《內山兄坐車》Lāi-suann-hiann Tsē-tshia郭大誠Kueh Tāi-sîng------------------------------------------內山兄坐牛車lāi-suann-hiann tsē gû-tshia欲去臺北城beh khì Tâi-pak-siânn到山跤換坐一台kàu suann-kha uānn tsē tsi̍t-tâi上北的火車tsiūnn-pak ê hué-tshia坐火車到臺北tsē hué-tshia kàu Tâi-pak換坐計程車uānn tsē kè-thîng-tshia看見著交通警察khuànn-kìnn tio̍h kau-thong-kíng-tshat佇咧指揮車tī-leh tsí-hui tshia車來車去tshia lâi tshia khì一時聽著觱觱仔聲tsi̍t-sî thiann-tio̍h pi-pi-á siann遊覽車公共汽車iû-lám-tshia kong-kiōng-khì-tshia三輪貨車吉普車sann-lián-huè-tshia jì-puh-tshia一隻隻攏來停車tsi̍t-tsiah-tsiah khuè lóng lâi thîng-tshia規路全是車kui-lōo tsuân sī tshia↓↓(口白)---(口白)---(口白)↓↓內山兄坐一台牛車lāi-suann-hiann tsē tsi̍t-tâi gû-tshia欲去繁華的臺北城beh khì huân-huâ ê Tâi-pak-siânn誠歹運到山跤tsiânn pháinn-ūn kàu suann-kha牛車煞來跋落崎gû-tshia suah lâi pua̍h-lo̍h kiā害我摔一下hāi guá siak tsi̍t-ē險險仔無性命hiám-hiám-á bô sìnn-miā這件車禍tsit kiānn tshia-hō結果軋死兩隻狗蟻kiat-kó kauh sí nn̄g-tsiah káu-hiā牛車袂當行上害gû-tshia buē-tàng kiânn siōng hāi自按呢tsū-án-ne走去火車頭坐火車tsáu-khì hué-tshia-thâu tsē hué-tshia坐無偌久tsē bô-guā-kú火車就到了臺北城hué-tshia tsiū kàu liáu Tâi-pak-siânn落火車頭lo̍h hué-tshia-thâu煞予我著一驚suah hōo guá tio̍h tsi̍t-kiann看著街路khuànn-tio̍h ke-lōo車來車去全是車tshia lâi tshia khì tsuân sī tshia欲去北投beh khì Pak-tâu煞毋知欲坐佗一隻suah m̄-tsai beh tsē tó tsi̍t-tsiah好佳哉hó-ka-tsài一个司機大兄tsi̍t-ê su-ki tuā-hiann駛著計程車sái tio̍h kè-thîng-tshia叫我緊上車kiò guá kín tsiūnn-tshia向前開咧直直行hiòng-tsîng khui eh ti̍t-ti̍t kiânn行啊行kiânn--ah kiânn哎喲!忽然間去聽著aih-iō! hut-jiân-kan khì thiann-tio̍h交通的觱觱仔聲kau-thong ê pi-pi-á siann一路上的車tsi̍t-lōo-siōng ê tshia一隻一隻攏來停車tsi̍t-tsiah-tsi̍t-tsiah lóng lâi thîng-tshia原來啊guân-lâi--ah就是一个五六歲的囡仔兄tsiū-sī tsi̍t-ê gōo-la̍k huè ê gín-á-hiann駛一台迷你的電動車sái tsi̍t-tâi mini ê tiān-tōng-tshia大大方方大車路tuā-tuā-hong-hong tuā-tshia-lōo共當做運動埕kā tòng-tsò ūn-tōng-tiânn駛咧四界行sái leh sì-kè kiânn害著對面來的150cc的機車hāi tio̍h tuì-bīn lâi ê 150cc ê ki-tshia車手煞扞袂定tshia-tshiú suah huānn buē tiānn為著欲閃彼台電動車uī-tio̍h beh siám hit tâi tiān-tōng-tshia煞去挵著水肥車suah khì lòng-tio̍h tsuí-puî-tshia彼个水肥車hit ê tsuí-puî-tshia趕緊來煞車kuánn-kín lâi sat-tshia猶毋過iáu-m̄-koh水肥已經噴出規半車tsuí-puî í-king phùn tshut kui puànn-tshia害我坐的計程車hāi guá tsē ê kè-thîng-tshia規車煞臭kiâ-kiâkui tshia suah tshàu kiâ-kiâ好佳哉好佳哉hó-ka-tsài hó-ka-tsài後面綴著一台消防車āu-bīn tuè tio̍h tsi̍t-tâi siau-hông-tshia趕緊濺水來共我洗車kuánn-kín tsuānn-tsuí lâi kā guá sé tshia洗好車sé-hó tshia...