27889/《一句袂赴講的話》Tsi̍t-kù Buē-hù Kóng ê Uē 子揚Tsú-iông ------------------------------------------ 春去秋來 tshun khì tshiu lâi 歲月滄桑 suè-gua̍t tshong-song 你的面容 lí ê bīn-iông 寫的是堅強 siá--ê sī kian-kiông 牽阮的手 khan gún ê tshiú 溫暖佮慈祥 un-luán kah tsû-siông 敬愛的爸爸 kìng-ài ê pá-pah 毋知你這馬 m̄-tsai lí tsit-má 過了好無 kuè-liáu hó--bô 今夜冷月半爿圓 kim-iā líng-gue̍h-puànn-pîng înn 敢知阮心疼的滋味 kám tsai gún sim thiànn ê tsu-bī 一句袂赴講的感謝 tsi̍t-kù buē-hù kóng ê kám-siā 一句袂赴叫出喙的爸爸 tsi̍t-kù buē-hù kiò tshut-tshuì ê pá-pah 想欲對你講的話 siūnn-beh tuì lí kóng ê uē 嘛已經無機會 mā í-king bô ki-huē 想你啦 siūnn lí--lah 毋甘啦 m̄-kam--lah 你的離開 lí ê lī-khui 是阮心內 sī gún sim-lāi 拭袂焦的目屎 tshit buē-ta ê ba̍k-sái ------------------------------------------
春去秋來歲月滄桑你的面容寫的是堅強牽阮的手溫暖佮慈祥敬愛的爸爸毋知你這馬過了好無今夜冷月半爿圓敢知阮心疼的滋味一句袂赴講的感謝一句袂赴叫出喙的爸爸想欲對你講的話嘛已經無機會想你啦毋甘啦你的離開是阮心內拭袂焦的目屎
tshun khì tshiu lâisuè-gua̍t tshong-songlí ê bīn-iôngsiá--ê sī kian-kiôngkhan gún ê tshiúun-luán kah tsû-siôngkìng-ài ê pá-pahm̄-tsai lí tsit-mákuè-liáu hó--bôkim-iā líng-gue̍h-puànn-pîng înnkám tsai gún sim thiànn ê tsu-bītsi̍t-kù buē-hù kóng ê kám-siātsi̍t-kù buē-hù kiò tshut-tshuì ê pá-pahsiūnn-beh tuì lí kóng ê uēmā í-king bô ki-huēsiūnn lí--lahm̄-kam--lahlí ê lī-khuisī gún sim-lāitshit buē-ta ê ba̍k-sái