27778/《貓咪》Niau-bi陳秋山Tân Tshiu-san------------------------------------------雲遊世界hûn-iû sè-kài一隻貓咪tsi̍t-tsiah niau-bi勼佇我的枕頭邊kiu tī guá ê tsím-thâu pinn𤲍來𤲍去kheh-lâi-kheh-khì司奶哈唏sai-nai hah-hì目睭沙微沙微ba̍k-tsiu sa-bui-sa-bui受氣教示siūnn-khì kà-sī走去佗覕tsáu-khì toh bih規工攏揣無你kui-kang lóng tshuē-bô lí無牽無掛bô-khian-bô-kuà自來自去tsū-lâi tsū-khì行蹤神祕神祕hîng-tsong sîn-pì sîn-pì我欣羨你guá him-siān lí輕鬆過日有趣味khin-sang kuè-ji̍t ū tshù-bī生活毋免大道理sing-ua̍h m̄-bián tuā tō-lí只求家己的歡喜tsí kiû ka-kī ê huann-hí我怨妒你guá uàn-tòo lí看輕世間的規矩khuànn-khin sè-kan ê kui-kí感情何必黏黐黐kám-tsîng hô-pit liâm-thi-thi走揣自由的伴侶tsáu-tshuē tsū-iû ê phuānn-lī一暝知己tsi̍t-mî ti-kí這隻貓咪tsit tsiah niau-bi又閣走甲無看見iū-koh tsáu kah bô khuànn--kìnn無煩無惱bô-huân-bô-ló無情無義bô-tsîng-bô-gī我嘛慣勢慣勢guá mā kuàn-sì-kuàn-sì------------------------------------------
雲遊世界一隻貓咪勼佇我的枕頭邊𤲍來𤲍去司奶哈唏目睭沙微沙微受氣教示走去佗覕規工攏揣無你無牽無掛自來自去行蹤神祕神祕我欣羨你輕鬆過日有趣味生活毋免大道理只求家己的歡喜我怨妒你看輕世間的規矩感情何必黏黐黐走揣自由的伴侶一暝知己這隻貓咪又閣走甲無看見無煩無惱無情無義我嘛慣勢慣勢
hûn-iû sè-kàitsi̍t-tsiah niau-bikiu tī guá ê tsím-thâu pinnkheh-lâi-kheh-khìsai-nai hah-hìba̍k-tsiu sa-bui-sa-buisiūnn-khì kà-sītsáu-khì toh bihkui-kang lóng tshuē-bô líbô-khian-bô-kuàtsū-lâi tsū-khìhîng-tsong sîn-pì sîn-pìguá him-siān líkhin-sang kuè-ji̍t ū tshù-bīsing-ua̍h m̄-bián tuā tō-lítsí kiû ka-kī ê huann-híguá uàn-tòo líkhuànn-khin sè-kan ê kui-kíkám-tsîng hô-pit liâm-thi-thitsáu-tshuē tsū-iû ê phuānn-lītsi̍t-mî ti-kítsit tsiah niau-biiū-koh tsáu kah bô khuànn--kìnnbô-huân-bô-lóbô-tsîng-bô-gīguá mā kuàn-sì-kuàn-sì