29983 　 性命嫌咱這款人活咧嘛無意思

《性命嫌咱這款人活咧嘛無意思》sìnn-miā hiâm lán tsit-khuán lâng ua̍h--leh mā bô ì-sù
柏慎 Peh-sīn
陳火舌 Tân Hué-tsi̍h
------------------------------------------
「愛珍惜性命短路毋通行。」
“Ài tin-sioh sìnn-miā té-lōo m̄-thang kiânn.”
「照起工來行愛拚才會贏。」
“Tsiàu-khí-kang lâi kiânn ài piànn tsiah ē iânn.”
用這款大道理做歌詞來勸世 聽甲耳空生包皮
Iōng tsit-khuán tuā-tō-lí tsò kua-sû lâi khuàn-sè, thiann kah hīnn-khang senn pau-phuê.
實在生活中我死矣世界嘛袂變
Si̍t-tsāi senn-ua̍h tiong guá sí ah sè-kài mā bē piàn.
顛倒聽著別人死 煞來哭歸暝
Tian-tò thiann tio̍h pa̍t-lâng sí suah lâi khàu kui-mê.
因為我 無佮意聽這款故事 就是我的理由
In-uī guá bô kah-ì thiann tsit-khuán kòo-sū tō-sī guá ê lí-iû.
別个人好好活咧 按怎過攏隨便
Pa̍t-ê lâng hó-hó ua̍h leh, án-tsuánn kuè lóng suî-piān.
啥物人該顧人怨就攑香綴拜咧
Siánn-mih-lâng kai kòo-lâng-uàn tō gia̍h-hiunn tuè pài leh.
閣來一句「一个人、一款命」 按呢
Koh-lâi tsi̍t kù “Tsi̍t-ê lâng, tsi̍t-khuán miā” án-ne
人生就會 歡喜滿足
jîn-sing tō ē huann-hí buán-tsiok.
新聞咧直直放送 啥人過身 伊幾歲
Sin-bûn leh ti̍t-ti̍t hòng-sàng siánn-lâng kuè-sin, i kuí huè.
為伊寫的歌 網路上聽的人愈來愈濟
Uī i siá ê kua bāng-lōo siōng thiann ê lâng lú-lâi-lú tsē.
這條歌感動一个無名的少年人
Tsit tiâu kua kám-tōng tsi̍t-ê bô-miā ê siàu-liân-lâng.
攑刀毋知欲走去搭
Gia̍h to m̄-tsai beh tsáu khì tah.
性命嫌咱這款人活咧嘛無啥物意思
Sìnn-miā hiâm lán tsit-khuán lâng ua̍h leh mā bô siánn ì-sù.
家己想 家己著 就愛人聽我的
Ka-tī siūnn, ka-tī tio̍h. Tō ài lâng thiann guá-ê.
彼一首藐視人命粗殘的流行歌
Hit tsi̍t-siú biáu-sī lâng-miā tshoo-tshân ê liû-hîng-kua
簡單就會使靠網路放送
kán-tan tō ē-sái khò bāng-lōo hòng-sàng.
性命嫌咱這款人活咧嘛無啥物意思
Sìnn-miā hiâm lán tsit-khuán lâng ua̍h leh mā bô siánn-mi̍h ì-sù.
清彩起毛若䆀開喙就講無欲活
Tshìn-tshái khí-moo nā bái khui-tshuì tō kóng bô beh ua̍h
清彩看待性命無欲活的你佮我
Tshìn-tshái khuànn-thāi sìnn-miā bô beh ua̍h ê lí kah guá
予性命講像咱這款人活咧嘛無意思
hōo sìnn-miā kóng tshiūnn lán tsit-khuán lâng ua̍h leh mā bô ì-sù.
橐袋仔內一仙五厘攏無
Lak-tē-á lāi tsi̍t-sián-gōo-lî lóng bô.
就講較早睏較有眠有影無講錯
Tō kóng khah-tsá khùn khah ū-bîn ū-iánn bô kóng tshò.
毋知影活咧到底有啥意思
M̄-tsai-iánn ua̍h--leh tàu-té ū siánn ì-sù.
無想欲活煞嘛無才調結束
Bô siūnn-beh ua̍h suah mā bô tsâi-tiāu kiat-sok.
孤單人無咧講寂寞話
Koo-tuann lâng bô leh kóng siok-bo̍k uē.
