《故鄉的列車》Kòo-hiong ê Lia̍t-tshia 葉啟田 Ia̍p Khé-iân ----------------------------------------- (口白)-----↓ 男： 啊!故鄉的風光, 猶原遮爾仔美麗 Ah! kòo-hiong ê hong-kong, iu-guân tsiah-nī-á bí-lē. 自我出外到這陣也已經五年矣 Tsū guá tshut-guā kàu tsit-tsūn iā í-king gōo nî--ah. 這次會當坐著故鄉的列車倒轉來 Tsit tshù ē-tàng tsē tio̍h kòo-hiong ê lia̍t-tshia tò-tńg--lâi. 心愛的, 你一定會真歡喜才著啦 Sim-ài--ê, lí it-tīng ē tsin huann-hí tsiah tio̍h—lah. 女：啟田~ Khé-tiân~ 男：小美, 喲...你遮爾大漢矣 Sió-bí, iōo~ lí tsiah-nī(tsín) tuā-hàn--ah. 女：嗯, 你家己毋講 Ngh, lí ka-kī m̄ kóng 男：小美, 恁姐姐哪會無佮你鬥陣來? Sió-bí, lín tsé-tseh ná ē bô kah lí tàu-tīn--lâi? 女：人伊... Lâng i ... 男：伊走佗位去? I tsáu tó-uī khì? 女：阮毋敢講啦! Gún m̄-kánn kóng--lah! 男：抑無咱鬥陣來去揣伊好無? Ia̍h-bô, lán tàu-tīn lâi-khì tshuē i, hó--bô? 女：伊... i… 男：伊是怎樣啦? I sī tsuánn-iūnn--lah? 女：伊, 伊出嫁矣啦 I, i tshut-kè--ah-lah. 男：唅! 小美, 你閣講一遍 Hannh! Sió-bí, lí koh kóng tsi̍t piàn. 女：阮姐姐... Gún tsé-tseh... 男：淑娟, 你, 你, 你誠實嫁去矣是毋? Siok-kuan, lí, lí, lí tsiânn-si̍t kè khì--ah? Sī--m̄? (口白)-----↑ 心愛的人 心愛的你敢毋知 sim-ài ê lâng, sim-ài ê lí kám m̄-tsai 我是真心咧愛你 guá sī tsin-sim teh ài lí 為著你來離開故鄉有五年 uī-tio̍h lí lâi lī-khui kòo-hiong ū gōo nî 今仔日轉來的時 kin-á-ji̍t tńg--lâi ê sî 歡喜欲看著你 huann-hí bueh khuànn-tio̍h lí 無疑你會予我心破碎 bô-gî lí ē hōo guá sim phò-tshuì 枉費阮思戀你 óng-huì gún su-luân lí 心愛的人 心愛的你無想起 sim-ài ê lâng, sim-ài--ê lí bô siūnn-khí 欲來離開彼一日 bueh lâi lī-khui hit-tsi̍t-ji̍t 你佮我也立誓約束的代誌 lí kah guá iā li̍p-sè iok-sok ê tāi-tsì 怎樣你會來變心 tsuánn-iūnn lí ē lâi piàn-sim 佮別人去結婚 kah pa̍t-lâng khì kiat-hun 無彩我犧牲著一切 bô-tshái guá hi-sing tio̍h it-tshè 拍拚欲安慰你 phah-piànn bueh an-uì lí 心愛的人心愛的你遐無情 sim-ài ê lâng, sim-ài ê lí hiah bô-tsîng 放捒著我做你去 pàng-sat tio̍h guá tsuè lí khì 過去的青春夢已經是無望 kè-khì ê tshing-tshun-bāng í-king sī bô-bāng 看破著阮的一生 khuànn-phuà tio̍h gún ê it-sing 甘願來離開著 kam-guān lâi lī-khui tio̍h 可愛的阮的故鄉里 khó-ài--ê gún ê kòo hiong lí 再流浪他鄉里 tsài liû-lōng thann hiunn-lí -----------------------------------------
啊!故鄉的風光, 猶原遮爾仔美麗 自我出外到這陣也已經五年矣 這次會當坐著故鄉的列車倒轉來 心愛的, 你一定會真歡喜才著啦 女：啟田~ 男：小美, 喲...你遮爾大漢矣 女：嗯, 你家己毋講 男：小美, 恁姐姐哪會無佮你鬥陣來? 女：人伊... 男：伊走佗位去? 女：阮毋敢講啦! 男：抑無咱鬥陣來去揣伊好無?
Ah! kòo-hiong ê hong-kong, iu-guân tsiah-nī-á bí-lē. Tsū guá tshut-guā kàu tsit-tsūn iā í-king gōo nî--ah. Tsit tshù ē-tàng tsē tio̍h kòo-hiong ê lia̍t-tshia tò-tńg--lâi. Sim-ài--ê, lí it-tīng ē tsin huann-hí tsiah tio̍h—lah. Khé-tiân~ Sió-bí, iōo~ lí tsiah-nī(tsín) tuā-hàn--ah. Ngh, lí ka-kī m̄ kóng Sió-bí, lín tsé-tseh ná ē bô kah lí tàu-tīn--lâi? Lâng i ... I tsáu tó-uī khì? Gún m̄-kánn kóng--lah! Ia̍h-bô, lán tàu-tīn lâi-khì tshuē i, hó--bô?