26525/《港口戀歌》Káng-kháu Luân-kua 阿茹A-jû 田帥Tiân-suè ------------------------------------------ 男) 港口的風 káng-kháu ê hong 送阮快樂出帆 sàng gún khuài-lo̍k tshut-phâng 心愛的 sim-ài--ê 毋通傷心目箍紅 m̄-thang siong-sim ba̍k-khoo âng 女) 海鳥啼哭 hái-tsiáu thî-khàu 予人心沉重 hōo-lâng sim tîm-tāng 心愛的 sim-ài--ê 毋通袂記等待的花欉 m̄-thang buē-kì tán-thāi ê hue-tsâng 男) 雖然男兒 sui-jiân lâm-jî 立志在四方 li̍p-tsì tsāi sù-hong 請你相信 tshiánn lí siong-sìn 今生最愛你一人 kim-sing tsuè ài lí tsi̍t-lâng 女) 你用性命 lí iōng sìnn-miā 共阮疼痛 kā gún thiànn-thàng 你的眼神 lí ê gán-sîn 充滿幸福的希望 tshiong-buán hīng-hok ê hi-bāng 男) 雙手牽你毋願放 siang-tshiú khan lí m̄-guān pàng 女) 無奈船螺聲聲霆 bô-nāi tsûn-lê siann-siann tân 合) 求天保庇滿載 kiû thinn pó-pì buán-tsài 緊回航 kín huê-hâng ------------------------------------------ →
阿茹A-jû
田帥Tiân-suè