家己的空喙哪會使展予別人看
Ka-tī ê khang-tshuì ná ē-sái tián hōo pa̍t-lâng khuànn.
我就是歹鬥陣的歹性地
Guá tō sī pháinn-tàu-tīn ê pháinn-sìng-tē.
夢中也是一个人合該無朋友
Bāng tiong iā-sī tsi̍t ê lâng ha̍p-kai bô pîng-iú.
過去咱攏捌是少年人
Kuè-khì lán lóng bat sī siàu-liân-lâng.
毋甘願嘛是會有一日變大人
M̄-kam-guān mā-sī ē ū tsi̍t-ji̍t piàn tuā-lâng.
一年過一年目睭金金看青春無去
Tsi̍t-nî kuè tsi̍t-nî ba̍k-tsiu kim-kim khuànn tshing-tshun bô--khì.
無人掛意無咧要意爛去的靈魂
Bô-lâng kuà-ì bô leh iàu-ì nuā--khì ê lîng-hûn.
假使若是會當不老閣毋死按呢
Ká-sú nā-sī ē-tàng put-lóo koh m̄-sí án-ne
這世人攏袂結束活長長久久
tsit-sì-lâng lóng bē kiat-sok ua̍h tn̂g-tn̂g-kú-kú.
數想我的人生真有這回事
Siàu-siūnn guá-ê jîn-sing tsin ū tsit-huê-sū.
家己的人生會按怎結束攏無差別
Ka-tī ê jîn-sing ē án-tsuánn kiat-sok lóng bô tsha-pia̍t.
對身邊的人煞會講請𪜶愛好好活咧
Tuì sin-pinn ê lâng suah ē kóng tshiánn in ài hó-hó ua̍h leh.
這款矛盾的想法若予別人發現
Tsit-khuán mâu-tún ê siūnn-huat nā hōo pa̍t-lâng huat-hiān
會怪我對不起爸母
ē kuài guá tuì-put-khí pē-bú.
「正確的代誌，有伊正確做的方式。」
“Tsìng-khak ê tāi-tsì, ū i tsìng-khak tsò ê hong-sik.”
「你若無想欲死，就愛拚命活落去。」
“Lí nā bô siūnn-beh sí, tō ài piànn-miā ua̍h lo̍h-khì”
就算艱苦嘛是命啦 會當活咧疼嘛無差
Tō-sǹg kan-khóo mā-sī miā--lah, ē-tàng ua̍h--leh thiànn mā bô-tsha.
孤身一个人嘛愛大聲笑
Koo-sin tsi̍t-ê-lâng mā ài tuā-siann tshiò.
性命嫌咱這款人活咧嘛無啥物意思
Sìnn-miā hiâm lán tsit-khuán lâng ua̍h leh mā bô siánn-mi̍h ì-sù.
連幸福這兩个字嘛毋捌意思
Liân hīng-hok tsit nn̄g-jī mā m̄-bat ì-sù.
規工怨天 怨地 怨鱟桸 怨飯篱
Kui-kang uàn thinn, uàn tē, uàn hāu-hia, uàn pn̄g-lē.
滿腹內攏是對過去的怨慼
Muá pak-lāi lóng-sī tuì kuè-khì ê uàn-tsheh.
性命嫌咱這款人活咧嘛無啥物意思
Sìnn-miā hiâm lán tsit-khuán lâng ua̍h leh mā bô siánn-mi̍h ì-sù.
三不五時就咧講規氣死死的
Sam-put-gōo-sî tō leh kóng kui-khì sí-sí--ê.
毋捌真正體會失去的悲哀
M̄-bat tsin-tsiànn thé-huē sit-khì ê pi-ai.
予性命講像咱這款人活咧嘛無意思
Hōo sìnn-miā kóng tshiūnn lán tsit-khuán lâng ua̍h leh mā bô ì-sù.
幸福嘛好
Hīng-hok mā hó.
離別嘛好
Lī-pia̍t mā hó.
愛情嘛好
Ài-tsîng mā hó.
友情嘛好
Iú-tsîng mā hó.
攏嘛是陷眠話莫講笑詼
Lóng mā sī hām-bîn-uē mài kóng tshiò-khue.
有錢管你啥物情攏嘛好講價
Ū-tsînn kuán lí siánn-mih tsîng lóng mā hó kóng-kè.
