《風雨簫聲》Hong-ú Siau-siann 尤雅Iû Ngá 黃玉玲N̂g Gio̍k-lîng 余文雄Î Bûn-hiông ------------------------------------------ 烏暗暗恐怖海邊 oo-àm-àm khióng-pòo hái-pinn 波浪聲連天 pho-lōng siann liân-thinn 暴風雨可怕暗暝 po̍k-hong-ú khó-phà àm-mî 行到海岸邊 kiânn kàu hái-huānn pinn 今日是伊結婚日子 kim-ji̍t sī i kiat-hun ji̍t-tsí 忍不住心傷悲 jím put-tsū sim siong-pi 決意欲離開去 kuat-ì beh lī-khui khì 後世再相見 āu-sì tsài sio-kìnn ↓↓---(口白)---↓↓ 小芬小芬小芬 Sió-hun Sió-hun Sió-hun 你哪會走來遮咧 lí ná ē tsáu-lâi tsia--leh 你免管我 lí bián kuán guá 今仔日 kin-á-ji̍t 是你結婚的日子 sī lí kiat-hun ê ji̍t-tsí 你不應該將新娘放咧 lí put ìng-kai tsiong sin-niû pàng--leh 來遮揣我 lâi tsia tshē guá 你緊轉去 lí kín tńg--khì 你緊轉去 lí kín tńg--khì 無感無情無同意的結婚 bô-kám-bô-tsîng bô tông-ì ê kiat-hun 我無承認 guá bô sîng-jīn 我欲佮你做伙 guá beh kah lí tsò-hué 拜託咧 pài-thok--leh 你毋通按呢講 lí m̄-thang án-ne kóng 你若按呢 lí nā án-ne 我的良心會永遠不安 guá ê liông-sim ē íng-uán put-an 我自細漢是無人疼惜的孤女 guá tsū suè-hàn sī bô-lâng thiànn-sioh ê koo-lú 佳哉是你的爸爸媽媽 ka-tsài sī lí ê pá-pah má-mah 共我抾去飼到大漢 kā guá khioh khì tshī kàu tuā-hàn 若親像我再生的爸母 ná-tshin-tshiūnn guá tsài-sinn ê pē-bú 這个恩情 tsit ê un-tsîng 我毋敢放袂記咧 guá m̄-kánn pàng-buē-kì--eh 你趕緊轉去啦 lí kuánn-kín tńg--khì lah 哼!恩情是恩情 hngh! un-tsîng sī un-tsîng 愛情是愛情 ài-tsîng sī ài-tsîng 這根本是兩回事嘛 tse kin-pún sī nn̄g-huê sū--mah 咱兩个互相相愛 lán nn̄g-ê hōo-siong siong-ài 為啥物袂當結婚咧 uī-sí-mih bē-tàng kiat-hun--leh 攏是阮爸母毋允准咱的結婚 lóng-sī gún pē-bú m̄ ún-tsún lán ê kiat-hun 所以我怨恨怹啦 sóo-í guá uàn-hūn in--lah 你哪會講按呢 lí ná ē kóng án-ne 我毋敢怨恨啥物人 guá m̄-kánn uàn-hūn siánn-mih lâng 總講是咱無緣 tsóng-kóng sī lán bô-iân 你毋通閣講紲落去囉 lí m̄-thang koh kóng suà--lo̍h-khì looh 若按呢 nā án-ne 你來遮創啥咧 lí lâi tsia tshòng siánn--leh 我我只有想死 guá, guá tsí-ū siūnn sí 啥物？死？ siánn-mih? sí? ↑↑---(口白)---↑↑ 伊對阮雖然有情 i tuì gún sui-jiân ū-tsîng 毋敢來答應 m̄-kánn lâi tah-ìng 波浪聲又叫無停 pho-lōng siann iū kiò bô thîng 心內真分明 sim-lāi tsin hun-bîng 若親像替阮抱不平 ná-tshin-tshiūnn thuè gún phāu-put-phîng 總講為報恩情 tsóng-kóng uī pò un-tsîng 才著愛來犧牲 tsiah tio̍h-ài lâi hi-sing 決心了殘生 kuat-sim liáu tsân-sing ↓↓---(口白)---↓↓ 小芬你既然想死 Sió-hun lí kì-jiân siūnn sí 我也欲佮你鬥陣死 guá iā beh kah lí tàu-tīn sí 欸!