27993/《阿公阿媽來罷免之一》A-kong A-má Lâi Pā-bián (I)戲班人Hì-pan-lâng------------------------------------------我來唸歌囉guá lâi liām-kua--loh欲予恁聽啊哩bueh hōo lín thiann--ah-lih緊來去罷免啊kín lâi-khì pā-bián--ah毋免驚啊m̄-bián kiann--ah啊為著臺灣民主ah uī-tio̍h Tâi-uân bîn-tsú逐家愛拍拚ta̍k-ke ài phah-piànn出門投票喔做陣行tshut-mn̂g tâu-phiò--ooh tsuè-tīn kiânn罷免是咱人民的權利pā-bián sī lán jîn-bîn ê kuân-lī守護臺灣在這个時siú-hōo Tâi-uân tsāi tsit ê sî七月二六tshit-gue̍h jī-la̍k七月二六喔tshit-gue̍h jī-la̍k--ooh投票著愛投啥物呢tâu-phiò tio̍h-ài tâu siánn-mih--neh七月二六tshit-gue̍h jī-la̍k投票著愛投同意tâu-phiò tio̍h-ài tâu tông-ì國會的妖魔鬼怪總收除kok-huē ê iau-môo-kuí-kuài tsóng siu-tî＊＊＊＊＊＊啊今年的臺灣是無平靜ah kin-nî ê Tâi-uân sī bô pîng-tsīng立法院的內底煞來動政爭li̍p-huat-īnn ê lāi-té suah lâi tāng tsìng-tsing開會毋欲討論khai-huē m̄ bueh thó-lūn協商攏毋肯hia̍p-siong lóng m̄-khíng毋管社會人人批評m̄-kuán siā-huē lâng-lâng phue-phîng政府的預算tsìng-hú ê ī-suàn誠害啦tsiânn hāi--lah是烏白刪sī oo-pe̍h san社會的福利siā-huē ê hok-lī佮𪜶無相干kah in bô-siong-kan「國防的安全kok-hông ê an-tsuân哪有啥物稀罕ná-ū siánn-mih hi-hán文化嘛無希望bûn-huà mā bô hi-bāng哪著咧補助這寡乞食人」ná-tio̍h teh póo-tsōo tsit kuá khit-tsia̍h-lâng國會多數上蓋大kok-huē to-sòo siōng-kài tuā成群結黨閣展鱸鰻sîng-kûn kiat-tóng koh tián lôo-muâ欲拍欲舂是攏總敢bueh phah bueh tsing sī lóng-tsóng kánn不但是按呢爾put-tān sī án-ni niâ閣會共人咬喔koh ē kā lâng kā--ooh閣會共人咬呢koh ē kā lâng kā--neh有影真壓霸ū-iánn tsin ah-pà惡形惡狀ok-hîng ok-tsōng實在重重疊疊si̍t-tsāi tîng-tîng-tha̍h-tha̍h無分男女攏遮聳鬚bô-hun lâm-lí lóng tsiah tshàng-tshiu唉~法律是硬推硬捒喔無理由haih~ huat-lu̍t ngē thui ngē sak--ooh bô-lí-iû若講著欲表決就緊攑手nā kóng-tio̍h beh piáu-kuat tō kín gia̍h-tshiú管待伊接受毋接受kuán-thāi i tsiap-siū m̄ tsiap-siū靠勢人多勢眾免擔憂哩khò-sè lâng to sè tsiòng bián tam-iu--lih咿~咿~咿~咿~咿~咿~咿~咿~ih~ ih~ ih~ ih~ ih~ ih~ ih~ ih~＊＊＊＊＊＊啊立法院的委員啊ah li̍p-huat-īnn ê uí-uân--ah是欲辦國事sī beh pān kok-sū毋是予恁佇咧囂俳佮貪汙m̄-sī hōo lín tī-lih hiau-pai kah tham-u藐視百姓就是奴欺主biáu-sī peh-sìnn tiō-sī lôo khi tsú毀害國家恁真自私huí-hāi kok-ka lín tsin tsū-su國家會予恁舞甲害kok-ka ē hōo lín bú kah hāi將阮百姓當做戇呆tsiong gún peh-sìnn tòng-tsuè gōng-tai臺灣欲成抑欲敗Tâi-uân beh sîng ia̍h beh pāi恁手中的選票lín tshiú-tiong ê suán-phiò決定咱的將來啊kuat-tīng lán ê tsiong-lâi--ah啊這个街頭巷尾來罷免ah tsit-ê kue-thâu hāng-bé lâi pā-bián守護臺灣siú-hōo Tâi-uân咱著愛意志堅lán tio̍h-ài ì-tsì kian若是咱的民主來表現nā-sī lán ê bîn-tsú lâi piáu-hiān毋通躊躇閣拖延m̄-thang tiû-tû koh thua-iân啊彼个阿公阿媽ah hit-ê a-kong a-má有聽著無ū thiann--tio̍h bô著愛來罷免to̍h-ài lâi pā-bián毋通來輸予這一寡少年啊m̄-thang lâi su hōo tsit tsi̍t-kuá siàu-liân--ah罷免若成功pā-bián nā sîng-kong臺灣才有進展Tâi-uân tsiah ū tsìn-tián咱的未來喔lán ê bī-lâi--ooh袂當化為雲煙bē-tàng huà-uî hûn-ian一定同意來罷免啊it-tīng tông-ì lâi pā-bián--ah------------------------------------------
