27772/《女兒》Lú-jî陳秋山Tân Tshiu-san------------------------------------------你毋知是啥款的運命lí m̄-tsai sī siánn-khuán ê ūn-miā你來做我的查某囝lí lâi tsuè guá ê tsa-bóo-kiánn緣份牽來牽去iân-hūn khan-lâi-khan-khì出世踮這个家tshut-sì tiàm tsit ê ka看著你的笑容khuànn-tio̍h lí ê tshiò-iông我的心就慢慢仔定guá ê sim tiō bān-bān-á tiānn教你講話kà lí kóng-uē牽你學行khan lí o̍h-kiânn陪你細膩騎著跤踏車puê lí sè-jī khiâ tio̍h kha-ta̍h-tshia這个時陣tsit ê sî-tsūn爸爸的心上快活pá-pah ê sim siōng khuìnn-ua̍h看你一日一日大khuànn lí tsi̍t-ji̍t-tsi̍t-ji̍t tuā知影人的心tsai-iánn lâng ê sim一半美麗tsi̍t-puànn bí-lē一半歹看tsi̍t-puànn pháinn-khuànn長長的人生路tn̂g-tn̂g ê jîn-sing lōo袂當攏陪你行buē-tàng lóng puê lí kiânn希望永遠袂改變hi-bāng íng-uán buē kái-piàn是你溫柔的心肝sī lí un-jiû ê sim-kuann應該毋是一場意外ing-kai m̄-sī tsi̍t-tiûnn ì-guā我來做你的爸爸guá lâi tsuè lí ê pá-pah情份欠來欠去tsîng-hūn khiàm-lâi-khiàm-khì該還的袂當拖kai hîng--ê bē-tàng thua講著你的心情kóng-tio̍h lí ê sim-tsîng我的心就恬恬仔聽guá ê sim tiō tiām-tiām-á thiann做陣𬦰山tsuè-tīn peh-suann相招唱歌sio-tsio tshiùnn-kua陪你讀冊puê lí tha̍k-tsheh做伙看電影tsuè-hué khuànn tiān-iánn這个時陣tsit ê sî-tsūn爸爸的心上開闊pá-pah ê sim siōng khui-khuah歲數一年一年加huè-sòo tsi̍t-nî-tsi̍t-nî ka過去的理想kuè-khì ê lí-sióng一半堅持tsi̍t-puànn kian-tshî一半看破tsi̍t-puànn khuànn-phuà爸爸的人生路pá-pah ê jîn-sing lōo你毋是攏知影lí m̄-sī lóng tsai-iánn但是永遠袂改變tān-sī íng-uán buē kái-piàn對你溫柔的心肝tuì lí un-jiû ê sim-kuann看你一日一日大khuànn lí tsi̍t-ji̍t-tsi̍t-ji̍t tuā知影人的心tsai-iánn lâng ê sim一半美麗tsi̍t-puànn bí-lē一半歹看tsi̍t-puànn pháinn-khuànn長長的人生路tn̂g-tn̂g ê jîn-sing lōo袂當攏陪你行buē-tàng lóng puê lí kiânn希望永遠袂改變hi-bāng íng-uán buē kái-piàn是你溫柔的心肝sī lí un-jiû ê sim-kuann------------------------------------------
你毋知是啥款的運命你來做我的查某囝緣份牽來牽去出世踮這个家看著你的笑容我的心就慢慢仔定教你講話牽你學行陪你細膩騎著跤踏車這个時陣爸爸的心上快活看你一日一日大知影人的心一半美麗一半歹看長長的人生路袂當攏陪你行希望永遠袂改變是你溫柔的心肝應該毋是一場意外我來做你的爸爸情份欠來欠去該還的袂當拖講著你的心情我的心就恬恬仔聽做陣𬦰山相招唱歌陪你讀冊做伙看電影這个時陣爸爸的心上開闊歲數一年一年加過去的理想一半堅持一半看破爸爸的人生路你毋是攏知影但是永遠袂改變對你溫柔的心肝看你一日一日大知影人的心一半美麗一半歹看長長的人生路袂當攏陪你行希望永遠袂改變是你溫柔的心肝
lí m̄-tsai sī siánn-khuán ê ūn-miālí lâi tsuè guá ê tsa-bóo-kiánniân-hūn khan-lâi-khan-khìtshut-sì tiàm tsit ê kakhuànn-tio̍h lí ê tshiò-iôngguá ê sim tiō bān-bān-á tiānnkà lí kóng-uēkhan lí o̍h-kiânnpuê lí sè-jī khiâ tio̍h kha-ta̍h-tshiatsit ê sî-tsūnpá-pah ê sim siōng khuìnn-ua̍hkhuànn lí tsi̍t-ji̍t-tsi̍t-ji̍t tuātsai-iánn lâng ê simtsi̍t-puànn bí-lētsi̍t-puànn pháinn-khuànntn̂g-tn̂g ê jîn-sing lōobuē-tàng lóng puê lí kiânnhi-bāng íng-uán buē kái-piànsī lí un-jiû ê sim-kuanning-kai m̄-sī tsi̍t-tiûnn ì-guāguá lâi tsuè lí ê pá-pahtsîng-hūn khiàm-lâi-khiàm-khìkai hîng--ê bē-tàng thuakóng-tio̍h lí ê sim-tsîngguá ê sim tiō tiām-tiām-á thianntsuè-tīn peh-suannsio-tsio tshiùnn-kuapuê lí tha̍k-tshehtsuè-hué khuànn tiān-iánntsit ê sî-tsūnpá-pah ê sim siōng khui-khuahhuè-sòo tsi̍t-nî-tsi̍t-nî kakuè-khì ê lí-sióngtsi̍t-puànn kian-tshîtsi̍t-puànn khuànn-phuàpá-pah ê jîn-sing lōolí m̄-sī lóng tsai-iánntān-sī íng-uán buē kái-piàntuì lí un-jiû ê sim-kuannkhuànn lí tsi̍t-ji̍t-tsi̍t-ji̍t tuātsai-iánn lâng ê simtsi̍t-puànn bí-lētsi̍t-puànn pháinn-khuànntn̂g-tn̂g ê jîn-sing lōobuē-tàng lóng puê lí kiânnhi-bāng íng-uán buē kái-piànsī lí un-jiû ê sim-kuann