28468/《阿母的新厝》A-bú ê Sin-tshù許霈文Khóo Phài-bûn------------------------------------------北海岸玫瑰園pak-hái-huānn Muî-kuì-hn̂g一港溫暖的海風tsi̍t-káng un-luán ê hái-hong親像阿母燦爛的笑容tshin-tshiūnn a-bú tshàn-lān ê tshiò-iông安慰阮毋通悲傷an-uì gún m̄-thang pi-siong阿母講a-bú kóng遮有山有海閣有佛寺tsia ū suann ū hái koh ū hu̍t-sī可比是天堂khó-pí sī thian-tông阿母講a-bú kóng遮有花有草嘛有寶塔tsia ū hue ū tsháu mā ū pó-thah敢若是西方kánn-ná sī se-hong阮毋敢放聲吼gún m̄-kánn pàng-siann háu恐驚傷過澹溼的目屎khióng-kiann siunn-kuè tâm-sip ê ba̍k-sái會擾亂已經焦燥的所在ē jiáu-luān í-king ta-sò ê sóo-tsāi阮毋敢過頭想你gún m̄-kánn kuè-thâu siūnn lí煩惱傷過沉重的思念huân-ló siunn-kuè tîm-tāng ê su-liām會硩歹墓園的植栽ē teh-pháinn bōng-hn̂g ê si̍t-tsai阮嘛想欲化做千風gún mā siūnn-beh huà-tsò tshian-hong定定來阿母身軀邊做伴tiānn-tiānn lâi a-bú sin-khu-pinn tsò-phuānn熱人佇你四箍輾轉踅玲瑯jua̍h--lâng tī lí sì-khoo-liàn-tńg se̍h lin-long予你消涼hōo lí siau-liâng寒天罩佇你四周圍熁燒氣kuânn-thinn tà tī lí sì-tsiu-uî hannh sio-khì予你溫暖hōo lí un-luán阮嘛想欲化做千風gún mā siūnn-beh huà-tsò tshian-hong定定來阿母身軀邊做伴tiānn-tiānn lâi a-bú sin-khu-pinn tsò-phuānn透早用日頭光喊你起床thàu-tsá iōng ji̍t-thâu-kng hiàm lí khí-tshn̂g暗時用月光守護你的身影àm-sî iōng ge̍h-kng siú-hōo lí ê sin-iánn化做千風會較扭掠huà-tsò tshian-hong ē khah liú-lia̍h三不五時做伙sam-put-gōo-sî tsò-hué早起來海邊tsái-khí lâi hái-pinn散步聽海看日出sàn-pōo thiann hái khuànn ji̍t-tshut黃昏來山頂hông-hun lâi suann-tíng開講泡茶看紅霞khai-káng phàu-tê khuànn âng-hê母仔囝毋是干焦一世人的親情bú-á-kiánn m̄-sī kan-na tsi̍t-sì-lâng ê tshin-tsîng彼是累世萬劫的緣份he sī luí-sè bān-kiap ê iân-hūn白色的山桂花發穎進前pe̍h-sik ê suann-kuì-hue huat-ínn tsìn-tsîng阮會閣來看你gún ē koh lâi khuànn lí阮會交代𪜶墓草毋免修剪gún ē kau-tài in bōng-tsháu m̄-bián siu-tsián按呢才知影án-ne tsiah tsai-iánn阮對阿母的思念gún tuì a-bú ê su-liām有偌深ū guā tshim偌長guā tn̂g------------------------------------------
北海岸玫瑰園一港溫暖的海風親像阿母燦爛的笑容安慰阮毋通悲傷阿母講遮有山有海閣有佛寺可比是天堂阿母講遮有花有草嘛有寶塔敢若是西方阮毋敢放聲吼恐驚傷過澹溼的目屎會擾亂已經焦燥的所在阮毋敢過頭想你煩惱傷過沉重的思念會硩歹墓園的植栽阮嘛想欲化做千風定定來阿母身軀邊做伴熱人佇你四箍輾轉踅玲瑯予你消涼寒天罩佇你四周圍熁燒氣予你溫暖阮嘛想欲化做千風定定來阿母身軀邊做伴透早用日頭光喊你起床暗時用月光守護你的身影化做千風會較扭掠三不五時做伙早起來海邊散步聽海看日出黃昏來山頂開講泡茶看紅霞母仔囝毋是干焦一世人的親情彼是累世萬劫的緣份白色的山桂花發穎進前阮會閣來看你阮會交代𪜶墓草毋免修剪按呢才知影阮對阿母的思念有偌深偌長
pak-hái-huānn Muî-kuì-hn̂gtsi̍t-káng un-luán ê hái-hongtshin-tshiūnn a-bú tshàn-lān ê tshiò-iôngan-uì gún m̄-thang pi-sionga-bú kóngtsia ū suann ū hái koh ū hu̍t-sīkhó-pí sī thian-tônga-bú kóngtsia ū hue ū tsháu mā ū pó-thahkánn-ná sī se-honggún m̄-kánn pàng-siann háukhióng-kiann siunn-kuè tâm-sip ê ba̍k-sáiē jiáu-luān í-king ta-sò ê sóo-tsāigún m̄-kánn kuè-thâu siūnn líhuân-ló siunn-kuè tîm-tāng ê su-liāmē teh-pháinn bōng-hn̂g ê si̍t-tsaigún mā siūnn-beh huà-tsò tshian-hongtiānn-tiānn lâi a-bú sin-khu-pinn tsò-phuānnjua̍h--lâng tī lí sì-khoo-liàn-tńg se̍h lin-longhōo lí siau-liângkuânn-thinn tà tī lí sì-tsiu-uî hannh sio-khìhōo lí un-luángún mā siūnn-beh huà-tsò tshian-hongtiānn-tiānn lâi a-bú sin-khu-pinn tsò-phuānnthàu-tsá iōng ji̍t-thâu-kng hiàm lí khí-tshn̂gàm-sî iōng ge̍h-kng siú-hōo lí ê sin-iánnhuà-tsò tshian-hong ē khah liú-lia̍hsam-put-gōo-sî tsò-huétsái-khí lâi hái-pinnsàn-pōo thiann hái khuànn ji̍t-tshuthông-hun lâi suann-tíngkhai-káng phàu-tê khuànn âng-hêbú-á-kiánn m̄-sī kan-na tsi̍t-sì-lâng ê tshin-tsînghe sī luí-sè bān-kiap ê iân-hūnpe̍h-sik ê suann-kuì-hue huat-ínn tsìn-tsînggún ē koh lâi khuànn lígún ē kau-tài in bōng-tsháu m̄-bián siu-tsiánán-ne tsiah tsai-iánngún tuì a-bú ê su-liāmū guā tshimguā tn̂g