28836/《跋馬的日子》Pua̍h-bé ê Ji̍t-tsí 小黑(Raju Kumara，馬來西亞) ------------------------------------------ 閣是跋馬的日子 koh sī pua̍h-bé ê je̍t-tsí 馬版新聞帶身邊 bé-pán sin-bûn tuà sin-pinn 講是欲去啉㗝呸喔 kóng sī beh khì lim ko-pi--ooh 哎喲!電話拍來又拍去 aih-ioh! tiān-uē phah-lâi iū phah-khì 頭環三號愛會記喔 thâu-khuân sann-hō ài ē-kì--ooh 半半敢敢放落去 puànn-puànn kánn-kánn pàng--lo̍h-khì 若是贏 nā-sī iânn 我就真仔有錢 guá tiō tsin-à ū-tsînn 若是輸 nā-sī su 我就輸甲四百二 guá tō su kah sì-pah-jī 偏偏馬來走第二 phian-phian bé lâi tsáu tē-jī 牢跤六箍著愛輸錢 tiâu-kha la̍k-khoo tio̍h-ài su tsînn 啊予馬氣甲半相死 ah hōo bé khì kah puànn-sio-sí 若是閣跋啊無彩飼 nā-sī koh pua̍h--ah bô-tshái tshī 利息還甲面青青喔 lī-sik hîng kah bēn tshinn-tshinn--ooh 看人贏馬贏甲笑咪咪 khuànn lâng iânn bé iânn kah tshiò bi-bi 按怎我跋啊攏是死 án-tsuánn guá pua̍h--ah lóng-sī sí 到尾仔賣某賣囝賣兄弟 kah-bé-á bē bóo bē kiánn bē hiann-tī ------------------------------------------
閣是跋馬的日子 馬版新聞帶身邊 講是欲去啉㗝呸喔 哎喲!電話拍來又拍去 頭環三號愛會記喔 半半敢敢放落去 若是贏 我就真仔有錢 若是輸 我就輸甲四百二 偏偏馬來走第二 牢跤六箍著愛輸錢 啊予馬氣甲半相死 若是閣跋啊無彩飼 利息還甲面青青喔 看人贏馬贏甲笑咪咪 按怎我跋啊攏是死 到尾仔賣某賣囝賣兄弟
koh sī pua̍h-bé ê je̍t-tsí bé-pán sin-bûn tuà sin-pinn kóng sī beh khì lim ko-pi--ooh aih-ioh! tiān-uē phah-lâi iū phah-khì thâu-khuân sann-hō ài ē-kì--ooh puànn-puànn kánn-kánn pàng--lo̍h-khì nā-sī iânn guá tiō tsin-à ū-tsînn nā-sī su guá tō su kah sì-pah-jī phian-phian bé lâi tsáu tē-jī tiâu-kha la̍k-khoo tio̍h-ài su tsînn ah hōo bé khì kah puànn-sio-sí nā-sī koh pua̍h--ah bô-tshái tshī lī-sik hîng kah bēn tshinn-tshinn--ooh khuànn lâng iânn bé iânn kah tshiò bi-bi án-tsuánn guá pua̍h--ah lóng-sī sí kah-bé-á bē bóo bē kiánn bē hiann-tī