28100/《啥!八月二三欲公投?啊是欲投啥物代?》Siánn! Peh-gue̍h Jī-sann Beh Kong-tâu? Ah Sī Beh Tâu Siánn-mih Tāi?陳珍儀Tân Tin-gî------------------------------------------八月二三欲公投peh-gue̍h jī-sann beh kong-tâu無閒了解閣看袂透bô-îng liáu-kái koh khuànn buē-thàu逐家暫且歇睏免幌頭ta̍k-ke tsiām-tshiánn hioh-khùn bián hàinn-thâu聽我唸歌恁毋通走thiann guá liām-kua lín m̄-thang tsáu核能三廠佇恆春hi̍k-lîng sann-tshiúnn tī Hîng-tshun起佇斷層頂面是無安穩khí tī tn̄g-tsân tíng-bīn sī bô an-ún四十冬來眾神來賜恩sì-tsa̍p-tang lâi tsiòng-sîn lâi sù-un今年五月總算來停睏kin-nî gōo--gue̍h tsóng-sǹg lâi thîng-khùn舊年核能發電只有四葩kū-nî hi̍k-lîng huat-tiān tsí-ū sì-pha今年咱成做無核電的國家kin-nî lán tsiânn-tsò bô hi̍k-tiān ê kok-ka無用核電對五月到今bô iōng hi̍k-tiān tuì gōo--gue̍h kàu-tann電量不時有賰超過一成tiān-liōng put-sî ū-tshun tshiau-kuè tsi̍t-siânn美國捌重新發動四十年老廠Bí-kok bat tiông-sin huat-tōng sì-tsa̍p-nî lāu tshiúnn三千九百億的成本毋成樣sann-tshing káu-pah-ik ê sîng-pún m̄-tsiânn-iūnn若重啟核三廠諸位你共想nā tiông-khé hi̍k-sam-tshiúnn tsu-uī lí kā siūnn黃金璇石咱著愛攢幾箱n̂g-kim suān-tsio̍h lán to̍h-ài tshuân kuí-siunn若欲重新發動愛開幾若冬nā beh tiông-sin huat-tōng ài khai kuí-nā tang用五年凡勢都無法度振動iōng gōo-nî huān-sè to bô-huat-tōo tín-tāng因為核能廢料處理捎無摠in-uī hi̍k-lîng huì-liāu tshú-lí sa-bô-tsáng危害囝孫性命是毋通guî-hāi kiánn-sun sènn-miā sī m̄-thang空氣汙染佮核能無牽連khong-khì u-jiám kah hi̍k-lîng bô khan-liân愛靠防治法令佮綠電ài khò hông-tī-huat-līng kah li̍k-tiān永續能源愛沓沓仔發展íng-sio̍k lîng-guân ài ta̍uh-ta̍uh-á huat-tián難題若留予後代咱傷落臉lān-tê nā lâu hōo hiō-tāi lán siunn làu-lián中國不時唱聲講欲共咱拍Tiong-kok put-sî tshiàng-siann kóng beh kā lán phah大型的電廠欲共藏去佗tuā-hîng ê tiān-tshiúnn beh kā tshàng khì tah核能電廠向時若有重耽hi̍k-lîng tiān-tshiúnn hiàng-sî nā ū tîng-tânn地獄的災難毋是共恁嚇tē-ga̍k ê tsai-lān m̄-sī kā lín hánn政客立場前後顛倒反tsìng-kheh li̍p-tiûnn tsîng-āu tian-tò-píng用權勢修改核能法令iōng khuân-sè siu-kái hi̍k-lîng huat-līng無顧咱的性命與家庭bô-kòo lán ê sènn-miā í ka-tîng開十一億公投意義不明khai tsa̍p-it-ik kong-tâu ì-gī put-bîng核能一廠二廠佇新北市hi̍k-lîng it-tshiúnn jī-tshiúnn tī Sin-pak-tshī停睏閣愛處理二十年thîng-khùn koh ài tshú-lí jī-tsa̍p nî閣想欲予屏東陷入危機koh siūnn-beh hōo Pîn-tong hām-ji̍p guî-ki咱袂當自私自利無公義lán bē-tàng tsū-su tsū-lī bô kong-gī管待政客逐工咧搬戲kuán-thāi tsìng-kheh ta̍k-kang teh puann-hì八月二三的公投日peh-gue̍h jī-sann ê kong-tâu-ji̍t咱嘛是愛有注意lán mā sī ài ū tsù-ì重啟核三tiông-khé hi̍k-sann頓無同意tǹg bô tông-ì------------------------------------------