明仔載生 抑是死 攏無人會知
Bîn-á-tsài senn ia̍h-sī sí lóng bô-lâng ē tsai.
無定著這世人的努力嘛無人知
Bô-tiānn-tio̍h tsit-sì-lâng ê lóo-li̍k mā bô lâng tsai.
佇日時
Tī ji̍t-sî.
佇暗時
Tī àm-sî.
佇春天
Tī tshun-thinn.
佇秋天
Tī tshiu-thinn.
毋管佇啥物時陣 攏一定有人往生
M̄-kuán tī siánn-mih sî-tsūn, lóng it-tīng ū lâng óng-sing.
講夢想
Kóng bāng-sióng.
講未來
Kóng bī-lâi
攏佮我無底代
Lóng kah guá bô tī-tāi.
只愛你好好活咧我就感謝這人生
Tsí ài lí hó-hó ua̍h leh guá tō kám-siā tse jîn-sing.
嘿啊
Hennh ah.
就按呢生
Tō án-ne-sinn.
想欲唱出這款的歌詩
Siūnn-beh tshiùnn-tshut tsit-khuán ê kua-si.
像咱這款人活咧嘛無意思
Tshiūnn lán tsit-khuán lâng ua̍h leh mā bô ì-sù.
總有一工咱存在會成為往事
Tsóng ū tsi̍t-kang lán tsûn-tsāi ē sîng-uî óng-sū.
你會到 佗位(tueh)
Lí ē kàu tueh.
我會到 佗位(tueh)
Guá ē kàu tueh.
時陣若到人就愛走花謝落塗仝意思
Sî-tsūn nā kàu lâng tō ài tsáu hue siā lo̍h-thôo  kâng ì-sù.
著算按呢阮猶原是頂真過每一刻
Tō-sǹg án-ne gún iu-guân sī tíng-tsin kuè muí tsi̍t-khik.
扛起性命 頂真的 面對人生每一刻
Kng khí sìnn-miā tíng-tsin ê bīn-tuì jîn-sing muí tsi̍t-khik.
放捒的
Pàng-sak ê.
躊躇的
Tiû-tû ê.
歡喜的
Huann-hí ê.
堅心的
Kian-sim ê.
活咧 活咧 活咧 活咧
Ua̍h--leh, ua̍h--leh, ua̍h--leh, ua̍h--leh.
活落去唷
Ua̍h lo̍h-khì ioh.
------------------------------------------

「愛珍惜性命短路毋通行。」
「照起工來行愛拚才會贏。」
用這款大道理做歌詞來勸世 聽甲耳空生包皮
實在生活中我死矣世界嘛袂變
顛倒聽著別人死 煞來哭歸暝
因為我 無佮意聽這款故事 就是我的理由
別个人好好活咧 按怎過攏隨便
啥物人該顧人怨就攑香綴拜咧
閣來一句「一个人、一款命」 按呢
人生就會 歡喜滿足
新聞咧直直放送 啥人過身 伊幾歲
為伊寫的歌 網路上聽的人愈來愈濟
這條歌感動一个無名的少年人
攑刀毋知欲走去搭
性命嫌咱這款人活咧嘛無啥物意思
家己想 家己著 就愛人聽我的
彼一首藐視人命粗殘的流行歌
簡單就會使靠網路放送
性命嫌咱這款人活咧嘛無啥物意思
清彩起毛若䆀開喙就講無欲活
清彩看待性命無欲活的你佮我
予性命講像咱這款人活咧嘛無意思
橐袋仔內一仙五厘攏無
就講較早睏較有眠有影無講錯
毋知影活咧到底有啥意思
無想欲活煞嘛無才調結束
孤單人無咧講寂寞話
家己的空喙哪會使展予別人看
我就是歹鬥陣的歹性地
夢中也是一个人合該無朋友
過去咱攏捌是少年人
毋甘願嘛是會有一日變大人
一年過一年目睭金金看青春無去
無人掛意無咧要意爛去的靈魂
假使若是會當不老閣毋死按呢
這世人攏袂結束活長長久久
數想我的人生真有這回事
家己的人生會按怎結束攏無差別
對身邊的人煞會講請𪜶愛好好活咧
這款矛盾的想法若予別人發現
會怪我對不起爸母
「正確的代誌，有伊正確做的方式。」
「你若無想欲死，就愛拚命活落去。」
就算艱苦嘛是命啦 會當活咧疼嘛無差
孤身一个人嘛愛大聲笑
性命嫌咱這款人活咧嘛無啥物意思
連幸福這兩个字嘛毋捌意思
規工怨天 怨地 怨鱟桸 怨飯篱
滿腹內攏是對過去的怨慼
性命嫌咱這款人活咧嘛無啥物意思
三不五時就咧講規氣死死的
毋捌真正體會失去的悲哀
予性命講像咱這款人活咧嘛無意思
幸福嘛好
離別嘛好
愛情嘛好
友情嘛好
攏嘛是陷眠話莫講笑詼
