28250/《中央公園鴨咪仔的故事》Tiong-iong-kong-hn̂g Ah-bî-á ê Kòo-sū林宜誠Lîm Gî-sîng詹喆君Tsiam Tiat-kun------------------------------------------公園內湖中島kong-hn̂g-lāi ôo-tiong tó一隻白色的鴨母tsi̍t-tsiah pe̍h-sik ê ah-bú孵出一窩鴨咪仔pū tshut tsi̍t-o ah-bî-á鴨咪仔真可愛ah-bî-á tsin khó-ài一隻一隻會曉排隊tsi̍t-tsiah-tsi̍t-tsiah ē-hiáu pâi-tuī綴佇鴨母後壁tuè tī ah-bú āu-piah泅來泅去siû-lâi-siû-khì鴨母用前後擺動ah-bú iōng tsîng-āu pái-tāng來指揮lâi tsí-hui看起來有夠古錐khuànn--khí-lâi ū-kàu kóo-tsui有一个查某人ū tsi̍t-ê tsa-bóo-lâng每工帶著切好的青菜muí-kang tuà tio̍h tshiat-hó ê tshinn-tshài來飼鴨咪仔lâi tshī ah-bî-á微微微bi̋ bi̋ bi̋微微微bi̋ bi̋ bi̋聽著查某人thiann-tio̍h tsa-bóo-lâng熟似親切的叫聲si̍k-sāi tshin-tshiat ê kiò siann鴨母帶著鴨咪仔ah-bú tuà tio̍h ah-bî-á按對岸泅過來àn tuì-huānn siû--kuè-lâi放心來食菜hòng-sim lâi tsia̍h tshài若有鴨公來搶食nā ū ah-kang lâi tshiúnn tsia̍h鴨母佇邊仔共警戒ah-bú tī pinn--á kā kíng-kài予人感動hōo-lâng kám-tōng母愛的偉大bú-ài ê uí-tāi有一个老阿公ū tsi̍t-ê lāu-a-kong每工帶著伊的乖孫muí-kang tuà tio̍h i ê kuai-sun來看鴨咪仔lâi khuànn ah-bî-á一兩三四五六tsi̍t nn̄g sann sì gōo la̍k阿公叫乖孫a-kong kiò kuai-sun算看鴨咪仔有幾隻sǹg khuànn ah-bî-á ū kuí-tsiah有一工乖孫問阿公ū-tsi̍t-kang kuai-sun mn̄g a-kong為啥物鴨母的毛是白的uī-siánn-mih ah-bú ê mn̂g sī pe̍h--ê但是鴨咪仔的毛是烏的呢tān-sī ah-bî-á ê mn̂g sī oo--ê neh阿公共乖孫解說a-kong kā kuai-sun kái-sueh鴨母是白的ah-bú sī pe̍h--ê猶毋過鴨公是烏的iáu-m̄-koh ah-kang sī oo--ê相濫的結果sio-lām ê kiat-kó鴨咪仔是一半烏ah-bî-á sī tsi̍t-puànn oo一半白的囉tsi̍t-puànn pe̍h--ê looh哈哈哈hah hah hah日子一工一工過ji̍t-tsí tsi̍t-kang tsi̍t-kang kuè聽講有一隻老鴨母thiann-kóng ū tsi̍t-tsiah lāu ah-bú閣再咧孵卵koh-tsài teh pū-nn̄g半暝有一隻野狗出現puànn-mî ū tsi̍t-tsiah iá-káu tshut-hiān鴨母為著保護鴨卵ah-bú uī-tio̍h pó-hōo ah-nn̄g毋願離開m̄-guān lī-khui煞予野狗來咬死suah hōo iá-káu lâi kā--sí遐的卵hia-ê nn̄g有人提轉去煮ū-lâng the̍h tńg-khì tsú聽講卵內底thiann-kóng nn̄g lāi-té已經有鴨仔囝的形í-king ū ah-á-kiánn ê hîng這款的代誌tsit khuán ê tāi-tsì毋知傷著偌濟人的心m̄-tsai siong-tio̍h guā-tsē lâng ê sim這款的代誌tsit khuán ê tāi-tsì毋知傷著偌濟人的心m̄-tsai siong-tio̍h guā-tsē lâng ê sim啊~ah~鴨咪仔予人數念ah-bî-á hōo-lâng siàu-liām得人的疼tit lâng ê thiànn鴨咪仔ah-bî-á予人快樂hōo-lâng khuài-lo̍k予人希望hōo-lâng hi-bāng朋友啊pîng-iú--ah有閒著來中央公園ū-îng tio̍h lâi Tiong-iong-kong-hn̂g看鴨咪仔khuànn ah-bî-á順紲予鴨咪仔看看咧sūn-suà hōo ah-bî-á khuànn-khuànn--leh------------------------------------------→
