《添丁發財》Thiam-ting Huat-tsâi王俊傑Ông Tsùn-kia̍t------------------------------------------阮朋友𪜶阿公今年九十外gún pîng-iú in a-kong kin-nî káu-tsa̍p-guā細漢的時陣講是大尾鱸鰻sè-hàn ê sî-tsūn kóng sī tuā-bué lôo-muâ彼个時代做兄弟毋比這馬hit-ê sî-tāi tsò hiann-tī m̄-pí tsit-má人伊是重情重義閣重𪜶阿媽lâng i sī tiōng-tsîng tiōng-gī koh tiōng in a-má聽講日本時代生活蓋硬篤thiann-kóng Ji̍t-pún Sî-tāi sing-ua̍h kài ngē-táu頂懸有夠壓霸tíng-kuân ū-kàu ah-pà下面閣出一陣走狗ē-bīn koh tshut tsi̍t-tīn tsáu-káu古意的鄉親予𪜶欺負到夠kóo-ì ê hiong-tshin hōo in khi-hū kàu-kàu嘛只有囥踮心內偷偷仔撟mā tsí-ū khǹg tiàm sim-lāi thau-thau-á kiāu夭壽喔iáu-siū--ooh這是啥物情形tse sī siánn-mih tsîng-hîng哪會烏佮白攏分袂清ná ē oo kah pe̍h lóng hun buē tshing腫頷喔tsíng-ām--ooh這是啥物情形tse sī siánn-mih tsîng-hîng哪會生理人你遮爾烏心ná ē sing-lí-lâng lí tsiah-nī oo-sim哭枵啦khàu-iau--lah這是啥物情形tse sī siánn-mih tsîng-hîng哪會攑頭我攏看無光明ná ē gia̍h-thâu guá lóng khuànn-bô kong-bîng僥倖喔hiau-hīng--ooh若閣遮爾酷刑nā koh tsiah-nī khok-hîng保庇恁半暝去拄著廖添丁pó-pì lín puànn-mî khì tú-tio̍h Liāu Thiam-ting一九四五年阿本仔離開臺灣it-kiú sù-ngóo nî a-pún-á lī-khui Tâi-uân𪜶阿公放一捾炮仔講有四樓懸in a-kong pàng tsi̍t-kuānn phàu-á kóng ū sì-lâu kuân想講閣來日子會較好討趁siūnn-kóng koh-lâi ji̍t-tsí ē khah hó thó-thàn所以趕緊娶𪜶阿媽來入洞房sóo-í kuánn-kín tshuā in a-má lâi ji̍p tōng-pông隔轉年阮朋友𪜶爸仔就來出世keh-tńg-nî gún pîng-iú in pā-á tiō lâi tshut-sì號名叫做添丁有兩層意義hō-miâ kiò-tsuè Thiam-ting ū nn̄g-tsân ì-gī望伊招小弟bāng i tsio sió-tī望伊行俠仗義bāng i hîng-kiap tiōng-gī因為換人統治in-uī uānn lâng thóng-tī日子並無較四序ji̍t-tsí pīng bô khah sù-sī嘐潲啦hau-siâu--lah這是啥物情形tse sī siánn-mih tsîng-hîng每個月總趁嘛攏無夠用muí kò gue̍h tsóng thàn mā lóng bô-kàu īng抗議啦khòng-gī--lah這是啥物情形tse sī siánn-mih tsîng-hîng人的厝共拆掉你欲按怎還lâng ê tshù kā thiah-tiāu lí beh án-tsuánn hîng壓霸啦ah-pà--lah這是啥物情形tse sī siánn-mih tsîng-hîng竟然麻衫褪予別人穿kìng-jiân muâ-sann thǹg hōo pa̍t-lâng tshīng無效啦bô-hāu--lah若閣遮爾酷刑nā koh tsiah-nī khok-hîng總有一工逐家攏變做廖添丁tsóng ū-tsi̍t-kang ta̍k-ke lóng piàn-tsò Liāu Thiam-ting廖添丁夆刣死彼年二十六歲Liāu Thiam-ting hông thâi--sí hit-nî jī-tsa̍p-la̍k huè是兄弟共創空去做抓耙sī hiann-tī kā tshòng-khang khì tsò jiàu-pê這件代誌予𪜶爸仔感慨真濟tsit kiānn tāi-tsì hōo in pā-á kám-khài tsin tsē社會烏暗利益永遠勝過烏白siā-huē oo-àm lī-ik íng-uán sìng-kuè oo-pe̍h阮朋友出世彼年時機足䆀gún pîng-iú tshut-sì hit-nî sî-ki tsiok bái𪜶阿爸講海海人生人生海海in a-pah kóng hái-hái jîn-sing jîn-sing hái-hái既然毋是講情講義的時代kì-jiân m̄-sī kóng-tsîng kóng-gī ê sî-tāi添丁爸仔的後生阮朋友叫做發財Thiam-ting pā-á ê hāu-senn gún pîng-iú kiò-tsuè Huat-tsâi發財駛著伊的發財仔車Huat-tsâi