28926/《恨鐵不成鋼》Hūn Thih Put-sîng Kǹg黃清平N̂g Tshing-pîng(泉州安溪)------------------------------------------冬天暗暝特別長tang-thinn àm-mî ti̍k-pia̍t tn̂g等較久嘛袂天光tán khah kú mā buē thinn kng月娘毋肯來歇睏gue̍h-niû m̄-khíng lâi hioh-khùn鳥隻趁早就起床tsiáu-tsiah thàn-tsá tiō khí-tshn̂g怨恨自己鐵不成鋼uàn-hūn tsū-kí thih put-sîng kǹg拍拚只換三頓飯phah-piànn tsí uānn sann-tǹg pn̄g毋驚風冷雨酸酸m̄-kiann hong líng hōo sng-sng所有目屎倒頭吞sóo-ū ba̍k-sái tò-thâu thun我的心內有拍算guá ê sim-lāi ū phah-sǹg只要三寸氣袂斷tsí-iàu sann-tshùn khì buē-tn̄g頕頭食志勤軁鑽tàm-thâu tsia̍h-tsì khûn nǹg-tsǹg相信成功離我無偌遠siong-sìn sîng-kong lī guá bô guā hn̄g------------------------------------------
冬天暗暝特別長等較久嘛袂天光月娘毋肯來歇睏鳥隻趁早就起床怨恨自己鐵不成鋼拍拚只換三頓飯毋驚風冷雨酸酸所有目屎倒頭吞我的心內有拍算只要三寸氣袂斷頕頭食志勤軁鑽相信成功離我無偌遠
tang-thinn àm-mî ti̍k-pia̍t tn̂gtán khah kú mā buē thinn knggue̍h-niû m̄-khíng lâi hioh-khùntsiáu-tsiah thàn-tsá tiō khí-tshn̂guàn-hūn tsū-kí thih put-sîng kǹgphah-piànn tsí uānn sann-tǹg pn̄gm̄-kiann hong líng hōo sng-sngsóo-ū ba̍k-sái tò-thâu thunguá ê sim-lāi ū phah-sǹgtsí-iàu sann-tshùn khì buē-tn̄gtàm-thâu tsia̍h-tsì khûn nǹg-tsǹgsiong-sìn sîng-kong lī guá bô guā hn̄g