338/《誠懇鬥陣》Sîng Khún Tàu-tīn 李愛綺Lí Ài-khí (李嘉Lí Ka) 馬念先Má Liām-sian (RAP) ------------------------------------------ ↓↓(RAP，臺華雙語混合)↓↓ 謼~莫對我講 hooh~ mài tuì guá kóng 啥物山盟海誓 siánn-mih san-bîng hái-sè 我親像 guá tshin-tshiūnn 爆發的火山 bàofā de huǒshān 從印尼噴到北極 cóng Ìnní pēn dào běijí 熱情讓Häagen-Dazs都倒店 rèqíng rang Häagen-Dazs dōu dǎodiàn 我的熱力足夠融化 wǒ de rèlì zúgòu rónghuà 全世界的冰淇淋 quán shìjiè de pīngqílín 這馬干焦想欲佮你 tsit-má kan-na siūnn-beh kah lí 先睏鬥陣 sing khùn tàu-tīn ↑↑(RAP，臺華雙語混合)↑↑ 自細漢爸爸媽媽 tsū sè-hàn pa-pah má-mah 怹定定教阮 in tiānn-tiānn kà gún 做人愛跤踏實地 tsuè-lâng ài kha ta̍h si̍t-tē 愛誠懇鬥陣 ài sîng-khún tàu-tīn 讀冊時學校的老師 tha̍k-tsheh-sî ha̍k-hāu ê lāu-su 伊嘛是有教阮 i mā sī ū kà gún 做人愛堂堂正正 tsuè-lâng ài tông-tông tsìng-tsìng 著真心誠懇 tio̍h tsin-sim sîng-khún 怹大人講的話 in tuā-lâng kóng ê uē 阮攏認真咧聽 gún lóng jīn-tsin teh thiann 就算大漢愛唱歌 tiō-sǹg tuā-hàn ài tshiùnn-kua 世界變多虛華 sè-kài piàn to hi-hua 阮熟似你的時陣 gún si̍k-sāi lí ê sî-tsūn 猶原用歌聲 iu-guân iōng kua-siann 唱出有你來做伴的 tshiùnn-tshut ū lí lâi tsuè-phuānn ê 歡喜心情 huann-hí sim-tsiânn 誠懇鬥陣 sîng-khún tàu-tīn 誠懇鬥陣 sîng-khún tàu-tīn 我愛你來牽阮的手 guá ài lí lâi khan gún ê tshiú 歡喜唱歌 huann-hí tshiùnn-kua 誠懇鬥陣 sîng-khún tàu-tīn 莫睏鬥陣 mài khùn tàu-tīn 喔~毋管天邊 ooh~ m̄-kuán thinn-pinn 抑是海角 ia̍h-sī hái-kak 阮攏佮你做伴 gún lóng kah lí tsuè-phuānn ↓↓(RAP，臺華雙語混合)↓↓ 喔~冷靜冷靜 ooh~ lěngjìng lěngjìng 這馬我已經知影 tsit-má guá í-king tsai-iánn 發生啥物代誌 huat-sing siánn-mih tāi-tsì 握著愛神的箭 wò zhe ài-shén de jiàn 我共我家己講 guá kā guá ka-kī kóng 不可以! bù kěyǐ ↑↑(RAP，臺華雙語混合)↑↑ 讀冊時學校的老師 tha̍k-tsheh-sî ha̍k-hāu ê lāu-su 伊嘛是有教阮 i mā sī ū kà gún 做人愛堂堂正正 tsuè-lâng ài tông-tông tsìng-tsìng 著真心誠懇 tio̍h tsin-sim sîng-khún 怹大人講的話 in tuā-lâng kóng ê uē 阮攏認真咧聽 gún lóng jīn-tsin teh thiann 就算大漢愛唱歌 tiō-sǹg tuā-hàn ài tshiùnn-kua 世界變多虛華 sè-kài piàn to hi-hua 阮熟似你的時陣 gún si̍k-sāi lí ê sî-tsūn 猶原用歌聲 iu-guân iōng kua-siann 唱出有你來做伴的 tshiùnn-tshut ū lí lâi tsuè-phuānn ê 歡喜心情 huann-hí sim-tsiânn 誠懇鬥陣 sîng-khún tàu-tīn 誠懇鬥陣 sîng-khún tàu-tīn 我愛你來牽阮的手 guá ài lí lâi khan gún ê tshiú 歡喜唱歌 huann-hí tshiùnn-kua 誠懇鬥陣 sîng-khún tàu-tīn 莫睏鬥陣 mài khùn tàu-tīn 喔~毋管天邊 ooh~ m̄-kuán thinn-pinn 抑是海角 ia̍h-sī hái-kak 阮攏佮你做伴 gún lóng kah lí tsuè-phuānn ↓↓(RAP，臺華雙語混合)↓↓ 哪會遮爾簡單的道理 ná ē tsiah-nī kán-tan ê tō-lí 過了這麼久 guò le zhème jiǔ 我到現在 wǒ dào xiànzài 才真正的搞懂 cái zhēnzhèng de gǎo dǒng 你毋是夏娃 lí m̄-sī Xiàwā 我也不是亞當 wǒ yě bú shì Yǎdāng 是公的荷爾蒙 shì gōng de hèêrméng 讓我變成一個遜咖 rang wǒ biànchéng yí ge xùnkā 食緊挵破碗 tsia̍h-kín lòng-phuà uánn 我頭腦簡單 wǒ tóunǎo jiǎndān 四肢發達 sìzhī fādá 彷彿只有 fǎfú zhǐyǒu 高中生的智商 gāozhōngshēng de zhìshāng 我有夠瞎 wǒ yǒugòu xiā 但是這馬我咒誓 tān-sī tsit-má guá tsiù-tsuā 一定全心全意 it-tīng tsuân-sim tsuân-ì 誠懇鬥陣 sîng-khún tàu-tīn 佮你做伙行 kah lí tsò-hué kiânn ↑↑(RAP，臺華雙語混合)↑↑ 誠懇鬥陣 sîng-khún tàu-tīn 誠懇鬥陣 sîng-khún tàu-tīn 我愛你來牽阮的手 guá ài lí lâi khan gún ê tshiú 歡喜唱歌 huann-hí tshiùnn-kua 誠懇鬥陣 sîng-khún tàu-tīn 莫睏鬥陣 mài khùn tàu-tīn 喔~毋管天邊 ooh~ m̄-kuán thinn-pinn 抑是海角 ia̍h-sī hái-kak 阮攏佮你做伴 gún lóng kah lí tsuè-phuānn ------------------------------------------
謼~莫對我講 啥物山盟海誓 我親像 爆發的火山 從印尼噴到北極 我的熱力足夠融化 全世界的冰淇淋 這馬干焦想欲佮你 先睏鬥陣
hooh~ mài tuì guá kóng siánn-mih san-bîng hái-sè guá tshin-tshiūnn bàofā de huǒshān cóng Ìnní pēn dào běijí wǒ de rèlì zúgòu rónghuà quán shìjiè de pīngqílín tsit-má kan-na siūnn-beh kah lí sing khùn tàu-tīn