26567/《頇顢》Hân-bān洪義洲Âng Gī-tsiu------------------------------------------你講你頇顢紩衫lí kóng lí hân-bān thīnn-sann你講你頇顢煮食lí kóng lí hân-bān tsú-tsia̍h頇顢的手hân-bān ê tshiú捧著斷翼鳥隻phóng tio̍h tn̄g si̍t tsiáu-tsiah頇顢將阮hân-bān tsiong gún晟養甲遮爾大tshiânn-ióng kah tsiah-nī tuā毋捌一仙銀買衫家己換m̄-bat tsi̍t-sián gîn bé sann ka-tī uānn毋捌一字苦囥咧心肝m̄-bat tsi̍t-jī khóo khǹg teh sim-kuann苦澀目箍khóo-siap ba̍k-khoo紅紅疼疼âng-âng thiànn-thiànn上煩惱看阮出門的背影siōng huân-ló khuànn gún tshut-mn̂g ê puē-iánn心頭肉sim-thâu-bah是你叫阮的名sī lí kiò gún ê miâ阿母a-bú是我毋敢喝出的聲sī guá m̄-kánn huah-tshut ê siann故鄉的月kòo-hiong ê gue̍h若有聽著啊nā ū thiann--tio̍h ah替我照顧厝內的序大thè guá tsiàu-kòo tshù-lāi ê sī-tuā------------------------------------------→
你講你頇顢紩衫你講你頇顢煮食頇顢的手捧著斷翼鳥隻頇顢將阮晟養甲遮爾大毋捌一仙銀買衫家己換毋捌一字苦囥咧心肝苦澀目箍紅紅疼疼上煩惱看阮出門的背影心頭肉是你叫阮的名阿母是我毋敢喝出的聲故鄉的月若有聽著啊替我照顧厝內的序大
lí kóng lí hân-bān thīnn-sannlí kóng lí hân-bān tsú-tsia̍hhân-bān ê tshiúphóng tio̍h tn̄g si̍t tsiáu-tsiahhân-bān tsiong gúntshiânn-ióng kah tsiah-nī tuām̄-bat tsi̍t-sián gîn bé sann ka-tī uānnm̄-bat tsi̍t-jī khóo khǹg teh sim-kuannkhóo-siap ba̍k-khooâng-âng thiànn-thiànnsiōng huân-ló khuànn gún tshut-mn̂g ê puē-iánnsim-thâu-bahsī lí kiò gún ê miâa-búsī guá m̄-kánn huah-tshut ê siannkòo-hiong ê gue̍hnā ū thiann--tio̍h ahthè guá tsiàu-kòo tshù-lāi ê sī-tuā