28689/《爸爸的相片》Pá-pah ê Siòng-phìnn賴鴻毅Luā Hông-gē------------------------------------------手內捀的是tshiú-lāi phâng--ê sī爸爸你的相pá-pah lí ê siòng心內想的是sim-lāi siūnn--ê sī爸爸你在世疼惜我的種種pá-pah lí tsāi-sè thiànn-sioh guá ê tsióng-tsióng雖然是你的生日sui-jiân sī lí ê senn-ji̍t我已經無福氣guá í-king bô hok-khì為你穿一領紅色的媠衫uī lí tshīng tsi̍t-niá âng-sik ê suí-sann佇你面前恭賀你tī lí bīn-tsîng kiong-hō lí看你和靄的笑容khuànn lí hô-ái ê tshiò-iông你的笑容是我性命中lí ê tshiò-iông sī guá sìnn-miā-tiong扶持的力量hû-tshî ê li̍k-liōng鼓勵我佇軟弱中kóo-lē guá tī luán-jio̍k tiong徛起向前khiā-khí hiòng-tsiân爸爸pá-pah霆雷公透風雨tân luî-kong thàu hong-hōo有你ū lí我就受保護guá tsiū siū pó-hōo街頭巷尾彎曲的路ke-thâu hāng-bué uan-khiau ê lōo有你牽ū lí khan我就無迷路guá tsiū bô bê-lōo生長的日子sing-tióng ê ji̍t-tsí有你小心培養照顧ū lí sió-sim puê-ióng tsiàu-kòo我就生活佇無通比的幸福guá tsiū sing-ua̍h tī bô-thang pí ê hīng-hok海洋彼爿hái-iông hit-pîng你的聲音佮話語lí ê siann-im kah uē-kù是我遠離故鄉的安慰sī guá uán-lî kòo-hiong ê an-uì這時我猶原思念你佮故鄉tsit-sî guá iu-guân su-liām lí kah kòo-hiong猶原等待你的聲iu-guân tán-thāi lí ê siann但是你親切的聲音tān-sī lí tshin-tshiat ê siann-im永無閣出現íng bô koh tshut-hiān我只有對你的相講guá tsí-ū tuì lí ê siòng kóng爸爸pá-pah無論你佇佗位bô-lūn lí tī tó-uī祝你生日快樂tsiok lí senn-ji̍t khuài-lo̍k------------------------------------------
手內捀的是爸爸你的相心內想的是爸爸你在世疼惜我的種種雖然是你的生日我已經無福氣為你穿一領紅色的媠衫佇你面前恭賀你看你和靄的笑容你的笑容是我性命中扶持的力量鼓勵我佇軟弱中徛起向前爸爸霆雷公透風雨有你我就受保護街頭巷尾彎曲的路有你牽我就無迷路生長的日子有你小心培養照顧我就生活佇無通比的幸福海洋彼爿你的聲音佮話語是我遠離故鄉的安慰這時我猶原思念你佮故鄉猶原等待你的聲但是你親切的聲音永無閣出現我只有對你的相講爸爸無論你佇佗位祝你生日快樂
tshiú-lāi phâng--ê sīpá-pah lí ê siòngsim-lāi siūnn--ê sīpá-pah lí tsāi-sè thiànn-sioh guá ê tsióng-tsióngsui-jiân sī lí ê senn-ji̍tguá í-king bô hok-khìuī lí tshīng tsi̍t-niá âng-sik ê suí-sanntī lí bīn-tsîng kiong-hō líkhuànn lí hô-ái ê tshiò-iônglí ê tshiò-iông sī guá sìnn-miā-tionghû-tshî ê li̍k-liōngkóo-lē guá tī luán-jio̍k tiongkhiā-khí hiòng-tsiânpá-pahtân luî-kong thàu hong-hōoū líguá tsiū siū pó-hōoke-thâu hāng-bué uan-khiau ê lōoū lí khanguá tsiū bô bê-lōosing-tióng ê ji̍t-tsíū lí sió-sim puê-ióng tsiàu-kòoguá tsiū sing-ua̍h tī bô-thang pí ê hīng-hokhái-iông hit-pînglí ê siann-im kah uē-kùsī guá uán-lî kòo-hiong ê an-uìtsit-sî guá iu-guân su-liām lí kah kòo-hiongiu-guân tán-thāi lí ê sianntān-sī lí tshin-tshiat ê siann-imíng bô koh tshut-hiānguá tsí-ū tuì lí ê siòng kóngpá-pahbô-lūn lí tī tó-uītsiok lí senn-ji̍t khuài-lo̍k