25720/《阿母的手段》A-bú ê Tshiú-tuānn 鄭進一Tēnn Tsìn-it ------------------------------------------ 思念著故鄉的媽媽 su-liām tio̍h kòo-hiong ê má-mah 毋知阿母你會仔敢有寫 m̄-tsai a-bú lí huē-á kám ū siá 袂當踮你身邊 bē-tàng tiàm lí sin-pinn 我有拜託人探聽 guá ū pài-thok lâng thàm-thiann 你若標偌濟 lí nā pio guā-tsē 我是攏知影 guá sī lóng tsai-iánn 細漢時 sè-hàn-sî 爸爸的話我有聽 pá-pah ê uē guá ū thiann 伊講阿母你上𠢕揜私奇 i kóng a-bú lí siōng gâu iap sai-khia 媽媽請你毋通疼 má-mah tshiánn lí m̄-thang thiànn 毋通為錢心痛疼 m̄-thang uī tsînn sim thàng-thiànn 趕緊寄來 kuánn-kín kià--lâi 予我通好去佮人輸贏 hōo guá thang-hó khì kah lâng su-iânn ↓↓(口白)---(口白)---(口白)↓↓ 大頭仔吾兒： Tuā-thâu-á ngôo jî: 你的批阿母已經收著囉 lí ê phue a-bú í-king siu-tio̍h--looh 誠緊 tsiânn kín 你也已經入去關三年外 lí iā í-king ji̍p-khì kuainn sann-nî guā 上蓋安慰的是 siōng-kài an-uì--ê sī 你閣十外年 lí koh tsa̍p-guā nî 就會當倒轉來矣 tō ē-tàng tò-tńg--lâi--ah 啊今有影 ah tann ū-iánn 批內面 phue lāi-bīn 你共阿母講 lí kā a-bú kóng 你閣欠所費 lí koh khiàm sóo-huì 遐奇怪 hah kî-kuài 佇監獄內面 tī kàm-ga̍k lāi-bīn 食蹛穿一切攏公家的 tsia̍h, tuà, tshīng, it-tshè lóng kong-ka--ê 是按怎會欠錢用呢 sī-án-nuá ē khiàm tsînn īng--neh 今媽媽嘛無啥物私奇 tann má-mah mā bô-sánn-mih sai-khia 是欲按怎共你鬥相共 sī beh án-ánn kā lí tàu-sann-kāng 昨暝去共祖公仔拜拜的時陣 tsa-mê khì kā tsóo-kong-á pài-pài ê sî-tsūn 拄仔看著舊年 tú-á khuànn-tio̍h kū-nî 阿母簽六合彩 a-bú tshiam lio̍k-ha̍p-tshái 著三星 tio̍h sam-tshenn 謝神彼塊金牌啦 siā-sîn hit tè kim-pâi--lah 啊!你運氣誠好 ah! lí ūn-khì tsiânn hó 阿母今仔日將這塊金牌 a-bú kia̋nn-ji̍t tsiong tsit tè kim-pâi 提來去賣賣咧 the̍h lâi-khì bē-bē--leh 這條錢呢 tsit tiâu tsînn--neh 阿母這期閣共拚看覓咧 a-bú tsit kî koh kā piànn khuànn-māi--leh 若好運閣再著三星 nā hó-ūn koh-tsài tio̍h sam-tshenn 今媽媽的個性你也知影 tann má-mah ê kò-sìng lí iā tsai-iánn 濟的無啦 tsē--ê bô--lah 啊若少乎 ah nā tsió--honnh 嘛免講 mā bián-kóng 一切家己保重，乎 it-tshè ka-tī pó-tiōng, honnh ↑↑(口白)---(口白)---(口白)↑↑ 想起著媽媽的手段 siūnn-khí tio̍h má-mah ê tshiú-tuānn 有時睏到半暝仔 ū-sî khùn kah puànn-mé-á 嘛會著生驚 mā ē tio̍h-tshenn-kiann 定定叫我拍拚 tiānn-tiānn kiò guá phah-piànn 錢攏你咧領 tsînn lóng lí teh niá 問你賰偌濟 mn̄g lí tshun guā-tsē 你嘛講毋知影 lí mā kóng m̄ tsai-iánn 彼一日你提權狀 hit-tsi̍t-ji̍t lí the̍h khuân-tsn̄g 予我看 hōo guá khuànn 阿母 a-bú 才知這間厝 tsiah tsai tsit king tshù 你早就登記 lí tsá tiō ting-kì 我的名 guá ê miâ 媽媽 má-mah--uê 請你毋通疼 tshiánn lí m̄-thang thiànn 毋通為我心痛疼 m̄-thang uī guá sim thàng-thiànn 有一日我會創造好名聲 ū-tsi̍t-ji̍t guá ē tshòng-tsō hó miâ-siann ------------------------------------------ →
