27646/《空空人生》Khang-khang Jîn-sing石喬Tsio̍h-kiâu(石橋Tsio̍h-kiô)------------------------------------------做人是海海tsuè-lâng sī hái-hái大家攏知知tāi-ke lóng tsai-tsai為著錢吵吵鬧鬧uī-tio̍h tsînn tshá-tshá-nāu-nāu身體會拍歹sin-thé ē phah-pháinn阮做人凊彩gún tsuè-lâng tshìn-tshái暝日笑咍咍mî-ji̍t tshiò-hai-hai也無來斤斤計較iā bô lâi kin-kin kè-kàu快樂自然來khuài-lo̍k tsū-jiân lâi為錢做奴才uī tsînn tsuè lôo-tsâi這款不應該tsit khuán put-ing-kai行路搖擺擺kiânn lōo iô-pái-pái尻川斗跩跩kha-tshng-táu tsuāinn-tsuāinn懸搭鞋窸窸檨檨kuân-tah-ê si-si-suāinn-suāinn看人三角眉khuànn lâng sann-kak-bâi有錢囂俳俳ū-tsînn hia-pai-pai烏白來開開oo-pe̍h lâi khai-khai金錢若開了了kim-tsînn nā khai liáu-liáu按怎你敢知án-tsuánn lí kám tsai姑娘生媠媠koo-niû senn suí-suí講話閣古錐kóng-uē koh kóo-tsui迷人的兩蕊目睭bê-lâng ê nn̄g-luí ba̍k-tsiu實在真可愛si̍t-tsāi tsin khó-ài對我笑微微tuì guá tshiò-bi-bi對你嬌滴滴tuì lí kiau-tih-tih也有人悾悾戇戇iā ū-lâng khong-khong gōng-gōng為伊來迷醉uī i lâi bê-tsuì為情失理智uī tsîng sit lí-tì神魂綴伊去sîn-hûn tuè i khì有時情綿綿ū-sî tsîng mî-mî有時冷吱吱ū-sî líng ki-ki有時陣騙來騙去ū-sî-tsūn phiàn-lâi-phiàn-khì拐人的金錢kuái lâng ê kim-tsînn有錢來開開ū-tsînn lâi khai-khai無錢來哀哀bô tsînn lâi ai-ai若無錢請你明天nā bô tsînn tshiánn lí míngtiān毋免閣再來m̄-bián koh-tsài lâi人生是空空jîn-sing sī khang-khang人海也茫茫jîn-hái iā bâng-bâng世間人有錢無錢sè-kan-lâng ū-tsînn bô-tsînn毋免來怨嘆m̄-bián lâi uàn-thàn有錢免聳聳ū-tsînn bián sáng-sáng無錢免懶懶bô-tsînn bián lán-lán有錢人離開世間ū-tsînn-lâng lī-khui sè-kan猶原無半項iu-guân bô-puànn-hāng人生在世間jîn-sing tsāi sè-kan親像咧眠夢tshin-tshiūnn teh bîn-bāng姑娘媠噹噹koo-niû suí-tang-tang目睭尾降降ba̍k-tsiu-bué kàng-kàng可惜你身軀無錢khó-sioh lí sin-khu bô tsînn看你無夠重khuànn lí bô-kàu-tāng害我心茫茫hāi guá sim bâng-bâng頭殼內空空thâu-khak lāi khang-khang世間的美麗姑娘sè-kan ê bí-lē koo-niû真真害死人tsin-tsin hāi-sí lâng------------------------------------------
做人是海海大家攏知知為著錢吵吵鬧鬧身體會拍歹阮做人凊彩暝日笑咍咍也無來斤斤計較快樂自然來為錢做奴才這款不應該行路搖擺擺尻川斗跩跩懸搭鞋窸窸檨檨看人三角眉有錢囂俳俳烏白來開開金錢若開了了按怎你敢知姑娘生媠媠講話閣古錐迷人的兩蕊目睭實在真可愛對我笑微微對你嬌滴滴也有人悾悾戇戇為伊來迷醉為情失理智神魂綴伊去有時情綿綿有時冷吱吱有時陣騙來騙去拐人的金錢有錢來開開無錢來哀哀若無錢請你明天毋免閣再來人生是空空人海也茫茫世間人有錢無錢毋免來怨嘆有錢免聳聳無錢免懶懶有錢人離開世間猶原無半項人生在世間親像咧眠夢姑娘媠噹噹目睭尾降降可惜你身軀無錢看你無夠重害我心茫茫頭殼內空空世間的美麗姑娘真真害死人
tsuè-lâng sī hái-háitāi-ke lóng tsai-tsaiuī-tio̍h tsînn tshá-tshá-nāu-nāusin-thé ē phah-pháinngún tsuè-lâng tshìn-tsháimî-ji̍t tshiò-hai-haiiā bô lâi kin-kin kè-kàukhuài-lo̍k tsū-jiân lâiuī tsînn tsuè lôo-tsâitsit khuán put-ing-kaikiânn lōo iô-pái-páikha-tshng-táu tsuāinn-tsuāinnkuân-tah-ê si-si-suāinn-suāinnkhuànn lâng sann-kak-bâiū-tsînn hia-pai-paioo-pe̍h lâi khai-khaikim-tsînn nā khai liáu-liáuán-tsuánn lí kám tsaikoo-niû senn suí-suíkóng-uē koh kóo-tsuibê-lâng ê nn̄g-luí ba̍k-tsiusi̍t-tsāi tsin khó-àituì guá tshiò-bi-bituì lí kiau-tih-tihiā ū-lâng khong-khong gōng-gōnguī i lâi bê-tsuìuī tsîng sit lí-tìsîn-hûn tuè i khìū-sî tsîng mî-mîū-sî líng ki-kiū-sî-tsūn phiàn-lâi-phiàn-khìkuái lâng ê kim-tsînnū-tsînn lâi khai-khaibô tsînn lâi ai-ainā bô tsînn tshiánn lí míngtiānm̄-bián koh-tsài lâijîn-sing sī khang-khangjîn-hái iā bâng-bângsè-kan-lâng ū-tsînn bô-tsînnm̄-bián lâi uàn-thànū-tsînn bián sáng-sángbô-tsînn bián lán-lánū-tsînn-lâng lī-khui sè-kaniu-guân bô-puànn-hāngjîn-sing tsāi sè-kantshin-tshiūnn teh bîn-bāngkoo-niû suí-tang-tangba̍k-tsiu-bué kàng-kàngkhó-sioh lí sin-khu bô tsînnkhuànn lí bô-kàu-tānghāi guá sim bâng-bângthâu-khak lāi khang-khangsè-kan ê bí-lē koo-niûtsin-tsin hāi-sí lâng