公園內湖中島一隻白色的鴨母孵出一窩鴨咪仔鴨咪仔真可愛一隻一隻會曉排隊綴佇鴨母後壁泅來泅去鴨母用前後擺動來指揮看起來有夠古錐有一个查某人每工帶著切好的青菜來飼鴨咪仔微微微微微微聽著查某人熟似親切的叫聲鴨母帶著鴨咪仔按對岸泅過來放心來食菜若有鴨公來搶食鴨母佇邊仔共警戒予人感動母愛的偉大有一个老阿公每工帶著伊的乖孫來看鴨咪仔一兩三四五六阿公叫乖孫算看鴨咪仔有幾隻有一工乖孫問阿公為啥物鴨母的毛是白的但是鴨咪仔的毛是烏的呢阿公共乖孫解說鴨母是白的猶毋過鴨公是烏的相濫的結果鴨咪仔是一半烏一半白的囉哈哈哈日子一工一工過聽講有一隻老鴨母閣再咧孵卵半暝有一隻野狗出現鴨母為著保護鴨卵毋願離開煞予野狗來咬死遐的卵有人提轉去煮聽講卵內底已經有鴨仔囝的形這款的代誌毋知傷著偌濟人的心這款的代誌毋知傷著偌濟人的心鴨咪仔予人數念得人的疼鴨咪仔予人快樂予人希望朋友啊有閒著來中央公園看鴨咪仔順紲予鴨咪仔看看咧
kong-hn̂g-lāi ôo-tiong tótsi̍t-tsiah pe̍h-sik ê ah-búpū tshut tsi̍t-o ah-bî-áah-bî-á tsin khó-àitsi̍t-tsiah-tsi̍t-tsiah ē-hiáu pâi-tuītuè tī ah-bú āu-piahsiû-lâi-siû-khìah-bú iōng tsîng-āu pái-tānglâi tsí-huikhuànn--khí-lâi ū-kàu kóo-tsuiū tsi̍t-ê tsa-bóo-lângmuí-kang tuà tio̍h tshiat-hó ê tshinn-tshàilâi tshī ah-bî-ábi̋ bi̋ bi̋bi̋ bi̋ bi̋thiann-tio̍h tsa-bóo-lângsi̍k-sāi tshin-tshiat ê kiò siannah-bú tuà tio̍h ah-bî-áàn tuì-huānn siû--kuè-lâihòng-sim lâi tsia̍h tshàinā ū ah-kang lâi tshiúnn tsia̍hah-bú tī pinn--á kā kíng-kàihōo-lâng kám-tōngbú-ài ê uí-tāiū tsi̍t-ê lāu-a-kongmuí-kang tuà tio̍h i ê kuai-sunlâi khuànn ah-bî-átsi̍t nn̄g sann sì gōo la̍ka-kong kiò kuai-sunsǹg khuànn ah-bî-á ū kuí-tsiahū-tsi̍t-kang kuai-sun mn̄g a-konguī-siánn-mih ah-bú ê mn̂g sī pe̍h--êtān-sī ah-bî-á ê mn̂g sī oo--ê neha-kong kā kuai-sun kái-suehah-bú sī pe̍h--êiáu-m̄-koh ah-kang sī oo--êsio-lām ê kiat-kóah-bî-á sī tsi̍t-puànn ootsi̍t-puànn pe̍h--ê loohhah hah hahji̍t-tsí tsi̍t-kang tsi̍t-kang kuèthiann-kóng ū tsi̍t-tsiah lāu ah-búkoh-tsài teh pū-nn̄gpuànn-mî ū tsi̍t-tsiah iá-káu tshut-hiānah-bú uī-tio̍h pó-hōo ah-nn̄gm̄-guān lī-khuisuah hōo iá-káu lâi kā--síhia-ê nn̄gū-lâng the̍h tńg-khì tsúthiann-kóng nn̄g lāi-téí-king ū ah-á-kiánn ê hîngtsit khuán ê tāi-tsìm̄-tsai siong-tio̍h guā-tsē lâng ê simtsit khuán ê tāi-tsìm̄-tsai siong-tio̍h guā-tsē lâng ê simah-bî-á hōo-lâng siàu-liāmtit lâng ê thiànnah-bî-áhōo-lâng khuài-lo̍khōo-lâng hi-bāngpîng-iú--ahū-îng tio̍h lâi Tiong-iong-kong-hn̂gkhuànn ah-bî-ásūn-suà hōo ah-bî-á khuànn-khuànn--leh