八月二三欲公投無閒了解閣看袂透逐家暫且歇睏免幌頭聽我唸歌恁毋通走核能三廠佇恆春起佇斷層頂面是無安穩四十冬來眾神來賜恩今年五月總算來停睏舊年核能發電只有四葩今年咱成做無核電的國家無用核電對五月到今電量不時有賰超過一成美國捌重新發動四十年老廠三千九百億的成本毋成樣若重啟核三廠諸位你共想黃金璇石咱著愛攢幾箱若欲重新發動愛開幾若冬用五年凡勢都無法度振動因為核能廢料處理捎無摠危害囝孫性命是毋通空氣汙染佮核能無牽連愛靠防治法令佮綠電永續能源愛沓沓仔發展難題若留予後代咱傷落臉中國不時唱聲講欲共咱拍大型的電廠欲共藏去佗核能電廠向時若有重耽地獄的災難毋是共恁嚇政客立場前後顛倒反用權勢修改核能法令無顧咱的性命與家庭開十一億公投意義不明核能一廠二廠佇新北市停睏閣愛處理二十年閣想欲予屏東陷入危機咱袂當自私自利無公義管待政客逐工咧搬戲八月二三的公投日咱嘛是愛有注意重啟核三頓無同意
peh-gue̍h jī-sann beh kong-tâubô-îng liáu-kái koh khuànn buē-thàuta̍k-ke tsiām-tshiánn hioh-khùn bián hàinn-thâuthiann guá liām-kua lín m̄-thang tsáuhi̍k-lîng sann-tshiúnn tī Hîng-tshunkhí tī tn̄g-tsân tíng-bīn sī bô an-únsì-tsa̍p-tang lâi tsiòng-sîn lâi sù-unkin-nî gōo--gue̍h tsóng-sǹg lâi thîng-khùnkū-nî hi̍k-lîng huat-tiān tsí-ū sì-phakin-nî lán tsiânn-tsò bô hi̍k-tiān ê kok-kabô iōng hi̍k-tiān tuì gōo--gue̍h kàu-tanntiān-liōng put-sî ū-tshun tshiau-kuè tsi̍t-siânnBí-kok bat tiông-sin huat-tōng sì-tsa̍p-nî lāu tshiúnnsann-tshing káu-pah-ik ê sîng-pún m̄-tsiânn-iūnnnā tiông-khé hi̍k-sam-tshiúnn tsu-uī lí kā siūnnn̂g-kim suān-tsio̍h lán to̍h-ài tshuân kuí-siunnnā beh tiông-sin huat-tōng ài khai kuí-nā tangiōng gōo-nî huān-sè to bô-huat-tōo tín-tāngin-uī hi̍k-lîng huì-liāu tshú-lí sa-bô-tsángguî-hāi kiánn-sun sènn-miā sī m̄-thangkhong-khì u-jiám kah hi̍k-lîng bô khan-liânài khò hông-tī-huat-līng kah li̍k-tiāníng-sio̍k lîng-guân ài ta̍uh-ta̍uh-á huat-tiánlān-tê nā lâu hōo hiō-tāi lán siunn làu-liánTiong-kok put-sî tshiàng-siann kóng beh kā lán phahtuā-hîng ê tiān-tshiúnn beh kā tshàng khì tahhi̍k-lîng tiān-tshiúnn hiàng-sî nā ū tîng-tânntē-ga̍k ê tsai-lān m̄-sī kā lín hánntsìng-kheh li̍p-tiûnn tsîng-āu tian-tò-píngiōng khuân-sè siu-kái hi̍k-lîng huat-līngbô-kòo lán ê sènn-miā í ka-tîngkhai tsa̍p-it-ik kong-tâu ì-gī put-bînghi̍k-lîng it-tshiúnn jī-tshiúnn tī Sin-pak-tshīthîng-khùn koh ài tshú-lí jī-tsa̍p nîkoh siūnn-beh hōo Pîn-tong hām-ji̍p guî-kilán bē-tàng tsū-su tsū-lī bô kong-gīkuán-thāi tsìng-kheh ta̍k-kang teh puann-hìpeh-gue̍h jī-sann ê kong-tâu-ji̍tlán mā sī ài ū tsù-ìtiông-khé hi̍k-sanntǹg bô tông-ì