我來唸歌囉欲予恁聽啊哩緊來去罷免啊毋免驚啊啊為著臺灣民主逐家愛拍拚出門投票喔做陣行罷免是咱人民的權利守護臺灣在這个時七月二六七月二六喔投票著愛投啥物呢七月二六投票著愛投同意國會的妖魔鬼怪總收除啊今年的臺灣是無平靜立法院的內底煞來動政爭開會毋欲討論協商攏毋肯毋管社會人人批評政府的預算誠害啦是烏白刪社會的福利佮𪜶無相干「國防的安全哪有啥物稀罕文化嘛無希望哪著咧補助這寡乞食人」國會多數上蓋大成群結黨閣展鱸鰻欲拍欲舂是攏總敢不但是按呢爾閣會共人咬喔閣會共人咬呢有影真壓霸惡形惡狀實在重重疊疊無分男女攏遮聳鬚唉~法律是硬推硬捒喔無理由若講著欲表決就緊攑手管待伊接受毋接受靠勢人多勢眾免擔憂哩咿~咿~咿~咿~咿~咿~咿~咿~啊立法院的委員啊是欲辦國事毋是予恁佇咧囂俳佮貪汙藐視百姓就是奴欺主毀害國家恁真自私國家會予恁舞甲害將阮百姓當做戇呆臺灣欲成抑欲敗恁手中的選票決定咱的將來啊啊這个街頭巷尾來罷免守護臺灣咱著愛意志堅若是咱的民主來表現毋通躊躇閣拖延啊彼个阿公阿媽有聽著無著愛來罷免毋通來輸予這一寡少年啊罷免若成功臺灣才有進展咱的未來喔袂當化為雲煙一定同意來罷免啊
guá lâi liām-kua--lohbueh hōo lín thiann--ah-lihkín lâi-khì pā-bián--ahm̄-bián kiann--ahah uī-tio̍h Tâi-uân bîn-tsúta̍k-ke ài phah-piànntshut-mn̂g tâu-phiò--ooh tsuè-tīn kiânnpā-bián sī lán jîn-bîn ê kuân-līsiú-hōo Tâi-uân tsāi tsit ê sîtshit-gue̍h jī-la̍ktshit-gue̍h jī-la̍k--oohtâu-phiò tio̍h-ài tâu siánn-mih--nehtshit-gue̍h jī-la̍ktâu-phiò tio̍h-ài tâu tông-ìkok-huē ê iau-môo-kuí-kuài tsóng siu-tîah kin-nî ê Tâi-uân sī bô pîng-tsīngli̍p-huat-īnn ê lāi-té suah lâi tāng tsìng-tsingkhai-huē m̄ bueh thó-lūnhia̍p-siong lóng m̄-khíngm̄-kuán siā-huē lâng-lâng phue-phîngtsìng-hú ê ī-suàntsiânn hāi--lahsī oo-pe̍h sansiā-huē ê hok-līkah in bô-siong-kankok-hông ê an-tsuânná-ū siánn-mih hi-hánbûn-huà mā bô hi-bāngná-tio̍h teh póo-tsōo tsit kuá khit-tsia̍h-lângkok-huē to-sòo siōng-kài tuāsîng-kûn kiat-tóng koh tián lôo-muâbueh phah bueh tsing sī lóng-tsóng kánnput-tān sī án-ni niâkoh ē kā lâng kā--oohkoh ē kā lâng kā--nehū-iánn tsin ah-pàok-hîng ok-tsōngsi̍t-tsāi tîng-tîng-tha̍h-tha̍hbô-hun lâm-lí lóng tsiah tshàng-tshiuhaih huat-lu̍t ngē thui ngē sak--ooh bô-lí-iûnā kóng-tio̍h beh piáu-kuat tō kín gia̍h-tshiúkuán-thāi i tsiap-siū m̄ tsiap-siūkhò-sè lâng to sè tsiòng bián tam-iu--lihih ih ih ih ih ih ih ihah li̍p-huat-īnn ê uí-uân--ahsī beh pān kok-sūm̄-sī hōo lín tī-lih hiau-pai kah tham-ubiáu-sī peh-sìnn tiō-sī lôo khi tsúhuí-hāi kok-ka lín tsin tsū-sukok-ka ē hōo lín bú kah hāitsiong gún peh-sìnn tòng-tsuè gōng-taiTâi-uân beh sîng ia̍h beh pāilín tshiú-tiong ê suán-phiòkuat-tīng lán ê tsiong-lâi--ahah tsit-ê kue-thâu hāng-bé lâi pā-biánsiú-hōo Tâi-uânlán tio̍h-ài ì-tsì kiannā-sī lán ê bîn-tsú lâi piáu-hiānm̄-thang tiû-tû koh thua-iânah hit-ê a-kong a-máū thiann--tio̍h bôto̍h-ài lâi pā-biánm̄-thang lâi su hōo tsit tsi̍t-kuá siàu-liân--ahpā-bián nā sîng-kongTâi-uân tsiah ū tsìn-tiánlán ê bī-lâi--oohbē-tàng huà-uî hûn-ianit-tīng tông-ì lâi pā-bián--ah