洗好車才閣去聽著sé-hó tshia tsiah-koh khì thiann-tio̍h彼號觱觱聲hit-lō pi-pi-siann車輛全部才閣起行tshia-lióng tsuân-pōo tsiah-koh khí-kiânn唉唷猶毋過想著會驚aih-iooh, iáu-m̄-koh siūnn-tio̍h ē kiann所以講我欲拜託囡仔兄sóo-í kóng guá beh pài-thok gín-á-hiann交通規則恁著聽kau-thong kui-tsik lín tio̍h thiann恁若發生事故lín nā huat-sing sū-kòo爸母的心是真痛疼pē-bú ê sim sī tsin thàng-thiànn車路毋通當做運動埕tshia-lōo m̄-thang tòng-tsò ūn-tōng-tiânn才袂發生人命tsiah buē huat-sing lâng-miā↑↑(口白)---(口白)---(口白)↑↑觱觱仔聲歕一聲pi-pi-á-siann pûn tsi̍t-siann車輛又起行tshia-lióng iū khí-kiânn囡仔人發生事故gín-á-lâng huat-sing sū-kòo爸母心痛疼pē-bú sim thàng-thiànn大車路千萬毋通tuā-tshia-lōo tshian-bān m̄-thang當做運動埕tòng-tsuè ūn-tōng-tiânn聽歌的先生小姐thiann-kua ê sian-sinn sió-tsiá恁若欲坐車lín nā beh tsē tshia請恁要求司機大兄tshiánn lín iau-kiû su-ki tuā-hiann車掌小姐tshia-tsiáng sió-tsiá著遵守交通規則tio̍h tsun-siú kau-thong kui-tsik毋通超載佮超車m̄-thang tshiau-tsài kah tshiau-tshia也通來保全iā thang lâi pó-tsuân自己寶貴的性命tsū-kí pó-kuì ê sìnn-miā------------------------------------------→
內山兄坐牛車欲去臺北城到山跤換坐一台上北的火車坐火車到臺北換坐計程車看見著交通警察佇咧指揮車車來車去一時聽著觱觱仔聲遊覽車公共汽車三輪貨車吉普車一隻隻攏來停車規路全是車內山兄坐一台牛車欲去繁華的臺北城誠歹運到山跤牛車煞來跋落崎害我摔一下險險仔無性命這件車禍結果軋死兩隻狗蟻牛車袂當行上害自按呢走去火車頭坐火車坐無偌久火車就到了臺北城落火車頭煞予我著一驚看著街路車來車去全是車欲去北投煞毋知欲坐佗一隻好佳哉一个司機大兄駛著計程車叫我緊上車向前開咧直直行行啊行哎喲!忽然間去聽著交通的觱觱仔聲一路上的車一隻一隻攏來停車原來啊就是一个五六歲的囡仔兄駛一台迷你的電動車大大方方大車路共當做運動埕駛咧四界行害著對面來的150cc的機車車手煞扞袂定為著欲閃彼台電動車煞去挵著水肥車彼个水肥車趕緊來煞車猶毋過水肥已經噴出規半車害我坐的計程車好佳哉好佳哉後面綴著一台消防車趕緊濺水來共我洗車洗好車洗好車才閣去聽著彼號觱觱聲車輛全部才閣起行唉唷猶毋過想著會驚所以講我欲拜託囡仔兄交通規則恁著聽恁若發生事故爸母的心是真痛疼車路毋通當做運動埕才袂發生人命觱觱仔聲歕一聲車輛又起行囡仔人發生事故爸母心痛疼大車路千萬毋通當做運動埕聽歌的先生小姐恁若欲坐車請恁要求司機大兄車掌小姐著遵守交通規則毋通超載佮超車也通來保全自己寶貴的性命
lāi-suann-hiann tsē gû-tshiabeh khì Tâi-pak-siânnkàu suann-kha uānn tsē tsi̍t-tâitsiūnn-pak ê hué-tshiatsē hué-tshia kàu Tâi-pakuānn tsē kè-thîng-tshiakhuànn-kìnn tio̍h kau-thong-kíng-tshattī-leh tsí-hui tshiatshia lâi tshia khìtsi̍t-sî thiann-tio̍h pi-pi-á sianniû-lám-tshia kong-kiōng-khì-tshiasann-lián-huè-tshia jì-puh-tshiatsi̍t-tsiah-tsiah khuè lóng lâi