25592/《心聲》Sim-siann迎曦女聲(中山女高校友合唱團)Ngiâ-hi Lú-siann(Tiong-san Lú-ko Hāu-iú Ha̍p-tshiùnn-thuân)------------------------------------------我只歌頌土地guá tsí ko-siōng thóo-tē如果我只會當愛一个對象jû-kó guá tsí ē-tàng ài tsi̍t-ê tuì-siōng就是你tiō-sī lí咱的島嶼lán ê tó-sū就是你tiō-sī lí咱的島嶼lán ê tó-sū我只呵咾自然guá tsí o-ló tsū-jiân如果我必須為愛獻身jû-kó guá pit-su uī ài hiàn-sin一定是為繁茂的草木it-tīng sī uī huân-bōo ê tsháu-bo̍k鳥的歌聲tsiáu ê kua-siann鳥的歌聲tsiáu ê kua-siann一定是為繁茂的草木it-tīng sī uī huân-bōo ê tsháu-bo̍k鳥的歌聲tsiáu ê kua-siann我夢想guá bāng-sióng佇島嶼的海邊tī tó-sū ê hái-pinn臺灣的囡仔Tâi-uân ê gín-á佇遐咧歡唱tī hia teh huan-tshiùnn視野無限寬闊sī-iá bô-hān khuan-khuah視野無限寬闊sī-iá bô-hān khuan-khuah我夢想guá bāng-sióng佇島嶼的山頂tī tó-sū ê suann-tíng臺灣的囡仔Tâi-uân ê gín-á佇遐咧跳躍tī hia teh thiàu-io̍k伸手會當挽天頂的星tshun-tshiú ē-tàng bán thinn-tíng ê tshinn天頂的星thinn-tíng ê tshinn伸手會當挽天頂的星tshun-tshiú ē-tàng bán thinn-tíng ê tshinn我夢想guá bāng-sióng佇島嶼的鄉村tī tó-sū ê hiong-tshun臺灣的囡仔佇遐咧成長Tâi-uân ê gín-á tī hia teh sîng-tióng對自然中tuì tsū-jiân tiong學習性命的律動ha̍k-si̍p sènn-miā ê lu̍t-tōng學習性命的律動ha̍k-si̍p sènn-miā ê lu̍t-tōng我夢想guá bāng-sióng佇島嶼的都市tī tó-sū ê too-tshī臺灣的囡仔Tâi-uân ê gín-á佇遐咧勇壯tī hia teh ióng-tsòng新的秩序sin ê tia̍t-sū佇𪜶手中開創tī in tshiú-tiong khai-tshòng佇𪜶手中開創tī in tshiú-tiong khai-tshòng島嶼的航程佮方向tó-sū ê hâng-tîng kah hong-hiòng是為著這款的夢想sī uī-tio̍h tsit khuán ê bāng-sióng咱流過的血佮汗lán lâu--kuè ê hueh kah kuānn也是為這款的希望iā-sī uī tsit khuán ê hi-bāng編織夢想pian-tsit bāng-sióng描繪希望biâu-huē hi-bāng為著綠色和平的島嶼uī-tio̍h li̍k-sik hô-pîng ê tó-sū臺灣Tâi-uân臺灣Tâi-uân臺灣Tâi-uân------------------------------------------→
迎曦女聲(中山女高校友合唱團)
Ngiâ-hi Lú-siannTiong-san Lú-ko Hāu-iú Ha̍p-tshiùnn-thuân