《屘仔囝》Ban-á-kiánn陳夏蓮Tân Hā-liân------------------------------------------細漢有你疼sè-hàn ū lí thiànn綴你尻脊後一直行tuè lí kha-tsiah-āu it-ti̍t kiânn是媽媽閘著了一片影sī má-mah tsa̍h tio̍h liáu tsi̍t-phìnn iánn予阮身軀袂刺疫hōo gún sin-khu buē tshiah-ia̍h阮上得人疼gún siōng tit-lâng-thiànn頂有阿姊佮阿兄tíng ū a-tsí kah a-hiann辛苦的媽媽sin-khóo ê má-mah晟囝一綰tshiânn-kiánn tsi̍t-kuānn你足操煩lí tsiok tshau-huân心肝寶貝的屘仔囝sim-kuann-pó-puè ê ban-á-kiánn阮上媠的衫gún siōng suí ê sann來自媽媽的裁縫車lâi-tsū má-mah ê tshâi-hông-tshia你𠢕煮食lí gâu tsú-tsia̍h毋捌予阮受枵寒m̄-bat hōo gún siū iau-kuânn你將你的私奇lí tsiong lí ê sai-khia偷揜藏佇阮的眠床跤thau-iap tshàng tī gún ê bîn-tshn̂g-kha總是無所不至tsóng-sī bû-sóo-put-tsì牽掛屘仔囝khian-kuà ban-á-kiánn遮用心為了一陣囝tsiah iōng-sim uī-liáu tsi̍t-tīn kiánn無枉費你的拖磨bô óng-huì lí ê thua-buâ換阮來拍拚uānn gún lâi phah-piànn予你歇睏hōo lí hioh-khùn緊通好命kín thang hó-miā享受快活hiáng-siū khuìnn-ua̍h毋通看袂起著細漢囝m̄-thang khuànn-buē-khí tio̍h sè-hàn-kiánn猶原無遐軟汫iu-guân bô hiah nńg-tsiánn早暗通做伴tsá-àm thang tsuè-phuānn歡喜來遮蹛huann-hí lâi tsiah tuà因為你有in-uī lí ū心肝寶貝的屘仔囝sim-kuann-pó-puè ê ban-á-kiánn------------------------------------------→
細漢有你疼綴你尻脊後一直行是媽媽閘著了一片影予阮身軀袂刺疫阮上得人疼頂有阿姊佮阿兄辛苦的媽媽晟囝一綰你足操煩心肝寶貝的屘仔囝阮上媠的衫來自媽媽的裁縫車你𠢕煮食毋捌予阮受枵寒你將你的私奇偷揜藏佇阮的眠床跤總是無所不至牽掛屘仔囝遮用心為了一陣囝無枉費你的拖磨換阮來拍拚予你歇睏緊通好命享受快活毋通看袂起著細漢囝猶原無遐軟汫早暗通做伴歡喜來遮蹛因為你有心肝寶貝的屘仔囝
sè-hàn ū lí thiànntuè lí kha-tsiah-āu it-ti̍t kiânnsī má-mah tsa̍h tio̍h liáu tsi̍t-phìnn iánnhōo gún sin-khu buē tshiah-ia̍hgún siōng tit-lâng-thiànntíng ū a-tsí kah a-hiannsin-khóo ê má-mahtshiânn-kiánn tsi̍t-kuānnlí tsiok tshau-huânsim-kuann-pó-puè ê ban-á-kiánngún siōng suí ê sannlâi-tsū má-mah ê tshâi-hông-tshialí gâu tsú-tsia̍hm̄-bat hōo gún siū iau-kuânnlí tsiong lí ê sai-khiathau-iap tshàng tī gún ê bîn-tshn̂g-khatsóng-sī bû-sóo-put-tsìkhian-kuà ban-á-kiánntsiah iōng-sim uī-liáu tsi̍t-tīn kiánnbô óng-huì lí ê thua-buâuānn gún lâi phah-piànnhōo lí hioh-khùnkín thang hó-miāhiáng-siū khuìnn-ua̍hm̄-thang khuànn-buē-khí tio̍h sè-hàn-kiánniu-guân bô hiah nńg-tsiánntsá-àm thang tsuè-phuānnhuann-hí lâi tsiah tuàin-uī lí ūsim-kuann-pó-puè ê ban-á-kiánn