29344/《今年愛比舊年好》Kin-nî Ài Pí Kū-nî Hó 小黑(Raju Kumara，馬來西亞) ------------------------------------------ 新的一年 sin ê tsi̍t-nî 緊來回鄉過新年喔 kín lâi huê-hiong kuè sin-nî--ooh 厝頭厝邊 tshù-thâu tshù-pinn 人人真歡喜 lâng-lâng tsin huann-hí 爸爸媽媽派紅包 pá-pah má-mah phài âng-pau 笑咪咪 tshiò bi-bi 這个紅包 tsit ê âng-pau 予恁今年過好年 hōo lín kin-nî kuè hó-nî 大人囡仔提著紅包 tuā-lâng gín-á the̍h tio̍h âng-pau 笑咪咪 tshiò bi-bi 新的一年 sin ê tsi̍t-nî 正月初一好日子 tsiann-ge̍h tshue-it hó ji̍t-tsí 厝頭厝邊炮聲 tshù-thâu tshù-pinn phàu-siann 響袂離 hiáng buē-lī 街頭巷尾 ke-thâu hāng-bué 舞獅舞龍弄袂停 bú-sai bú-lîng lāng buē-thîng 祝恁今年事業興旺 tsiok lín kin-nî sū-gia̍p heng-ōng 萬事如意 bān-sū jû-ì 祝恁今年讀書讀比舊年好 tsiok lín kin-nî tha̍k-tsu tha̍k pí kū-nî hó 祝恁逐家趁錢趁袂離 tsiok lín ta̍k-ke thàn-tsînn thàn buē-lī 今年一定愛比舊年好 kin-nî it-tīng ài pí kū-nî hó 祝恁大家趁錢趁袂離 tsiok lín tāi-ke thàn-tsînn thàn buē-lī 親情朋友 tshin-tsiânn pêng-iú 歡歡喜喜乾一杯 huann-huann-hí-hí kan tsi̍t-pue 啊恭喜你 ah kiong-hí lí 祝福你 tsiok-hok lí 今年愛比舊年好 kin-nî ài pí kū-nî hó ------------------------------------------
新的一年 緊來回鄉過新年喔 厝頭厝邊 人人真歡喜 爸爸媽媽派紅包 笑咪咪 這个紅包 予恁今年過好年 大人囡仔提著紅包 笑咪咪 新的一年 正月初一好日子 厝頭厝邊炮聲 響袂離 街頭巷尾 舞獅舞龍弄袂停 祝恁今年事業興旺 萬事如意 祝恁今年讀書讀比舊年好 祝恁逐家趁錢趁袂離 今年一定愛比舊年好 祝恁大家趁錢趁袂離 親情朋友 歡歡喜喜乾一杯 啊恭喜你 祝福你 今年愛比舊年好
sin ê tsi̍t-nî kín lâi huê-hiong kuè sin-nî--ooh tshù-thâu tshù-pinn lâng-lâng tsin huann-hí pá-pah má-mah phài âng-pau tshiò bi-bi tsit ê âng-pau hōo lín kin-nî kuè hó-nî tuā-lâng gín-á the̍h tio̍h âng-pau tshiò bi-bi sin ê tsi̍t-nî tsiann-ge̍h tshue-it hó ji̍t-tsí tshù-thâu tshù-pinn phàu-siann hiáng buē-lī ke-thâu hāng-bué bú-sai bú-lîng lāng buē-thîng tsiok lín kin-nî sū-gia̍p heng-ōng bān-sū jû-ì tsiok lín kin-nî tha̍k-tsu tha̍k pí kū-nî hó tsiok lín ta̍k-ke thàn-tsînn thàn buē-lī kin-nî it-tīng ài pí kū-nî hó tsiok lín tāi-ke thàn-tsînn thàn buē-lī tshin-tsiânn pêng-iú huann-huann-hí-hí kan tsi̍t-pue ah kiong-hí lí tsiok-hok lí kin-nî ài pí kū-nî hó