《有緣來做伙》Ū-iân Lâi Tsò-hué阿牛A-gû(陳慶祥Tân Khìng-siông，馬來西亞)------------------------------------------你是天頂一蕊花lí sī thinn-tíng tsi̍t-luí hue無小心插佇阮頭頂bô sió-sim tshah tī gún thâu-tíng無驚胡蠅四散飛bô kiann hôo-sîn sì-suànn pue也無驚別人來看衰iā bô kiann pa̍t-lâng lâi khuànn-sue我是路邊牛屎一堆guá sī lōo-pinn gû-sái tsi̍t-tui人人攏怨妒lâng-lâng lóng uàn-tòo我趁著寶貝guá thàn tio̍h pó-puè有你陪佇阮身邊ū lí puê tī gún sin-pinn世界煞變甲真趣味sè-kài suah piàn kah tsin tshù-bī你愛金銀珠寶lí ài kim-gîn tsu-pó無問題bô būn-tuê你愛大車大厝lí ài tuā tshia tuā tshù我去買guá khì bué我的底衫底褲guá ê té-sann té-khòo有你共阮洗ū lí kā gún sué我若揣袂著路guá nā tshuē bē tio̍h lōo有你來點火ū lí lâi tiám hué有緣ū-iân才會來做伙tsiah-ē lâi tsò-hué你遮爾好的查某lí tsiah-nī hó ê tsa-bóo欲去佗揣beh khì toh tshuē查埔人是鐵槌tsa-poo-lâng sī thih-thuî查某是鐵釘tsa-bóo sī thih-ting咱兩人來起一間lán nn̄g-lâng lâi khí tsi̍t-king愛的房間ài ê pâng-king愛人哪ài-jîn--nah有緣來做伙ū-iân lâi tsò-hué我遮爾好的查埔guá tsiah-nī hó ê tsa-poo嘛無容揣mā bô êng tshuē人啊真正緣投lâng--ah tsin-tsiànn iân-tâu只是生較矮tsí-sī senn khah é人講跤短在在lâng kóng kha té tsāi-tsāi免驚風吹bián-kiann hong tshue------------------------------------------→
你是天頂一蕊花無小心插佇阮頭頂無驚胡蠅四散飛也無驚別人來看衰我是路邊牛屎一堆人人攏怨妒我趁著寶貝有你陪佇阮身邊世界煞變甲真趣味你愛金銀珠寶無問題你愛大車大厝我去買我的底衫底褲有你共阮洗我若揣袂著路有你來點火有緣才會來做伙你遮爾好的查某欲去佗揣查埔人是鐵槌查某是鐵釘咱兩人來起一間愛的房間愛人哪有緣來做伙我遮爾好的查埔嘛無容揣人啊真正緣投只是生較矮人講跤短在在免驚風吹
lí sī thinn-tíng tsi̍t-luí huebô sió-sim tshah tī gún thâu-tíngbô kiann hôo-sîn sì-suànn pueiā bô kiann pa̍t-lâng lâi khuànn-sueguá sī lōo-pinn gû-sái tsi̍t-tuilâng-lâng lóng uàn-tòoguá thàn tio̍h pó-puèū lí puê tī gún sin-pinnsè-kài suah piàn kah tsin tshù-bīlí ài kim-gîn tsu-póbô būn-tuêlí ài tuā tshia tuā tshùguá khì buéguá ê té-sann té-khòoū lí kā gún suéguá nā tshuē bē tio̍h lōoū lí lâi tiám huéū-iântsiah-ē lâi tsò-huélí tsiah-nī hó ê tsa-bóobeh khì toh tshuētsa-poo-lâng sī thih-thuîtsa-bóo sī thih-tinglán nn̄g-lâng lâi khí tsi̍t-kingài ê pâng-kingài-jîn--nahū-iân lâi tsò-huéguá tsiah-nī hó ê tsa-poomā bô êng tshuēlâng--ah tsin-tsiànn iân-tâutsí-sī senn khah élâng kóng kha té tsāi-tsāibián-kiann hong tshue