《姼仔》Tshit-á 施文彬Si Bûn-pin ------------------------------------------ 姼仔~~ tshit-á~~ 姼仔~~ tshit-á~~ ↓↓---(女主播華語口白)---↓↓ 首先是國內新聞，今天晚上六點，有一名男子爬到台北三月星光大樓頂樓，不斷發出大聲嘶吼並有跳樓傾向，由於正值下班時間，民眾的圍觀，頓時造成交通癱瘓，目前警方與消防隊已經到達現場，馬上透過 SNG 連線，帶您進一步瞭解到現場最新狀況。 ↑↑---(女主播華語口白)---↑↑ 姼仔~~ tshit-á~~ ↓↓---(男記者華語口白)---↓↓ 是的，現在記者身後就是三越星光大樓，根據附近民眾表示：今天晚上五點多發現一名男子在頂樓徘徊，並大聲嘶吼有跳樓的跡象，目前警方已經封鎖現場，並派遣談判專家潛入大樓。根據本記者獨家消息指出，該名男子並無固定職業，且經常出現於各類示威遊行，因此記者初步研判他這次跳樓的動機，不排除有政治因素。 ↑↑---(男記者華語口白)---↑↑ 姼仔~~ tshit-á~~ 姼仔~~ tshit-á~~ 姼仔~~ tshit-á~~ 姼仔~~ tshit-á~~ ↓↓(口白)---(口白)---(口白)↓↓ 姼仔~ tshit-á 嗒!你看! tah! lí khuànn! 頭前遐 thâu-tsîng hia 就是咱當初熟似的新公園啦 tō-sī lán tong-tshoo si̍k-sāi ê Sin-kong-hn̂g--lah 現此時 hiān-tsú-sî 也已經是改做 iā í-king sī kái-tsò 二二八記念公園囉 Jī-jī-pat Kì-liām-kong-hn̂g--loh 真想袂到 tsin siūnn bē kàu 想袂到這个時代的改變 siūnn bē kàu tsit ê sî-tāi ê kái-piàn 就親像你對我的欺騙 tō tshin-tshiūnn lí tuì guá ê khi-phiàn 你對我欺騙啦 lí tuì guá khi-phiàn--lah 你敢袂記得彼暗 lí kám bē-kì-tit hit-àm 也就是 iā tō-sī 咱初初約會彼暗 lán tshoo-tshoo iok-huē hit-àm 咱對著公園內 lán tuì tio̍h kong-hn̂g-lāi 已經無水的魚池仔 í-king bô tsuí ê hî-tî-á 有咒誓 ū tsiù-tsuā 講啥人若變心 kóng siánn-lâng nā piàn-sim 就會親像撈起來 tō ē tshin-tshiūnn hôo--khí-lâi 疊咧魚池仔邊 tha̍h leh hî-tî-á-pinn 去夆毒死的魚仔仝款 khì hông thāu--sí ê hî-á kāng-khuán 仝款會死甲真歹看啦 kāng-khuán ē sí kah tsin pháinn-khuànn--lah 你敢袂記咧~ lí kám buē-kì--leh~ ↑↑(口白)---(口白)---(口白)↑↑ 姼仔 tshit-á 你斟酌看 lí tsim-tsiok khuànn 姼仔 tshit-á 我咧樓尾頂啦 guá leh lâu-bué-tíng--lah 你講你上愛我 lí kóng lí siōng ài guá 但是又閣變卦 tān-sī iū-koh piàn-kuà 違背咱的咒誓 uî-puē lán ê tsiù-tsuā 姼仔 tshit-á 你斟酌看 lí tsim-tsiok khuànn 姼仔 tshit-á 我咧樓尾頂啦 guá leh lâu-bué-tíng--lah 較緊出來談判 khah-kín tshut-lâi tâm-phuànn 代誌逐家講破 tāi-tsì ta̍k-ke kóng-phuà 若無 nā-bô 我無愛活~ guá bô-ài ua̍h~ ↓↓(口白)---(口白)---(口白)↓↓ 我會記得阿扁仔拄當選彼年 guá ē-kì-tit A-pínn--á tú tòng-suán hit-nî 有一工透早 ū-tsi̍t-kang thàu-tsá 你講你想欲去總統府頭前 lí kóng lí siūnn-beh khì Tsóng-thóng-hú thâu-tsîng 看人升旗 khuànn-lâng sing-kî 我也用烏肚䆀載你去到遐 guá iā iōng oo-tóo-bái tsài lí khì kàu hia 結果猶未唱國歌 kiat-kó iáu-bē tshiùnn kok-kua 就去予交通的開一張紅單 tō khì hōo kau-thong--ê khui tsi̍t-tiunn âng-tuann 但是 tān-sī 但是咱攏真歡喜 tān-sī lán lóng tsin huann-hí 敢毋是呢 kám m̄-sī--neh 嗻!你看! tsiah! lí khuànn! 