有錢管你啥物情攏嘛好講價
明仔載生 抑是死 攏無人會知
無定著這世人的努力嘛無人知
佇日時
佇暗時
佇春天
佇秋天
毋管佇啥物時陣 攏一定有人往生
講夢想
講未來
攏佮我無底代
只愛你好好活咧我就感謝這人生
嘿啊
就按呢生
想欲唱出這款的歌詩
像咱這款人活咧嘛無意思
總有一工咱存在會成為往事
你會到 佗位(tueh)
我會到 佗位(tueh)
時陣若到人就愛走花謝落塗仝意思
著算按呢阮猶原是頂真過每一刻
扛起性命 頂真的 面對人生每一刻
放捒的
躊躇的
歡喜的
堅心的
活咧 活咧 活咧 活咧
活落去唷

“Ài tin-sioh sìnn-miā té-lōo m̄-thang kiânn.”
“Tsiàu-khí-kang lâi kiânn ài piànn tsiah ē iânn.”
Iōng tsit-khuán tuā-tō-lí tsò kua-sû lâi khuàn-sè, thiann kah hīnn-khang senn pau-phuê.
Si̍t-tsāi senn-ua̍h tiong guá sí ah sè-kài mā bē piàn.
Tian-tò thiann tio̍h pa̍t-lâng sí suah lâi khàu kui-mê.
In-uī guá bô kah-ì thiann tsit-khuán kòo-sū tō-sī guá ê lí-iû.
Pa̍t-ê lâng hó-hó ua̍h leh, án-tsuánn kuè lóng suî-piān.
Siánn-mih-lâng kai kòo-lâng-uàn tō gia̍h-hiunn tuè pài leh.
Koh-lâi tsi̍t kù “Tsi̍t-ê lâng, tsi̍t-khuán miā” án-ne
jîn-sing tō ē huann-hí buán-tsiok.
Sin-bûn leh ti̍t-ti̍t hòng-sàng siánn-lâng kuè-sin, i kuí huè.
Uī i siá ê kua bāng-lōo siōng thiann ê lâng lú-lâi-lú tsē.
Tsit tiâu kua kám-tōng tsi̍t-ê bô-miā ê siàu-liân-lâng.
Gia̍h to m̄-tsai beh tsáu khì tah.
Sìnn-miā hiâm lán tsit-khuán lâng ua̍h leh mā bô siánn ì-sù.
Ka-tī siūnn, ka-tī tio̍h. Tō ài lâng thiann guá-ê.
Hit tsi̍t-siú biáu-sī lâng-miā tshoo-tshân ê liû-hîng-kua
kán-tan tō ē-sái khò bāng-lōo hòng-sàng.
Sìnn-miā hiâm lán tsit-khuán lâng ua̍h leh mā bô siánn-mi̍h ì-sù.
Tshìn-tshái khí-moo nā bái khui-tshuì tō kóng bô beh ua̍h
Tshìn-tshái khuànn-thāi sìnn-miā bô beh ua̍h ê lí kah guá
hōo sìnn-miā kóng tshiūnn lán tsit-khuán lâng ua̍h leh mā bô ì-sù.
Lak-tē-á lāi tsi̍t-sián-gōo-lî lóng bô.
Tō kóng khah-tsá khùn khah ū-bîn ū-iánn bô kóng tshò.
M̄-tsai-iánn ua̍h--leh tàu-té ū siánn ì-sù.
Bô siūnn-beh ua̍h suah mā bô tsâi-tiāu kiat-sok.
Koo-tuann lâng bô leh kóng siok-bo̍k uē.
Ka-tī ê khang-tshuì ná ē-sái tián hōo pa̍t-lâng khuànn.
Guá tō sī pháinn-tàu-tīn ê pháinn-sìng-tē.
Bāng tiong iā-sī tsi̍t ê lâng ha̍p-kai bô pîng-iú.