sái tio̍h i ê huat-tsâi-á tshia南北二路四界去趁食lâm-pak jī-lōo sì-kè khì thàn-tsia̍h偏偏這馬毋但錢歹趁phian-phian tsit-má m̄-nā tsînn pháinn thàn油是貴甲鬼仔強欲掠iû sī kuì kah kuí-á kiōng-beh lia̍h發財駛著伊的發財仔車Huat-tsâi sái tio̍h i ê huat-tsâi-á tshia南北二路四界去趁食lâm-pak jī-lōo sì-kè khì thàn-tsia̍h偏偏這馬毋但錢歹趁phian-phian tsit-má m̄-nā tsînn pháinn thàn大細項物件攏嘛毋敢食tuā-sè hāng mi̍h-kiānn lóng mā m̄-kánn tsia̍h發財駛著伊的發財仔車Huat-tsâi sái tio̍h i ê huat-tsâi-á tshia南北二路四界去趁食lâm-pak jī-lōo sì-kè khì thàn-tsia̍h偏偏這馬毋但錢歹趁phian-phian tsit-má m̄-nā tsînn pháinn thàn連厝嘛攏無所在通好徛liân tshù mā lóng bô sóo-tsāi thang-hó khiā發財駛著伊的發財仔車Huat-tsâi sái tio̍h i ê huat-tsâi-á tshia南北二路四界去趁食lâm-pak jī-lōo sì-kè khì thàn-tsia̍h偏偏這馬毋但錢歹趁phian-phian tsit-má m̄-nā tsînn pháinn thàn納的稅閣予人提去烏白掖la̍p ê suè koh hōo-lâng the̍h-khì oo-pe̍h iā白賊啦pe̍h-tsha̍t--lah這是啥物問題tse sī siánn-mih būn-tê哪會逐項物件攏起遐濟ná ē ta̍k hāng mi̍h-kiānn lóng khí hiah tsuē白目喔pe̍h-ba̍k--ooh這是啥物問題tse sī siánn-mih būn-tê哪會趁錢無夠囡仔讀冊ná ē thàn-tsînn bô-kàu gín-á tha̍k-tsheh遐白痴hiah pe̍h-tshi這是啥物問題tse sī siánn-mih būn-tê哪會規工有人咧練痟話ná ē kui kang ū-lâng teh liān-siáu-uē落臺啦lo̍h-tâi--lah若閣踮遐哭爸nā koh tiàm hia khàu-pē莫怪四界攏是廖添丁的子弟bo̍k-kuài sì-kè lóng-sī Liāu Thiam-ting ê tsú-tē------------------------------------------→
阮朋友𪜶阿公今年九十外細漢的時陣講是大尾鱸鰻彼个時代做兄弟毋比這馬人伊是重情重義閣重𪜶阿媽聽講日本時代生活蓋硬篤頂懸有夠壓霸下面閣出一陣走狗古意的鄉親予𪜶欺負到夠嘛只有囥踮心內偷偷仔撟夭壽喔這是啥物情形哪會烏佮白攏分袂清腫頷喔這是啥物情形哪會生理人你遮爾烏心哭枵啦這是啥物情形哪會攑頭我攏看無光明僥倖喔若閣遮爾酷刑保庇恁半暝去拄著廖添丁一九四五年阿本仔離開臺灣𪜶阿公放一捾炮仔講有四樓懸想講閣來日子會較好討趁所以趕緊娶𪜶阿媽來入洞房隔轉年阮朋友𪜶爸仔就來出世號名叫做添丁有兩層意義望伊招小弟望伊行俠仗義因為換人統治日子並無較四序嘐潲啦這是啥物情形每個月總趁嘛攏無夠用抗議啦這是啥物情形人的厝共拆掉你欲按怎還壓霸啦這是啥物情形竟然麻衫褪予別人穿無效啦若閣遮爾酷刑總有一工逐家攏變做廖添丁廖添丁夆刣死彼年二十六歲是兄弟共創空去做抓耙這件代誌予𪜶爸仔感慨真濟社會烏暗利益永遠勝過烏白阮朋友出世彼年時機足䆀𪜶阿爸講海海人生人生海海既然毋是講情講義的時代添丁爸仔的後生阮朋友叫做發財發財駛著伊的發財仔車南北二路四界去趁食偏偏這馬毋但錢歹趁油是貴甲鬼仔強欲掠發財駛著伊的發財仔車南北二路四界去趁食偏偏這馬毋但錢歹趁大細項物件攏嘛毋敢食發財駛著伊的發財仔車南北二路四界去趁食偏偏這馬毋但錢歹趁連厝嘛攏無所在通好徛發財駛著伊的發財仔車南北二路四界去趁食偏偏這馬毋但錢歹趁納的稅閣予人提去烏白掖白賊啦這是啥物問題哪會逐項物件攏起遐濟白目喔這是啥物問題哪會趁錢無夠囡仔讀冊遐白痴這是啥物問題哪會規工有人咧練痟話落臺啦若閣踮遐哭爸莫怪四界攏是廖添丁的子弟
gún pîng-iú in a-kong kin-nî káu-tsa̍p-guāsè-hàn ê sî-tsūn kóng sī tuā-bué lôo-muâhit-ê sî-tāi tsò hiann-tī m̄-pí tsit-málâng i sī tiōng-tsîng tiōng-gī koh tiōng in a-máthiann-kóng Ji̍t-pún Sî-tāi sing-ua̍h kài ngē-táutíng-kuân ū-kàu ah-pàē-bīn koh tshut tsi̍t-tīn tsáu-káukóo-ì ê hiong-tshin hōo in khi-hū kàu-kàumā tsí-ū khǹg tiàm sim-lāi thau-thau-á kiāuiáu-siū--oohtse sī siánn-mih tsîng-hîngná ē oo kah pe̍h lóng hun