28806/《退色的記持》Thè-sik ê Kì-tî程美玉Thiânn Bí-gio̍k(如玉Jû-gio̍k)------------------------------------------老時鐘行無停lāu sî-tsing kiânn bô-thîng行袂轉去以前kiânn buē tńg-khì í-tsîng無人的眠床頂bô-lâng ê bîn-tshn̂g-tíng留著一領破被單lâu tio̍h tsi̍t-niá phuà phuē-tuann照著鏡霧霧tsiò tio̍h kiànn bū-bū親像咧搬退色的電影tshin-tshiūnn teh puann thè-sik ê tiān-iánn我攑頭問月光guá gia̍h-thâu mn̄g gue̍h-kng月娘恬恬無應聲gue̍h-niû tiām-tiām bô ìn-siann風對門縫鑽入hong tuì mn̂g-phāng tsǹg-ji̍p飛來一張舊相片pue lâi tsi̍t-tiunn kū siòng-phìnn厝角的蜘蛛絲tshù-kak ê ti-tu-si黏著咱的記持liâm tio̍h lán ê kì-tî日頭曝著ji̍t-thâu pha̍k tio̍h無人行過的磚仔埕bô-lâng kiânn--kuè ê tsng-á-tiânn往事像露水óng-sū tshiūnn lōo-tsuí透早就消失無影thàu-tsá tiō siau-sit bô-iánn------------------------------------------
老時鐘行無停行袂轉去以前無人的眠床頂留著一領破被單照著鏡霧霧親像咧搬退色的電影我攑頭問月光月娘恬恬無應聲風對門縫鑽入飛來一張舊相片厝角的蜘蛛絲黏著咱的記持日頭曝著無人行過的磚仔埕往事像露水透早就消失無影
lāu sî-tsing kiânn bô-thîngkiânn buē tńg-khì í-tsîngbô-lâng ê bîn-tshn̂g-tínglâu tio̍h tsi̍t-niá phuà phuē-tuanntsiò tio̍h kiànn bū-būtshin-tshiūnn teh puann thè-sik ê tiān-iánnguá gia̍h-thâu mn̄g gue̍h-knggue̍h-niû tiām-tiām bô ìn-siannhong tuì mn̂g-phāng tsǹg-ji̍ppue lâi tsi̍t-tiunn kū siòng-phìnntshù-kak ê ti-tu-siliâm tio̍h lán ê kì-tîji̍t-thâu pha̍k tio̍hbô-lâng kiânn--kuè ê tsng-á-tiânnóng-sū tshiūnn lōo-tsuíthàu-tsá tiō siau-sit bô-iánn