思念著故鄉的媽媽 毋知阿母你會仔敢有寫 袂當踮你身邊 我有拜託人探聽 你若標偌濟 我是攏知影 細漢時 爸爸的話我有聽 伊講阿母你上𠢕揜私奇 媽媽請你毋通疼 毋通為錢心痛疼 趕緊寄來 予我通好去佮人輸贏 大頭仔吾兒： 你的批阿母已經收著囉 誠緊 你也已經入去關三年外 上蓋安慰的是 你閣十外年 就會當倒轉來矣 啊今有影 批內面 你共阿母講 你閣欠所費 遐奇怪 佇監獄內面 食蹛穿一切攏公家的 是按怎會欠錢用呢 今媽媽嘛無啥物私奇 是欲按怎共你鬥相共 昨暝去共祖公仔拜拜的時陣 拄仔看著舊年 阿母簽六合彩 著三星 謝神彼塊金牌啦 啊!你運氣誠好 阿母今仔日將這塊金牌 提來去賣賣咧 這條錢呢 阿母這期閣共拚看覓咧 若好運閣再著三星 今媽媽的個性你也知影 濟的無啦 啊若少乎 嘛免講 一切家己保重，乎 想起著媽媽的手段 有時睏到半暝仔 嘛會著生驚 定定叫我拍拚 錢攏你咧領 問你賰偌濟 你嘛講毋知影 彼一日你提權狀 予我看 阿母 才知這間厝 你早就登記 我的名 媽媽 請你毋通疼 毋通為我心痛疼 有一日我會創造好名聲
su-liām tio̍h kòo-hiong ê má-mah m̄-tsai a-bú lí huē-á kám ū siá bē-tàng tiàm lí sin-pinn guá ū pài-thok lâng thàm-thiann lí nā pio guā-tsē guá sī lóng tsai-iánn sè-hàn-sî pá-pah ê uē guá ū thiann i kóng a-bú lí siōng gâu iap sai-khia má-mah tshiánn lí m̄-thang thiànn m̄-thang uī tsînn sim thàng-thiànn kuánn-kín kià--lâi hōo guá thang-hó khì kah lâng su-iânn Tuā-thâu-á ngôo jî: lí ê phue a-bú í-king siu-tio̍h--looh tsiânn kín lí iā í-king ji̍p-khì kuainn sann-nî guā siōng-kài an-uì--ê sī lí koh tsa̍p-guā nî tō ē-tàng tò-tńg--lâi--ah ah tann ū-iánn phue lāi-bīn lí kā a-bú kóng lí koh khiàm sóo-huì hah kî-kuài tī kàm-ga̍k lāi-bīn tsia̍h, tuà, tshīng, it-tshè lóng kong-ka--ê sī-án-nuá ē khiàm tsînn īng--neh tann má-mah mā bô-sánn-mih sai-khia sī beh án-ánn kā lí tàu-sann-kāng tsa-mê khì kā tsóo-kong-á pài-pài ê sî-tsūn tú-á khuànn-tio̍h kū-nî a-bú tshiam lio̍k-ha̍p-tshái tio̍h sam-tshenn siā-sîn hit tè kim-pâi--lah ah! lí ūn-khì tsiânn hó a-bú kia̋nn-ji̍t tsiong tsit tè kim-pâi the̍h lâi-khì bē-bē--leh tsit tiâu tsînn--neh a-bú tsit kî koh kā piànn khuànn-māi--leh nā hó-ūn koh-tsài tio̍h sam-tshenn tann má-mah ê kò-sìng lí iā tsai-iánn tsē--ê bô--lah ah nā tsió--honnh mā bián-kóng it-tshè ka-tī pó-tiōng, honnh siūnn-khí tio̍h má-mah ê tshiú-tuānn ū-sî khùn kah puànn-mé-á mā ē tio̍h-tshenn-kiann tiānn-tiānn kiò guá phah-piànn tsînn lóng lí teh niá mn̄g lí tshun guā-tsē lí mā kóng m̄ tsai-iánn hit-tsi̍t-ji̍t lí the̍h khuân-tsn̄g hōo guá khuànn a-bú tsiah tsai tsit king tshù lí tsá tiō ting-kì guá ê miâ má-mah--uê tshiánn lí m̄-thang thiànn m̄-thang uī guá sim thàng-thiànn ū-tsi̍t-ji̍t guá ē tshòng-tsō hó miâ-siann