《出海口》Tshut Hái-kháu成功大學107級畢業歌曲徵選 #08Sîng-kong Tāi-ha̍k 107-kip Pit-gia̍p Kua-khik Ting-suán #08楊凱文Iûnn Khái-bûn------------------------------------------每一个人攏是雨muí tsi̍t-ê lâng lóng-sī hōo是天頂的囡仔sī thinn-tíng ê gín-á雨落佇塗跤hōo lo̍h tī thôo-kha你拄著我lí tú-tio̍h guá你將烏白的生活lí tsiong oo-pe̍h ê sing-ua̍h染著彩色光線jiám-tio̍h tshái-sik kng-suànn遠遠仔看hn̄g-hn̄g-á khuànn無啥變化bô siánn piàn-huà阮是斷翼的鳥隻gún sī tn̄g-si̍t ê tsiáu-tsiah傷慢自由siunn bān tsū-iû飛袂行pue buē kiânn轉大人的疼tńg-tuā-lâng ê thiànn有誰知影ū siáng tsai-iánn你用夢去換噗仔聲lí iōng bāng khì uānn pho̍k-á-siann換著彼張白紙uānn tio̍h hit tiunn pe̍h-tsuá一面咧笑tsi̍t-bīn leh tshiò一面流汗tsi̍t-bīn lâu-kuānn雨啊雨hōo--ah hōo停的時陣thîng ê sî-tsūn你會離開我lí ē lī-khui guá河啊河hô--ah hô流去佗位lâu khì tó-uī敢會揣著我kám ē tshuē-tio̍h guá青春的日頭落山tshing-tshun ê ji̍t-thâu lo̍h-suann記持有聲kì-tî ū siann越頭無影ua̍t-thâu bô iánn明仔載的風bîn-á-tsài ê hong吹過海岸tshue kuè hái-huānn準備起行tsún-pī khí-kiânn頭前的路thâu-tsîng ê lōo若無伴nā bô-phuānn著叫阮的名tio̍h kiò gún ê miâ予咱沖袂散hōo lán tshiong bē-suànn有一工ū-tsi̍t-kang咱會變做海湧lán ē piàn-tsò hái-íng歌唱袂煞kua tshiùnn bē suah雨水成河hōo-tsuí sîng hô流入海lâu ji̍p hái大海茫茫tuā-hái bâng-bâng看無岸khuànn-bô huānn恁認真講話lín jīn-tsin kóng-uē𪜶無咧聽in bô leh thiann你共過去切對半lí kā kuè-khì tshiat tuì-puànn家己的故事家己寫ka-kī ê kòo-sū ka-kī siá天光的時thinn-kng ê sî欲做島嶼的主人beh tsò tó-sū ê tsú-lâng---慢慢仔捒bān-bān-á sak這片大海tsit phìnn tuā-hái會變甲無仝ē piàn kah bô-kāng------------------------------------------→
成功大學107級畢業歌曲徵選 #08
Sîng-kong Tāi-ha̍k 107-kip Pit-gia̍p Kua-khik Ting-suán 08