《抾恨》Khioh-hūn 甲子慧Kah-tsí Huī ------------------------------------------ 你的抾恨啊 lí ê khioh-hūn--ah 抾恨啊 khioh-hūn--ah 怎樣苦勸 tsuánn-iūnn khóo-khǹg 全然無較縒 tsuân-jiân bô-khah-tsua̍h 抾袂完的是非 khioh bē uân ê sī-hui 怨妒誤你一生 uàn-tòo gōo lí it-sing 無快樂只有心頭凝 bô khuài-lo̍k tsí-ū sim-thâu gîng 兩字抾恨啊 nn̄g-jī khioh-hūn--ah 抾恨啊 khioh-hūn--ah 冤冤相報 uan-uan siong-pò 覺醒欲等何時 kak-tshínn beh tán hô-sî 怨恨若一時 uàn-hūn nā tsi̍t-sî 原諒較值錢 guân-liōng khah ta̍t-tsînn 讓一步 niū tsi̍t-pōo 這才是了不起 tse tsiah-sī liáu-put-khí 你無腹腸的心肝 lí bô pak-tn̂g ê sim-kuann 若是得罪永遠袂收煞 nā-sī tik-tsuē íng-uán buē siu-suah 表面笑容激甲無按怎 piáu-bīn tshiò-iông kik kah bô án-tsuánn 鑿佇心內恨甲愛人命 tsha̍k tī sim-lāi hūn kah ài lâng miā 何必為著小事起波浪 hô-pit uī-tio̍h sió-sū khí pho-lōng 浪費時間 lōng-huì sî-kan 想甲心頭狂 siūnn kah sim-thâu kông 袂平靜的心情 buē pîng-tsīng ê sim-tsîng 煞將靈魂束縛 suah tsiong lîng-hûn sok-pa̍k 哪通將慈悲 ná thang tsiong tsû-pi 關佇牢房 kuainn tī lô-pâng ------------------------------------------ →
你的抾恨啊 抾恨啊 怎樣苦勸 全然無較縒 抾袂完的是非 怨妒誤你一生 無快樂只有心頭凝 兩字抾恨啊 抾恨啊 冤冤相報 覺醒欲等何時 怨恨若一時 原諒較值錢 讓一步 這才是了不起 你無腹腸的心肝 若是得罪永遠袂收煞 表面笑容激甲無按怎 鑿佇心內恨甲愛人命 何必為著小事起波浪 浪費時間 想甲心頭狂 袂平靜的心情 煞將靈魂束縛 哪通將慈悲 關佇牢房
lí ê khioh-hūn--ah khioh-hūn--ah tsuánn-iūnn khóo-khǹg tsuân-jiân bô-khah-tsua̍h khioh bē uân ê sī-hui uàn-tòo gōo lí it-sing bô khuài-lo̍k tsí-ū sim-thâu gîng nn̄g-jī khioh-hūn--ah khioh-hūn--ah uan-uan siong-pò kak-tshínn beh tán hô-sî uàn-hūn nā tsi̍t-sî guân-liōng khah ta̍t-tsînn niū tsi̍t-pōo tse tsiah-sī liáu-put-khí lí bô pak-tn̂g ê sim-kuann nā-sī tik-tsuē íng-uán buē siu-suah piáu-bīn tshiò-iông kik kah bô án-tsuánn tsha̍k tī sim-lāi hūn kah ài lâng miā hô-pit uī-tio̍h sió-sū khí pho-lōng lōng-huì sî-kan siūnn kah sim-thâu kông buē pîng-tsīng ê sim-tsîng suah tsiong lîng-hûn sok-pa̍k ná thang tsiong tsû-pi kuainn tī lô-pâng