27335/《我敢閣會熟似你》Guá Kám Koh Ē Si̍k-sāi Lí簡志峰Kán Tsì-hong------------------------------------------想著你我的少年時siūnn-tio̍h lí guá ê siàu-liân-sî攏過著懵懂的日子lóng kuè tio̍h bóng-tóng ê ji̍t-tsí娶某生囝tshuā-bóo senn-kiánn毋知按怎飼m̄-tsai án-tsuánn tshī若是冤家nā sī uan-ke就欲離tiō beh lî講起來kóng--khí-lâi實在無捨施si̍t-tsāi bô-siá-sì鹹酸苦澀嘛有甜kiâm-sng khóo-siap mā ū tinn歲月咧過suè-gua̍t teh kuè像流星tshiūnn liû-tshinn咱已經白鬢邊lán í-king pe̍h pìn-pinn牽手已經幾十年khan tshiú í-king kuí-tsa̍p nî惜緣惜福相扶持sioh-iân sik-hok sio hû-tshî敢講猶有後出世kám-kóng iáu-ū āu-tshut-sì我敢閣會熟似你guá kám koh ē si̍k-sāi lí------------------------------------------
想著你我的少年時攏過著懵懂的日子娶某生囝毋知按怎飼若是冤家就欲離講起來實在無捨施鹹酸苦澀嘛有甜歲月咧過像流星咱已經白鬢邊牽手已經幾十年惜緣惜福相扶持敢講猶有後出世我敢閣會熟似你
siūnn-tio̍h lí guá ê siàu-liân-sîlóng kuè tio̍h bóng-tóng ê ji̍t-tsítshuā-bóo senn-kiánnm̄-tsai án-tsuánn tshīnā sī uan-ketiō beh lîkóng--khí-lâisi̍t-tsāi bô-siá-sìkiâm-sng khóo-siap mā ū tinnsuè-gua̍t teh kuètshiūnn liû-tshinnlán í-king pe̍h pìn-pinnkhan tshiú í-king kuí-tsa̍p nîsioh-iân sik-hok sio hû-tshîkám-kóng iáu-ū āu-tshut-sìguá kám koh ē si̍k-sāi lí