這馬介壽路 tsit-má Kài-siū-lōo 已經改做凱達格蘭大道 í-king kái-tsò Khái-ta̍t-kik-lân Tuā-tō 烏肚䆀嘛會使蹛對面走 oo-tóo-bái mā ē-sái tuà tuì-bīn tsáu 就親像你嘛綴人走仝款啦 tō tshin-tshiūnn lí mā tè-lâng-tsáu kāng-khuán--lah 會記得彼工你有親喙講過 ē-kì-tit hit-kang lí ū tshin-tshuì kóng--kuè 講若想欲佮你結成夫妻 kóng nā siūnn-beh kah lí kiat-sîng hu-tshe 著愛有才調先做頭家 tio̍h-ài ū tsâi-tiāu sing tsò thâu-ke 我以為彼是你對我的鼓勵 guá í-uî he sī lí tuì guá ê kóo-lē 誰知影就在民國八十五年五月二十 siáng tsai-iánn tiō tsāi Bîn-kok peh-tsa̍p-gōo nî gōo--gue̍h jī-tsa̍p 阿輝仔宣誓就職彼工 A-hui--á suan-sè tsiū-tsit hit-kang 全台灣兩千一百萬人 tsuân Tâi-uân nn̄g-tshing tsi̍t-pah bān lâng 攏是頭家啦 lóng-sī thâu-ke--lah 你講! lí kóng! 你欲嫁佗一个! lí beh kè tó tsi̍t-ê! 你講啊! lí kóng--ah! 你講啊! lí kóng--ah! 你講啊! lí kóng--ah! ↑↑(口白)---(口白)---(口白)↑↑ 姼仔 tshit-á 你真愛死炸 lí tsin-ài sí-tsuànn 姼仔 tshit-á 我規腹火啦 guá kui-pak-hué--lah 叫我怎樣饒赦 kiò guá tsuánn-iūnn jiâu-sià 女性的可怕 lú-sìng ê khó-phà 你害我心痛疼 lí hāi guá sim thàng-thiànn 姼仔 tshit-á 你毋免講啦 lí m̄-bián kóng--lah 姼仔 tshit-á 世間無咧崁蓋 sè-kan bô leh khàm-kuà 到遮已經看破 kàu tsia í-king khuànn-phuà 跳落上快活 thiàu--lo̍h siōng khuìnn-ua̍h 是運命 sī ūn-miā 是註定 sī tsù-tiānn ↓↓---(女主播華語口白)---↓↓ 本台消息，發生在今晚三月星光大樓企圖跳樓的男子，目前仍然與警方僵持不下，根據證實這只是一件單純的殉情事件，但由於該名男子並無進一步的具體行動，現場已引起圍觀群眾的鼓譟與不滿，警方呼籲全體市民及流動攤販不要再前往該地，並希望這名男子的女友(七仔)能夠儘速趕到現場協助警方處理。 ↑↑---(女主播華語口白)---↑↑ 姼仔~~啊~~ tshit-á~~ah~~ 為何你猶原無出現啦 uī-hô lí iu-guân bô tshut-hiān--lah 姼仔 tshit-á 我咧樓尾頂啦 guá leh lâu-bué-tíng--lah 姼仔 tshit-á 姼仔 tshit-á 姼仔 tshit-á 我已經看破 guá í-king khuànn-phuà 你騙人的咒誓 lí phiàn--lâng ê tsiù-tsuā 依依難捨嘛是無較縒 i-i lân-siá mā sī bô-khah-tsua̍h 姼仔 tshit-á 你敢有咧看 lí kám ū leh khuànn 姼仔 tshit-á 我咧樓尾頂啦 guá leh lâu-bué-tíng--lah 對你所有的情愛 tuì lí sóo-ū ê tsîng-ài 最後的審判 tsuè-āu ê sím-phuànn 是運命 sī ūn-miā 是註定 sī tsù-tiānn 姼仔 tshit-á 你敢有咧看 lí kám ū leh khuànn 姼仔 tshit-á 我咧樓尾頂啦 guá leh lâu-bué-tíng--lah 對你所有的情愛 tuì lí sóo-ū ê tsîng-ài 最後的審判 tsuè-āu ê sím-phuànn 是運命 sī ūn-miā 是註定 sī tsù-tiānn 姼仔 tshit-á 你敢有咧看 lí kám ū leh khuànn 姼仔 tshit-á 我咧樓尾頂啦 guá leh lâu-bué-tíng--lah 對你所有的情愛 tuì lí sóo-ū ê tsîng-ài 最後的審判 tsuè-āu ê sím-phuànn 是運命 sī ūn-miā 是註定 sī tsù-tiānn 姼仔~~ tshit-á~~ 姼仔~~ tshit-á~ tshit-á~ 姼仔 姼仔 姼仔 tshit-á tshit-á tshit-á ------------------------------------------ →
姼仔~~ 姼仔~~
tshit-á~~ tshit-á~~