Kuè-khì lán lóng bat sī siàu-liân-lâng.
M̄-kam-guān mā-sī ē ū tsi̍t-ji̍t piàn tuā-lâng.
Tsi̍t-nî kuè tsi̍t-nî ba̍k-tsiu kim-kim khuànn tshing-tshun bô--khì.
Bô-lâng kuà-ì bô leh iàu-ì nuā--khì ê lîng-hûn.
Ká-sú nā-sī ē-tàng put-lóo koh m̄-sí án-ne
tsit-sì-lâng lóng bē kiat-sok ua̍h tn̂g-tn̂g-kú-kú.
Siàu-siūnn guá-ê jîn-sing tsin ū tsit-huê-sū.
Ka-tī ê jîn-sing ē án-tsuánn kiat-sok lóng bô tsha-pia̍t.
Tuì sin-pinn ê lâng suah ē kóng tshiánn in ài hó-hó ua̍h leh.
Tsit-khuán mâu-tún ê siūnn-huat nā hōo pa̍t-lâng huat-hiān
ē kuài guá tuì-put-khí pē-bú.
“Tsìng-khak ê tāi-tsì, ū i tsìng-khak tsò ê hong-sik.”
“Lí nā bô siūnn-beh sí, tō ài piànn-miā ua̍h lo̍h-khì”
Tō-sǹg kan-khóo mā-sī miā--lah, ē-tàng ua̍h--leh thiànn mā bô-tsha.
Koo-sin tsi̍t-ê-lâng mā ài tuā-siann tshiò.
Sìnn-miā hiâm lán tsit-khuán lâng ua̍h leh mā bô siánn-mi̍h ì-sù.
Liân hīng-hok tsit nn̄g-jī mā m̄-bat ì-sù.
Kui-kang uàn thinn, uàn tē, uàn hāu-hia, uàn pn̄g-lē.
Muá pak-lāi lóng-sī tuì kuè-khì ê uàn-tsheh.
Sìnn-miā hiâm lán tsit-khuán lâng ua̍h leh mā bô siánn-mi̍h ì-sù.
Sam-put-gōo-sî tō leh kóng kui-khì sí-sí--ê.
M̄-bat tsin-tsiànn thé-huē sit-khì ê pi-ai.
Hōo sìnn-miā kóng tshiūnn lán tsit-khuán lâng ua̍h leh mā bô ì-sù.
Hīng-hok mā hó.
Lī-pia̍t mā hó.
Ài-tsîng mā hó.
Iú-tsîng mā hó.
Lóng mā sī hām-bîn-uē mài kóng tshiò-khue.
Ū-tsînn kuán lí siánn-mih tsîng lóng mā hó kóng-kè.
Bîn-á-tsài senn ia̍h-sī sí lóng bô-lâng ē tsai.
Bô-tiānn-tio̍h tsit-sì-lâng ê lóo-li̍k mā bô lâng tsai.
Tī ji̍t-sî.
Tī àm-sî.
Tī tshun-thinn.
Tī tshiu-thinn.
M̄-kuán tī siánn-mih sî-tsūn, lóng it-tīng ū lâng óng-sing.
Kóng bāng-sióng.
Kóng bī-lâi
Lóng kah guá bô tī-tāi.
Tsí ài lí hó-hó ua̍h leh guá tō kám-siā tse jîn-sing.
Hennh ah.
Tō án-ne-sinn.
Siūnn-beh tshiùnn-tshut tsit-khuán ê kua-si.
Tshiūnn lán tsit-khuán lâng ua̍h leh mā bô ì-sù.
Tsóng ū tsi̍t-kang lán tsûn-tsāi ē sîng-uî óng-sū.
Lí ē kàu tueh.
Guá ē kàu tueh.
Sî-tsūn nā kàu lâng tō ài tsáu hue siā lo̍h-thôo  kâng ì-sù.
Tō-sǹg án-ne gún iu-guân sī tíng-tsin kuè muí tsi̍t-khik.
Kng khí sìnn-miā tíng-tsin ê bīn-tuì jîn-sing muí tsi̍t-khik.
Pàng-sak ê.
Tiû-tû ê.
Huann-hí ê.
Kian-sim ê.
Ua̍h--leh, ua̍h--leh, ua̍h--leh, ua̍h--leh.
Ua̍h lo̍h-khì ioh.