buē tshingtsíng-ām--oohtse sī siánn-mih tsîng-hîngná ē sing-lí-lâng lí tsiah-nī oo-simkhàu-iau--lahtse sī siánn-mih tsîng-hîngná ē gia̍h-thâu guá lóng khuànn-bô kong-bînghiau-hīng--oohnā koh tsiah-nī khok-hîngpó-pì lín puànn-mî khì tú-tio̍h Liāu Thiam-tingit-kiú sù-ngóo nî a-pún-á lī-khui Tâi-uânin a-kong pàng tsi̍t-kuānn phàu-á kóng ū sì-lâu kuânsiūnn-kóng koh-lâi ji̍t-tsí ē khah hó thó-thànsóo-í kuánn-kín tshuā in a-má lâi ji̍p tōng-pôngkeh-tńg-nî gún pîng-iú in pā-á tiō lâi tshut-sìhō-miâ kiò-tsuè Thiam-ting ū nn̄g-tsân ì-gībāng i tsio sió-tībāng i hîng-kiap tiōng-gīin-uī uānn lâng thóng-tīji̍t-tsí pīng bô khah sù-sīhau-siâu--lahtse sī siánn-mih tsîng-hîngmuí kò gue̍h tsóng thàn mā lóng bô-kàu īngkhòng-gī--lahtse sī siánn-mih tsîng-hînglâng ê tshù kā thiah-tiāu lí beh án-tsuánn hîngah-pà--lahtse sī siánn-mih tsîng-hîngkìng-jiân muâ-sann thǹg hōo pa̍t-lâng tshīngbô-hāu--lahnā koh tsiah-nī khok-hîngtsóng ū-tsi̍t-kang ta̍k-ke lóng piàn-tsò Liāu Thiam-tingLiāu Thiam-ting hông thâi--sí hit-nî jī-tsa̍p-la̍k huèsī hiann-tī kā tshòng-khang khì tsò jiàu-pêtsit kiānn tāi-tsì hōo in pā-á kám-khài tsin tsēsiā-huē oo-àm lī-ik íng-uán sìng-kuè oo-pe̍hgún pîng-iú tshut-sì hit-nî sî-ki tsiok báiin a-pah kóng hái-hái jîn-sing jîn-sing hái-háikì-jiân m̄-sī kóng-tsîng kóng-gī ê sî-tāiThiam-ting pā-á ê hāu-senn gún pîng-iú kiò-tsuè Huat-tsâiHuat-tsâi sái tio̍h i ê huat-tsâi-á tshialâm-pak jī-lōo sì-kè khì thàn-tsia̍hphian-phian tsit-má m̄-nā tsînn pháinn thàniû sī kuì kah kuí-á kiōng-beh lia̍hHuat-tsâi sái tio̍h i ê huat-tsâi-á tshialâm-pak jī-lōo sì-kè khì thàn-tsia̍hphian-phian tsit-má m̄-nā tsînn pháinn thàntuā-sè hāng mi̍h-kiānn lóng mā m̄-kánn tsia̍hHuat-tsâi sái tio̍h i ê huat-tsâi-á tshialâm-pak jī-lōo sì-kè khì thàn-tsia̍hphian-phian tsit-má m̄-nā tsînn pháinn thànliân tshù mā lóng bô sóo-tsāi thang-hó khiāHuat-tsâi sái tio̍h i ê huat-tsâi-á tshialâm-pak jī-lōo sì-kè khì thàn-tsia̍hphian-phian tsit-má m̄-nā tsînn pháinn thànla̍p ê suè koh hōo-lâng the̍h-khì oo-pe̍h iāpe̍h-tsha̍t--lahtse sī siánn-mih būn-têná ē ta̍k hāng mi̍h-kiānn lóng khí hiah tsuēpe̍h-ba̍k--oohtse sī siánn-mih būn-têná ē thàn-tsînn bô-kàu gín-á tha̍k-tshehhiah pe̍h-tshitse sī siánn-mih būn-têná ē kui kang ū-lâng teh liān-siáu-uēlo̍h-tâi--lahnā koh tiàm hia khàu-pēbo̍k-kuài sì-kè lóng-sī Liāu Thiam-ting ê tsú-tē