25246/《世遺泉州》Sè-uî Tsuân-tsiu蘇世洪Soo Sè-hông(泉州南安康美)------------------------------------------雙槳佇手中搖啊搖sang-tsiúnn tī tshiú-tiong iô--ah iô船行到古城的順濟橋tsûn kiânn kàu kóo-siânn ê Sūn-tsè-kiô德濟門可惜衹賰地基石Tik-tsè-mn̂g khó-sioh tsí tshun tē-ki tsio̍h天后宮去摸米龜的人袂少Thian-hiō-king khì boo bí-ku ê lâng buē-tsió清淨寺是波斯風格的建築Tshing-tsīng-sīr sī Pho-sir hong-keh ê kiàn-tio̍k伊的正手爿i ê tsiànn-tshiú-pîng是咱拜孔子的府文廟sī lán pài Khong-tsír ê Hú-bûn-biō南外宗正司Lâm-guā-tsong-tsìng-sir以前徛皇族í-tsuînn khiā hông-tso̍k市舶司管理著海上的外貿Tshī-pi̍k-sir kuán-lí tio̍h hái-siōng ê guā-biō塗跤是席天是被thôo-kha sī tshio̍h thinn sī phē開元寺的鴿仔𪜶四界飛Khai-guân-sīr ê kap-á en sì-kuè pe拳頭燒酒曲攏無問題kûn-thâu sio-tsiú-khik lóng bô-būn-tuê逐日鬧熱是頭到尾ta̍k-le̍t lāu-lia̍t sī thâu kàu-bé雙槳佇手中搖啊搖sang-tsiúnn tī tshiú-tiong iô--ah iô船行到江口碼頭去走踖tsûn kiânn kàu Kang-kháu Bé-thâu khì tsáu-tso̍h吞海彼兩字無開玩笑thun-hái hit nn̄g-lī bô khai uán-tshiò鎮海的寶地是真武廟tèn-hái ê pó-tē sī Tsen-bú-biō塗跤是席天是被thôo-kha sī tshio̍h thinn sī phē靈山聖墓是誠大塊Lîng-san Sìng-bōo sī tsiânn tuā-tè老君佇咧山中坐Nóo-kun tī-leh suann-tiong tsē這款風水嘛無地揣tsit khuán hong-suí mā bô-tè tshē雙槳佇手中搖啊搖sang-tsiúnn tī tshiú-tiong iô--ah iô船行到千年的洛陽橋tsûn kiânn kàu tshuinn-nî ê Lo̍h-iûnn-kiô出海祈風文章刻在石tshut-hái kî hong bûn-tsiong khik tsāi tsio̍h永遠佇九日山的半山腰íng-uán tī Kiú-le̍t-san ê puànn-suann-io塗跤是席天是被thôo-kha sī tshio̍h thinn sī phē摩尼光佛草庵坐蓮花Môo-nî-kong-Hu̍t tsháu-am tsē liân-hue石湖港的大船真正濟Tsio̍h-ôo-káng ê tuā-tsûn tsin-tsiànn tsuē六勝塔萬壽塔誠好揣Lio̍k-sìng-thah Bān-siū-thah tsiânn hó tshē塗跤是席天是被thôo-kha sī tshio̍h thinn sī phē燒瓷煉鐵將生理做sio-huî liān-thih tsiong sing-lí tsuè金門好酒閣乾一杯Kim-mn̂g hó-tsiú koh kan tsi̍t-pue行咧安平橋來講情話kiânn leh An-pîng-kiô lâi káng tsîng-uē塗跤是席天是被thôo-kha sī tshio̍h thinn sī phē一半仙境一半人間煙火tsi̍t-puànn sian-kíng tsi̍t-puànn lên-kan ian-hé若是暗頭講天掠皇帝nā sī àm-thâu káng thinn lia̍h hông-tè我來唱歌你來泡茶guá lâi tshiùnn-kua lí lâi phàu-tê塗跤是席天是被thôo-kha sī tshio̍h thinn sī phē一半古早一半現代的土地tsi̍t-puànn kóo-tsá tsi̍t-puànn hiān-tāi ê thóo-tuē遮的故事是真正濟tsia-ê kòo-sī sī tsin-tsiànn tsuē三暝三日也講袂澈sann-mî sann-le̍t iā káng buē-thiat趕緊來泉州我共你說kuán lâi Tsuân-tsiu guá kāng lí seh趕緊來泉州我共你說kuán lâi Tsuân-tsiu guá kāng lí seh------------------------------------------→