袂用得 eh! buē-īng-lit 你有家庭 lí ū ka-tîng 你有爸母 lí ū pē-bú 厝內猶閣有 tshù-lāi iáu-koh ū 一个太太咧等你 tsi̍t-ê thài-thài teh tán lí 我毋管啦 guá m̄-kuán--lah 我無答應 guá bô tah-ìng 我無佮意的婚姻 guá bô kah-ì ê hun-in 我我無愛啦 guá, guá bô-ài--lah 你若按呢做 lí nā án-ne tsò 我豈毋是變成一个 guá khí m̄-sī piàn-sîng tsi̍t-ê 忘恩背義的人 bōng-un puē-gī ê lâng 你也變成一个不孝子 lí iā piàn-sîng tsi̍t-ê put-hàu-tsú 是 sī 我願意做一个不孝子 guá guān-ì tsò tsi̍t-ê put-hàu-tsú 爸爸媽媽我真不孝 pá-pah má-mah guá tsin put-hàu 但是這也攏是恁做得來的 tān-sī tse iā lóng sī lín tsò-tit-lâi--ê 誰叫恁強迫我娶別人 siáng kiò lín kiông-pik guá tshuā pa̍t-lâng 拆散阮的情愛 thiah-suànn gún ê tsîng-ài 恁毋通完全怪我 lín m̄-thang uân-tsuân kuài guá 怪恁自己太過固執好啦 kuài lín tsū-kí thài-kuè kòo-tsip hó--lah 真情真愛 tsin-tsîng tsin-ài 一對可憐的好伴侶 tsi̍t tuì khó-liân ê hó phuānn-lī 有堅定意志 ū kian-tīng ì-tsì 雖然在生 sui-jiân tsāi-senn 毋是同月同日生 m̄-sī tông-gue̍h tông-ji̍t senn 但願同日死 tān-guān tông-ji̍t sí 永遠兩相依 íng-uán lióng-siong-i 愛情永不移 ài-tsîng íng put-î 雙雙對對伴相隨 siang-siang tuì-tuì phuānn-sio-suî 天上結情義 thian-siōng kiat tsîng-gī 小芬 Sió-hun 我遮有一條皮帶 guá tsia ū tsi̍t tiâu phuê-tuà 咱兩个縛做伙 lán nn̄g-ê pa̍k tsò-hué 雖然在生袂當做堆 sui-jiân tsāi-senn bē-tàng tsò-tui 死也甘願伴相隨 sí iā kam-guān phuānn-sio-suî ↑↑---(口白)---↑↑ 風蕭蕭 hong siau-siau 雨也飄飄 ú iā phiau-phiau 真情斷不了 tsin-tsîng tuān put-liáu 真感情才最重要 tsin kám-tsîng tsiah tsuè tiōng-iàu 啥人都明瞭 siánn-lâng to bîng-liâu 在生難得共度春宵 tsāi-sinn lân-tit kiōng-tōo tshun-siau 在天是真逍遙 tsāi thinn sī tsin siau-iâu 有兩條神魂飄渺 ū nn̄g-tiâu sîn-hûn phiau-biáu 同唱安魂調 tông-tshiùnn an-hûn-tiāu ------------------------------------------ →
烏暗暗恐怖海邊 波浪聲連天 暴風雨可怕暗暝 行到海岸邊 今日是伊結婚日子 忍不住心傷悲 決意欲離開去 後世再相見 小芬小芬小芬 你哪會走來遮咧 你免管我 今仔日 是你結婚的日子 你不應該將新娘放咧 來遮揣我 你緊轉去 你緊轉去 無感無情無同意的結婚 我無承認 我欲佮你做伙 拜託咧 你毋通按呢講 你若按呢 我的良心會永遠不安 我自細漢是無人疼惜的孤女 佳哉是你的爸爸媽媽 共我抾去飼到大漢 若親像我再生的爸母 這个恩情 我毋敢放袂記咧 你趕緊轉去啦 哼!恩情是恩情 愛情是愛情 這根本是兩回事嘛 咱兩个互相相愛 為啥物袂當結婚咧 攏是阮爸母毋允准咱的結婚 所以我怨恨怹啦 你哪會講按呢 我毋敢怨恨啥物人 總講是咱無緣 你毋通閣講紲落去囉 若按呢 你來遮創啥咧 我我只有想死 啥物？死？ 伊對阮雖然有情 毋敢來答應 波浪聲又叫無停 心內真分明 若親像替阮抱不平 總講為報恩情 才著愛來犧牲 決心了殘生 小芬你既然想死 我也欲佮你鬥陣死 欸!袂用得 你有家庭 你有爸母 厝內猶閣有 一个太太咧等你 我毋管啦 我無答應 我無佮意的婚姻 我我無愛啦 你若按呢做 我豈毋是變成一个 忘恩背義的人 你也變成一个不孝子 我願意做一个不孝子 爸爸媽媽我真不孝 但是這也攏是恁做得來的 誰叫恁強迫我娶別人 拆散阮的情愛 恁毋通完全怪我 怪恁自己太過固執好啦 真情真愛 一對可憐的好伴侶 有堅定意志 雖然在生 毋是同月同日生 但願同日死 永遠兩相依 愛情永不移 雙雙對對伴相隨 天上結情義 小芬 我遮有一條皮帶 咱兩个縛做伙 雖然在生袂當做堆 死也甘願伴相隨 風蕭蕭 雨也飄飄 真情斷不了 真感情才最重要 啥人都明瞭 在生難得共度春宵 在天是真逍遙 有兩條神魂飄渺 同唱安魂調
