27754/《毋通干焦看錢重》M̄-thang Kan-na Khuànn Tsînn Tāng蕭孋珠Siau Lê-tsu------------------------------------------世間的代誌萬百項sè-kan ê tāi-tsì bān-pah hāng無比金錢較迷人bô pí kim-tsînn khah bê-lâng貪著一時的輕鬆tham-tio̍h tsi̍t-sî ê khin-sang變成社會的毒蟲piàn-sîng siā-huē ê to̍k-thâng欲趁若無分輕重beh thàn nā bô hun khin-tāng大路行到變小巷tuā-lōo kiânn kàu piàn sió-hāng有時性命白白去相送ū-sî sìnn-miā pe̍h-pe̍h khì sio-sàng錢趁傷濟無地藏tsînn thàn siunn tsē bô-tè tshàng予人看著閣目睭紅hōo-lâng khuànn--tio̍h koh ba̍k-tsiu âng大船嘛會出入港tuā-tsûn mā ē tshut-ji̍p káng彼金錢嘛會創治人he kim-tsînn mā ē tshòng-tī lâng朋友著愛鬥相共pîng-iú tio̍h-ài tàu-sann-kāng親情嘛著去幫忙tshin-tsiânn mā tio̍h khì pang-bâng才袂夆講看錢重tsiah buē hông kóng khuànn tsînn tāng------------------------------------------
世間的代誌萬百項無比金錢較迷人貪著一時的輕鬆變成社會的毒蟲欲趁若無分輕重大路行到變小巷有時性命白白去相送錢趁傷濟無地藏予人看著閣目睭紅大船嘛會出入港彼金錢嘛會創治人朋友著愛鬥相共親情嘛著去幫忙才袂夆講看錢重
sè-kan ê tāi-tsì bān-pah hāngbô pí kim-tsînn khah bê-lângtham-tio̍h tsi̍t-sî ê khin-sangpiàn-sîng siā-huē ê to̍k-thângbeh thàn nā bô hun khin-tāngtuā-lōo kiânn kàu piàn sió-hāngū-sî sìnn-miā pe̍h-pe̍h khì sio-sàngtsînn thàn siunn tsē bô-tè tshànghōo-lâng khuànn--tio̍h koh ba̍k-tsiu ângtuā-tsûn mā ē tshut-ji̍p kánghe kim-tsînn mā ē tshòng-tī lângpîng-iú tio̍h-ài tàu-sann-kāngtshin-tsiânn mā tio̍h khì pang-bângtsiah buē hông kóng khuànn tsînn tāng