27364/《圓佮甜》Înn Kah Tinn 良山Liông-san ------------------------------------------ 月是中秋的圓 ge̍h sī tiong-tshiu--ê înn 柑是倚年的甜 kam sī uá nî--ê tinn 查某若倚四十 tsa-bóo nā uá sì-tsa̍p 也上圓 iā siōng înn 也上甜 iā siōng tinn 你敢無看伊 lí kám bô khuànn i 欲肥毋肥的身軀 beh puî m̄ puî ê sin-khu 生做圓圓圓 sinn-tsuè i̋nn-înn-înn 胭脂薄薄 ian-tsi po̍h-po̍h 耳鉤陣蕩挕 hīnn-kau tīn-tōng hìnn 講話甜甜甜 kóng-uē ti̋nn-tinn-tinn 月是中秋的圓 ge̍h sī tiong-tshiu--ê înn 柑是倚年的甜 kam sī uá-nî--ê tinn 查某若倚四十 tsa-bóo nā uá sì-tsa̍p 也上圓 iā siōng înn 也上甜 iā siōng tinn ------------------------------------------
月是中秋的圓 柑是倚年的甜 查某若倚四十 也上圓 也上甜 你敢無看伊 欲肥毋肥的身軀 生做圓圓圓 胭脂薄薄 耳鉤陣蕩挕 講話甜甜甜 月是中秋的圓 柑是倚年的甜 查某若倚四十 也上圓 也上甜
ge̍h sī tiong-tshiu--ê înn kam sī uá nî--ê tinn tsa-bóo nā uá sì-tsa̍p iā siōng înn iā siōng tinn lí kám bô khuànn i beh puî m̄ puî ê sin-khu sinn-tsuè i̋nn-înn-înn ian-tsi po̍h-po̍h hīnn-kau tīn-tōng hìnn kóng-uē ti̋nn-tinn-tinn ge̍h sī tiong-tshiu--ê înn kam sī uá-nî--ê tinn tsa-bóo nā uá sì-tsa̍p iā siōng înn iā siōng tinn