雙槳佇手中搖啊搖船行到古城的順濟橋德濟門可惜衹賰地基石天后宮去摸米龜的人袂少清淨寺是波斯風格的建築伊的正手爿是咱拜孔子的府文廟南外宗正司以前徛皇族市舶司管理著海上的外貿塗跤是席天是被開元寺的鴿仔𪜶四界飛拳頭燒酒曲攏無問題逐日鬧熱是頭到尾雙槳佇手中搖啊搖船行到江口碼頭去走踖吞海彼兩字無開玩笑鎮海的寶地是真武廟塗跤是席天是被靈山聖墓是誠大塊老君佇咧山中坐這款風水嘛無地揣雙槳佇手中搖啊搖船行到千年的洛陽橋出海祈風文章刻在石永遠佇九日山的半山腰塗跤是席天是被摩尼光佛草庵坐蓮花石湖港的大船真正濟六勝塔萬壽塔誠好揣塗跤是席天是被燒瓷煉鐵將生理做金門好酒閣乾一杯行咧安平橋來講情話塗跤是席天是被一半仙境一半人間煙火若是暗頭講天掠皇帝我來唱歌你來泡茶塗跤是席天是被一半古早一半現代的土地遮的故事是真正濟三暝三日也講袂澈趕緊來泉州我共你說趕緊來泉州我共你說
sang-tsiúnn tī tshiú-tiong iô--ah iôtsûn kiânn kàu kóo-siânn ê Sūn-tsè-kiôTik-tsè-mn̂g khó-sioh tsí tshun tē-ki tsio̍hThian-hiō-king khì boo bí-ku ê lâng buē-tsióTshing-tsīng-sīr sī Pho-sir hong-keh ê kiàn-tio̍ki ê tsiànn-tshiú-pîngsī lán pài Khong-tsír ê Hú-bûn-biōLâm-guā-tsong-tsìng-sirí-tsuînn khiā hông-tso̍kTshī-pi̍k-sir kuán-lí tio̍h hái-siōng ê guā-biōthôo-kha sī tshio̍h thinn sī phēKhai-guân-sīr ê kap-á en sì-kuè pekûn-thâu sio-tsiú-khik lóng bô-būn-tuêta̍k-le̍t lāu-lia̍t sī thâu kàu-bésang-tsiúnn tī tshiú-tiong iô--ah iôtsûn kiânn kàu Kang-kháu Bé-thâu khì tsáu-tso̍hthun-hái hit nn̄g-lī bô khai uán-tshiòtèn-hái ê pó-tē sī Tsen-bú-biōthôo-kha sī tshio̍h thinn sī phēLîng-san Sìng-bōo sī tsiânn tuā-tèNóo-kun tī-leh suann-tiong tsētsit khuán hong-suí mā bô-tè tshēsang-tsiúnn tī tshiú-tiong iô--ah iôtsûn kiânn kàu tshuinn-nî ê Lo̍h-iûnn-kiôtshut-hái kî hong bûn-tsiong khik tsāi tsio̍híng-uán tī Kiú-le̍t-san ê puànn-suann-iothôo-kha sī tshio̍h thinn sī phēMôo-nî-kong-Hu̍t tsháu-am tsē liân-hueTsio̍h-ôo-káng ê tuā-tsûn tsin-tsiànn tsuēLio̍k-sìng-thah Bān-siū-thah tsiânn hó tshēthôo-kha sī tshio̍h thinn sī phēsio-huî liān-thih tsiong sing-lí tsuèKim-mn̂g hó-tsiú koh kan tsi̍t-puekiânn leh An-pîng-kiô lâi káng tsîng-uēthôo-kha sī tshio̍h thinn sī phētsi̍t-puànn sian-kíng tsi̍t-puànn lên-kan ian-hénā sī àm-thâu káng thinn lia̍h hông-tèguá lâi tshiùnn-kua lí lâi phàu-têthôo-kha sī tshio̍h thinn sī phētsi̍t-puànn kóo-tsá tsi̍t-puànn hiān-tāi ê thóo-tuētsia-ê kòo-sī sī tsin-tsiànn tsuēsann-mî sann-le̍t iā káng buē-thiatkuán lâi Tsuân-tsiu guá kāng lí sehkuán lâi Tsuân-tsiu guá kāng lí seh