《桃花泣血記》Thô-hua Khip-hiat Kì 純純 Sûn-sûn (本名：劉清香Lâu Tshing-hiong, 1914-1943) --------------------------------------------------------------- 人生相像桃花枝 jîn-sing siong-tshiūnn thô-hua-ki 有時開花有時死 ū sî khui-hue ū sî sí 花有春天再開期 hue ū tshun-thinn tsài khui kî 人若死去無活時 lâng nā sí--khìr bô ua̍h sî 戀愛無分階級性 luân-ài bô hun kai-kip sìng 第一要緊是真情 tuē-it iàu-kín sī tsin-tsîng 琳姑出世歹環境 Lîm-koo tshut-sì pháinn khuân-kíng 相似桃花遐薄命 siong-sū thô-hua hiah po̍k-bīng 禮教束縛非時代 lé-kàu sok-pa̍k hui sî-tāi 最好自由的世界 tsuè-hó tsū-iû ê sè-kài 德恩老母袂理解 Tik-un lāu-bú buē lí-kái 雖然有錢都也害 sui-jiân ū-tsînn to iā hāi 德恩無想是富戶 Tik-un bô siūnn sī hù-hōo 專心實意愛琳姑 tsuan-sim si̍t-ì ài Lîm-koo 免驚僥負來相誤 bián-kiann hiau-hū lâi sio-gōo 我是男子無糊塗 guá sī lâm-tsír bô hôo-tôo 琳姑自本也愛伊 Lîm-koo tsū-pún iā ài i 相信德恩無懷疑 siong-sìn Tik-un bô huâi-gî 結合良緣真歡喜 kiat-ha̍p liông-iân tsin huann-hí 兩心親近毋甘離 lióng-sim tshin-kīn m̄-kam lī --- 愛情愈好事愈多 ài-tsîng jú hó sū jú to 頑固老母真囉唆 guân-kòo lāu-bú tsin lō-so 富男貧女不該好 hù lâm pîn lú put-kai hó 強激平地起風波 kiông-kik pînn-tuē khí hong-pho 離別愛人蓋艱苦 lī-pia̍t ài-jîn kài kan-khóo 相似鈍刀割腸肚 siong-sū tūn-to kuah tn̂g-tōo 傷心啼哭病倒舖 siong-sim thî-khàu pīnn tó phòo 淒慘失戀行末路 tshe-tshám sit-luân kiânn bua̍t-lōo 壓迫囝兒過無理 ap-pik kiánn-jî kuè bô-lí 家庭革命隨時起 ka-tîng kik-bīng suî-sî khí 德恩走去要見伊 Tik-un tsáu-khìr iàu kìnn i 可憐見面已經死 khóo-liân kìnn-bīn í-king sí 文明社會新時代 bûn-bîng siā-huē sin sî-tāi 戀愛自由才應該 luân-ài tsū-iû tsiah ing-kai 階級拘束是有害 kai-kip khu-sok sī ū-hāi 婚姻制度著大改 hun-in tsè-tōo tio̍h tāi kái 做人爸母愛注意 tsò-lâng pē-bú ài tsù-ì 舊式禮教著拋棄 kū-sik lé-kàu tio̍h pha-khì 結果發生的代誌 kiat-kó huat-sing ê tāi-tsì 請看桃花泣血記 tshiánn khuànn Thô-hue Khip-hiat Kì ------------------------------------------------------- →
人生相像桃花枝 有時開花有時死 花有春天再開期 人若死去無活時 戀愛無分階級性 第一要緊是真情 琳姑出世歹環境 相似桃花遐薄命 禮教束縛非時代 最好自由的世界 德恩老母袂理解 雖然有錢都也害 德恩無想是富戶 專心實意愛琳姑 免驚僥負來相誤 我是男子無糊塗 琳姑自本也愛伊 相信德恩無懷疑 結合良緣真歡喜 兩心親近毋甘離 愛情愈好事愈多 頑固老母真囉唆 富男貧女不該好 強激平地起風波 離別愛人蓋艱苦 相似鈍刀割腸肚 傷心啼哭病倒舖 淒慘失戀行末路 壓迫囝兒過無理 家庭革命隨時起 德恩走去要見伊 可憐見面已經死 文明社會新時代 戀愛自由才應該 階級拘束是有害 婚姻制度著大改 做人爸母愛注意 舊式禮教著拋棄 結果發生的代誌 請看桃花泣血記
jîn-sing siong-tshiūnn thô-hua-ki ū sî khui-hue ū sî sí hue ū tshun-thinn tsài khui kî lâng nā sí--khìr bô ua̍h sî luân-ài bô hun kai-kip sìng tuē-it iàu-kín sī tsin-tsîng Lîm-koo tshut-sì pháinn khuân-kíng siong-sū thô-hua hiah po̍k-bīng lé-kàu sok-pa̍k hui sî-tāi tsuè-hó tsū-iû ê sè-kài Tik-un lāu-bú buē lí-kái sui-jiân ū-tsînn to iā hāi Tik-un bô siūnn sī hù-hōo tsuan-sim si̍t-ì ài Lîm-koo bián-kiann hiau-hū lâi sio-gōo guá sī lâm-tsír bô hôo-tôo Lîm-koo tsū-pún iā ài i siong-sìn Tik-un bô huâi-gî kiat-ha̍p liông-iân tsin huann-hí lióng-sim tshin-kīn m̄-kam lī ài-tsîng jú hó sū jú to guân-kòo lāu-bú tsin lō-so hù lâm pîn lú put-kai hó kiông-kik pînn-tuē khí hong-pho lī-pia̍t ài-jîn kài kan-khóo siong-sū tūn-to kuah tn̂g-tōo siong-sim thî-khàu pīnn tó phòo tshe-tshám sit-luân kiânn bua̍t-lōo ap-pik kiánn-jî kuè bô-lí ka-tîng kik-bīng suî-sî khí Tik-un tsáu-khìr iàu kìnn i khóo-liân kìnn-bīn í-king sí bûn-bîng siā-huē sin sî-tāi luân-ài tsū-iû tsiah ing-kai kai-kip khu-sok sī ū-hāi hun-in tsè-tōo tio̍h tāi kái tsò-lâng pē-bú ài tsù-ì kū-sik lé-kàu tio̍h pha-khì kiat-kó huat-sing ê tāi-tsì tshiánn khuànn Thô-hue Khip-hiat Kì