oo-àm-àm khióng-pòo hái-pinn pho-lōng siann liân-thinn po̍k-hong-ú khó-phà àm-mî kiânn kàu hái-huānn pinn kim-ji̍t sī i kiat-hun ji̍t-tsí jím put-tsū sim siong-pi kuat-ì beh lī-khui khì āu-sì tsài sio-kìnn Sió-hun Sió-hun Sió-hun lí ná ē tsáu-lâi tsia--leh lí bián kuán guá kin-á-ji̍t sī lí kiat-hun ê ji̍t-tsí lí put ìng-kai tsiong sin-niû pàng--leh lâi tsia tshē guá lí kín tńg--khì lí kín tńg--khì bô-kám-bô-tsîng bô tông-ì ê kiat-hun guá bô sîng-jīn guá beh kah lí tsò-hué pài-thok--leh lí m̄-thang án-ne kóng lí nā án-ne guá ê liông-sim ē íng-uán put-an guá tsū suè-hàn sī bô-lâng thiànn-sioh ê koo-lú ka-tsài sī lí ê pá-pah má-mah kā guá khioh khì tshī kàu tuā-hàn ná-tshin-tshiūnn guá tsài-sinn ê pē-bú tsit ê un-tsîng guá m̄-kánn pàng-buē-kì--eh lí kuánn-kín tńg--khì lah hngh! un-tsîng sī un-tsîng ài-tsîng sī ài-tsîng tse kin-pún sī nn̄g-huê sū--mah lán nn̄g-ê hōo-siong siong-ài uī-sí-mih bē-tàng kiat-hun--leh lóng-sī gún pē-bú m̄ ún-tsún lán ê kiat-hun sóo-í guá uàn-hūn in--lah lí ná ē kóng án-ne guá m̄-kánn uàn-hūn siánn-mih lâng tsóng-kóng sī lán bô-iân lí m̄-thang koh kóng suà--lo̍h-khì looh nā án-ne lí lâi tsia tshòng siánn--leh guá, guá tsí-ū siūnn sí siánn-mih? sí? i tuì gún sui-jiân ū-tsîng m̄-kánn lâi tah-ìng pho-lōng siann iū kiò bô thîng sim-lāi tsin hun-bîng ná-tshin-tshiūnn thuè gún phāu-put-phîng tsóng-kóng uī pò un-tsîng tsiah tio̍h-ài lâi hi-sing kuat-sim liáu tsân-sing Sió-hun lí kì-jiân siūnn sí guá iā beh kah lí tàu-tīn sí eh! buē-īng-lit lí ū ka-tîng lí ū pē-bú tshù-lāi iáu-koh ū tsi̍t-ê thài-thài teh tán lí guá m̄-kuán--lah guá bô tah-ìng guá bô kah-ì ê hun-in guá, guá bô-ài--lah lí nā án-ne tsò guá khí m̄-sī piàn-sîng tsi̍t-ê bōng-un puē-gī ê lâng lí iā piàn-sîng tsi̍t-ê put-hàu-tsú guá guān-ì tsò tsi̍t-ê put-hàu-tsú pá-pah má-mah guá tsin put-hàu tān-sī tse iā lóng sī lín tsò-tit-lâi--ê siáng kiò lín kiông-pik guá tshuā pa̍t-lâng thiah-suànn gún ê tsîng-ài lín m̄-thang uân-tsuân kuài guá kuài lín tsū-kí thài-kuè kòo-tsip hó--lah tsin-tsîng tsin-ài tsi̍t tuì khó-liân ê hó phuānn-lī ū kian-tīng ì-tsì sui-jiân tsāi-senn m̄-sī tông-gue̍h tông-ji̍t senn tān-guān tông-ji̍t sí íng-uán lióng-siong-i ài-tsîng íng put-î siang-siang tuì-tuì phuānn-sio-suî thian-siōng kiat tsîng-gī Sió-hun guá tsia ū tsi̍t tiâu phuê-tuà lán nn̄g-ê pa̍k tsò-hué sui-jiân tsāi-senn bē-tàng tsò-tui sí iā kam-guān phuānn-sio-suî hong siau-siau ú iā phiau-phiau tsin-tsîng tuān put-liáu tsin kám-tsîng tsiah tsuè tiōng-iàu siánn-lâng to bîng-liâu tsāi-sinn lân-tit kiōng-tōo tshun-siau tsāi thinn sī tsin siau-iâu ū nn̄g-tiâu sîn-hûn phiau-biáu tông-tshiùnn an-hûn-tiāu