29456/《傷心過路客》Siong-sim Kuè-lōo-kheh 錢德龍Tsînn Tik-liông(阿龍，馬來西亞) ------------------------------------------ 輕重的跤步聲 khin-tāng ê kha-pōo-siann 親像無主的孤魂 tshin-tshiūnn bô-tsú ê koo-hûn 滴滴的雨水聲 tih-tih ê hōo-tsuí siann 滴落阮的心頭酸 tih lo̍h gún ê sim-thâu sng 一跤無緣的手指 tsi̍t-kha bô-iân ê tshiú-tsí 帶佇身邊遐濟年 tuà tī sin-pinn hiah tsuē nî 想欲送出去 siūnn-beh sàng--tshut-khì 啥人來接收 siánn-lâng lâi tsiap-siu 阮是傷心的過路客 gún sī siong-sim ê kuè-lōo-kheh 是你放阮孤單 sī lí pàng gún koo-tuann 傷心咧漂泊 siong-sim teh phiau-po̍k 你哪故意叫阮 lí ná kòo-ì kiò gún 一生來怨慼 it-sing lâi uàn-tsheh 明明知影攏是假 bîng-bîng tsai-iánn lóng-sī ké 偏偏甘願一生 phian-phian kam-guān it-sing 為你來痴迷 uī lí lâi tshi-bê 為何咱的愛情路 uī-hô lán ê ài-tsîng lōo 是遮爾短 sī tsiah-nī té 我嘛只是 guá mā tsí-sī 一个傷心的過路客 tsi̍t-ê siong-sim ê kuè-lōo-kheh ------------------------------------------ →
輕重的跤步聲 親像無主的孤魂 滴滴的雨水聲 滴落阮的心頭酸 一跤無緣的手指 帶佇身邊遐濟年 想欲送出去 啥人來接收 阮是傷心的過路客 是你放阮孤單 傷心咧漂泊 你哪故意叫阮 一生來怨慼 明明知影攏是假 偏偏甘願一生 為你來痴迷 為何咱的愛情路 是遮爾短 我嘛只是 一个傷心的過路客
khin-tāng ê kha-pōo-siann tshin-tshiūnn bô-tsú ê koo-hûn tih-tih ê hōo-tsuí siann tih lo̍h gún ê sim-thâu sng tsi̍t-kha bô-iân ê tshiú-tsí tuà tī sin-pinn hiah tsuē nî siūnn-beh sàng--tshut-khì siánn-lâng lâi tsiap-siu gún sī siong-sim ê kuè-lōo-kheh sī lí pàng gún koo-tuann siong-sim teh phiau-po̍k lí ná kòo-ì kiò gún it-sing lâi uàn-tsheh bîng-bîng tsai-iánn lóng-sī ké phian-phian kam-guān it-sing uī lí lâi tshi-bê uī-hô lán ê ài-tsîng lōo sī tsiah-nī té guá mā tsí-sī tsi̍t-ê siong-sim ê kuè-lōo-kheh