【噶瑪蘭的風吹飛高高】 噶瑪蘭的風吹飛懸懸 Ka-má-lán ê hong-tshue pue-kuân-kuân 歌：楊肅浩 Iûnn Siok-hō -- 幾代人 守佇無聲的平原 Kuí tāi lâng Siú tī bô-siann ê pîng-guân 行過九彎十八斡 Kiânn-kuè káu uan tsa̍p-peh uat 戇戇仔賺趁 Gōng-gōng-á tsuán-thàn - 稻草人 你猶閣佇遮等 Tiū-tsháu-lâng Lí iáu-koh tī tsia tán 人講都市好賺食 Lâng kóng too-tshī hó tsuán-tsia̍h 阮欲離開遮 Gún beh lî-khui tsia - 但是翅仔葉嘛會飄落（lo̍h）山 Tān-sī si̍t-á-hio̍h mā ē phiau-lo̍h suann 落（lak）佇當欲離港的船隻 Lak tī tng-beh lî-káng ê tsûn-tsiah 嘛知影 阿媽的白頭鬃猶佇遐 Mā tsai-iánn A-má ê pe̍h-thâu-tsang iáu tī hia - 噶瑪蘭的風吹飛懸懸 Ka-má-lán ê hong-tshue pue-kuân-kuân 少年的夢 猶閣賰幾項 Siàu-liân ê bāng Iáu-koh tshun kuí hāng 彼年佇田岸的囡仔伴 有幾个猶佇遐 Hit nî tī tshân-huānn ê gín-á-phuānn Ū kuí ê iáu tī hia 噶瑪蘭的風吹飛懸懸 Ka-má-lán ê hong-tshue pue-kuân-kuân 遮的查某囡仔嘛真媠款 Tsia ê tsa-bóo-gín-á mā tsin suí khuán 東北風吹著退色門枋 伊咧望啊望 Tang-pak-hong tshue-tio̍h thè-sik mn̂g-pang I leh bāng--ah bāng - 都市人 厝起佇故鄉的平原 Too-tshī-lâng Tshù khí tī kòo-hiong ê pîng-guân 行過冬山河的岸 講後花園（huînn）佇遮 Kiânn-kuè Tang-suann-hô ê huānn Kóng āu-hue-huînn tī tsia 路那行 人愈濟就愈驚惶 Lōo ná kiânn Lâng lú tsē tō lú kiann-hiânn 雨水一暝落袂煞 思念吹袂焦 Hōo-tsuí tsi̍t mî lo̍h buē suah Su-liām tshue buē ta - 毋管逐年的風颱做偌大 龜山的烏雲到尾總會散 M̄-kuán ta̍k-nî ê hong-thai tsò guā tuā Ku-suann ê oo-hûn kàu-bué tsóng-ē suànn 起落的海湧啊 你教阮著愛擔輸贏 Khí-lo̍h ê hái-íng--ah Lí kà gún to̍h-ài tann su-iânn ＊＊ 噶瑪蘭的風吹飛懸懸 Ka-má-lán ê hong-tshue pue-kuân-kuân 一條溪水 藏著偌濟夢 Tsi̍t tiâu khe-tsuí Tshàng-tio̍h guā-tsē bāng 流啊流過青春的小巷 情歌唱袂完 Lâu--ah lâu kuè tshing-tshun ê sió-hāng Tsîng-kua tshiùnn buē uân 噶瑪蘭的風吹飛懸懸 Ka-má-lán ê hong-tshue pue-kuân-kuân 飛入夢中 走揣流浪的人 Pue-ji̍p bāng-tiong Tsáu-tshuē liû-lōng ê lâng 船離港嘛已經幾若（kuí-lō）冬 阮閣望啊望 望啊望 Tsûn lî-káng mā í-king kuí-lō tang Gún koh bāng--ah bāng Bāng--ah bāng 【話尾】 頭一擺投稿，若有重耽--ê 閣望各位先進指點！ 無 sánn 確定伊唱 ê 舊地名 ê 上尾一字到底是lán a̍h-sī lân，因為兩種網路頂攏有。
噶瑪蘭的風吹飛懸懸 幾代人 守佇無聲的平原 行過九彎十八斡 戇戇仔賺趁 稻草人 你猶閣佇遮等 人講都市好賺食 阮欲離開遮 但是翅仔葉嘛會飄落（lo̍h）山 落（lak）佇當欲離港的船隻 嘛知影 阿媽的白頭鬃猶佇遐 噶瑪蘭的風吹飛懸懸 少年的夢 猶閣賰幾項 彼年佇田岸的囡仔伴 有幾个猶佇遐 噶瑪蘭的風吹飛懸懸 遮的查某囡仔嘛真媠款 東北風吹著退色門枋 伊咧望啊望 都市人 厝起佇故鄉的平原 行過冬山河的岸 講後花園（huînn）佇遮 路那行 人愈濟就愈驚惶 雨水一暝落袂煞 思念吹袂焦 毋管逐年的風颱做偌大 龜山的烏雲到尾總會散 起落的海湧啊 你教阮著愛擔輸贏 噶瑪蘭的風吹飛懸懸 一條溪水 藏著偌濟夢 流啊流過青春的小巷 情歌唱袂完 噶瑪蘭的風吹飛懸懸 飛入夢中 走揣流浪的人 船離港嘛已經幾若（kuí-lō）冬 阮閣望啊望 望啊望
Ka-má-lán ê hong-tshue pue-kuân-kuân Kuí tāi lâng Siú tī bô-siann ê pîng-guân Kiânn-kuè káu uan tsa̍p-peh uat Gōng-gōng-á tsuán-thàn Tiū-tsháu-lâng Lí iáu-koh tī tsia tán Lâng kóng too-tshī hó tsuán-tsia̍h Gún beh lî-khui tsia Tān-sī si̍t-á-hio̍h mā ē phiau-lo̍h suann Lak tī tng-beh lî-káng ê tsûn-tsiah Mā tsai-iánn A-má ê pe̍h-thâu-tsang iáu tī hia Ka-má-lán ê hong-tshue pue-kuân-kuân Siàu-liân ê bāng Iáu-koh tshun kuí hāng Hit nî tī tshân-huānn ê gín-á-phuānn Ū kuí ê iáu tī hia Ka-má-lán ê hong-tshue pue-kuân-kuân Tsia ê tsa-bóo-gín-á mā tsin suí khuán Tang-pak-hong tshue-tio̍h thè-sik mn̂g-pang I leh bāng--ah bāng Too-tshī-lâng Tshù khí tī kòo-hiong ê pîng-guân Kiânn-kuè Tang-suann-hô ê huānn Kóng āu-hue-huînn tī tsia Lōo ná kiânn Lâng lú tsē tō lú kiann-hiânn Hōo-tsuí tsi̍t mî lo̍h buē suah Su-liām tshue buē ta M̄-kuán ta̍k-nî ê hong-thai tsò guā tuā Ku-suann ê oo-hûn kàu-bué tsóng-ē suànn Khí-lo̍h ê hái-íng--ah Lí kà gún to̍h-ài tann su-iânn Ka-má-lán ê hong-tshue pue-kuân-kuân Tsi̍t tiâu khe-tsuí Tshàng-tio̍h guā-tsē bāng Lâu--ah lâu kuè tshing-tshun ê sió-hāng Tsîng-kua tshiùnn buē uân Ka-má-lán ê hong-tshue pue-kuân-kuân Pue-ji̍p bāng-tiong Tsáu-tshuē liû-lōng ê lâng Tsûn lî-káng mā í-king kuí-lō tang Gún koh bāng--ah bāng Bāng--ah bāng