《阮有一个夢》Gún ū Tsi̍t-ê Bāng 沈文程Sím Bûn-tîng ---------- 作詞：林淇瀁 tsok-sû：Lîm Kî-iōng 作曲：沈文程 tsok-khik：Sím Bûn-tîng 編曲：洪敬堯 pian-khik：Âng Kìng-giâu ---------- 阮有一个夢 gún ū tsi̍t-ê bāng 夢見咱兩人做伴 bāng-kìnn lán nn̄g-lâng tsuè-phuānn 溪水輕聲來合奏 khe-tsuí khin-siann lâi ha̍p-tsàu 花草含笑開滿山 hue-tsháu hâm-siàu khui muá-suann 金色的田園 kim-sik ê tshân-hn̂g 稻仔雙手牽相倚 tiū-á siang-tshiú khan-sio-uá 收成的暗暝 siu-sîng ê àm-mî 月娘陪咱唱情歌 gue̍h-niû puê lán tshiùnn tsîng-kua 阮有一个夢 gún ū tsi̍t-ê bāng 夢見咱合力拍拚 bāng-kìnn lán ha̍p-li̍k phah-piànn 海湧有情笑文文 hái-íng ū-tsîng tshiò-bûn-bûn 海鳥有心綴咱行 hái-tsiáu ū-sim tuè lán kiânn 開闊的大海 khai-khuah ê tuā-hái 魚隻落網免著驚 hî-tsiah lo̍h-bāng bián tio̍h-kiann 日落的黃昏 ji̍t-lo̍h ê hông-hun 船螺聲霆出豐收聲 tsûn-lê-siann tân tshut hong-siu-siann 阮有一个夢 gún ū tsi̍t-ê bāng 夢見咱互相疼痛 bāng-kìnn lán hōo-siong thiànn-thàng 大風大雨攏會過 tuā-hong tuā-hōo lóng ē kuè 烏雲散盡日當紅 oo-hûn suànn-tsīn ji̍t tong-âng 美麗的土地 bí-lē ê thóo-tē 花欉四界放清芳 hue-tsâng sì-kè pàng tshing-phang 快樂的日子 khuài-lo̍k ê ji̍t-tsí 同心據在咱雙人 tông-sim kì-tsāi lán siang-lâng 美麗的土地 bí-lē ê thóo-tē 花欉四界放清芳 hue-tsâng sì-kè pàng tshing-phang 快樂的日子 khuài-lo̍k ê ji̍t-tsí 同心據在咱雙人 tông-sim kì-tsāi lán siang-lâng 阮有一个夢 gún ū tsi̍t-ê bāng 夢見咱合力拍拚 bāng-kìnn lán ha̍p-li̍k phah-piànn 阮有一个夢 gún ū tsi̍t-ê bāng 夢見咱互相疼痛 bāng-kìnn lán hōo-siong thiànn-thàng 阮有一个夢 gún ū tsi̍t-ê bāng 夢見咱合力拍拚 bāng-kìnn lán ha̍p-li̍k phah-piànn 阮有一个夢～ gún ū tsi̍t-ê bāng～ ----------
作詞：林淇瀁 作曲：沈文程 編曲：洪敬堯
tsok-sû：Lîm Kî-iōng tsok-khik：Sím Bûn-tîng pian-khik：Âng Kìng-giâu