thîng-tshiakui-lōo tsuân sī tshialāi-suann-hiann tsē tsi̍t-tâi gû-tshiabeh khì huân-huâ ê Tâi-pak-siânntsiânn pháinn-ūn kàu suann-khagû-tshia suah lâi pua̍h-lo̍h kiāhāi guá siak tsi̍t-ēhiám-hiám-á bô sìnn-miātsit kiānn tshia-hōkiat-kó kauh sí nn̄g-tsiah káu-hiāgû-tshia buē-tàng kiânn siōng hāitsū-án-netsáu-khì hué-tshia-thâu tsē hué-tshiatsē bô-guā-kúhué-tshia tsiū kàu liáu Tâi-pak-siânnlo̍h hué-tshia-thâusuah hōo guá tio̍h tsi̍t-kiannkhuànn-tio̍h ke-lōotshia lâi tshia khì tsuân sī tshiabeh khì Pak-tâusuah m̄-tsai beh tsē tó tsi̍t-tsiahhó-ka-tsàitsi̍t-ê su-ki tuā-hiannsái tio̍h kè-thîng-tshiakiò guá kín tsiūnn-tshiahiòng-tsîng khui eh ti̍t-ti̍t kiânnkiânn--ah kiânnaih-iō hut-jiân-kan khì thiann-tio̍hkau-thong ê pi-pi-á sianntsi̍t-lōo-siōng ê tshiatsi̍t-tsiah-tsi̍t-tsiah lóng lâi thîng-tshiaguân-lâi--ahtsiū-sī tsi̍t-ê gōo-la̍k huè ê gín-á-hiannsái tsi̍t-tâi mini ê tiān-tōng-tshiatuā-tuā-hong-hong tuā-tshia-lōokā tòng-tsò ūn-tōng-tiânnsái leh sì-kè kiânnhāi tio̍h tuì-bīn lâi ê 150cc ê ki-tshiatshia-tshiú suah huānn buē tiānnuī-tio̍h beh siám hit tâi tiān-tōng-tshiasuah khì lòng-tio̍h tsuí-puî-tshiahit ê tsuí-puî-tshiakuánn-kín lâi sat-tshiaiáu-m̄-kohtsuí-puî í-king phùn tshut kui puànn-tshiahāi guá tsē ê kè-thîng-tshiahó-ka-tsài hó-ka-tsàiāu-bīn tuè tio̍h tsi̍t-tâi siau-hông-tshiakuánn-kín tsuānn-tsuí lâi kā guá sé tshiasé-hó tshiasé-hó tshia tsiah-koh khì thiann-tio̍hhit-lō pi-pi-sianntshia-lióng tsuân-pōo tsiah-koh khí-kiânnaih-iooh iáu-m̄-koh siūnn-tio̍h ē kiannsóo-í kóng guá beh pài-thok gín-á-hiannkau-thong kui-tsik lín tio̍h thiannlín nā huat-sing sū-kòopē-bú ê sim sī tsin thàng-thiànntshia-lōo m̄-thang tòng-tsò ūn-tōng-tiânntsiah buē huat-sing lâng-miāpi-pi-á-siann pûn tsi̍t-sianntshia-lióng iū khí-kiânngín-á-lâng huat-sing sū-kòopē-bú sim thàng-thiànntuā-tshia-lōo tshian-bān m̄-thangtòng-tsuè ūn-tōng-tiânnthiann-kua ê sian-sinn sió-tsiálín nā beh tsē tshiatshiánn lín iau-kiû su-ki tuā-hianntshia-tsiáng sió-tsiátio̍h tsun-siú kau-thong kui-tsikm̄-thang tshiau-tsài kah tshiau-tshiaiā thang lâi pó-tsuântsū-kí pó-kuì ê sìnn-miā