guá bô khóo 食苦當食補 tsia̍h-khóo tòng tsia̍h-póo (合) 你苦啊無我苦 lí khóo--ah bô guá khóo 食甜無食苦 tsia̍h tinn bô tsia̍h khóo 你苦啊我無苦 lí khóo--ah bô guá khóo 食糜配菜脯 tsia̍h bêr phuè tshài-póo 你苦啊無我苦 lí khóo--ah bô guá khóo 食補無食苦 tsia̍h-póo bô tsia̍h-khóo 你苦啊我無苦 lí khóo--ah guá bô khóo 食苦當食補 tsia̍h-khóo tòng tsia̍h-póo ------------------------------------------ 註： pasar malam = 夜市 CD = 光碟 廊 = 工廠 pun = 也、嘛 佢哋講我畀人搵笨（粵語）= 𪜶講我予人偏 老君 = 醫生 紅毛字 = 英文 孟加里 = 北印度人
你苦啊無我苦 食甜無食苦 你苦啊我無苦 食糜配菜脯 你苦啊無我苦 食補無食苦 你苦啊我無苦 食苦當食補
lí khóo--ah bô guá khóo tsia̍h tinn bô tsia̍h khóo lí khóo--ah bô guá khóo tsia̍h bêr phuè tshài-póo lí khóo--ah bô guá khóo tsia̍h-póo bô tsia̍h-khóo lí khóo--ah guá bô khóo tsia̍h-khóo tòng tsia̍h-póo