25134/《你的目睭》Lí ê Ba̍k-tsiu簡雅子Kán Ngá-tsú------------------------------------------你的目睭lí ê ba̍k-tsiu有雨ū hōo無緣無故開始落bô-iân-bô-kòo khai-sí lo̍h親像田嬰長長的翼股tshin-tshiūnn tshân-inn tn̂g-tn̂g ê si̍t-kóo飛佇故鄉田岸的水路pue tī kòo-hiong tshân-huānn ê tsuí-lōo一下晡tsi̍t ē-poo攏是稀微的思慕lóng-sī hi-bî ê su-bōo你的目睭lí ê ba̍k-tsiu有火ū hué不管時微微仔燒put-kuán-sî bî-bî-á sio親像虎頭蜂無情的刺針tshin-tshiūnn hóo-thâu-phang bô-tsîng ê tshì-tsiam叮著我戇戇的頭殼tìng tio̍h guá gōng-gōng ê thâu-khak日時暗暝ji̍t--sî àm-mî陣陣的痠疼tsūn-tsūn ê sng-thiànn你的目睭lí ê ba̍k-tsiu有星ū tshinn下昏暗閃閃爍爍e-huinn-àm siám-siám-sih-sih親像火金蛄颺颺飛tshin-tshiūnn hué-kim-koo iānn-iānn-pue飛去無人的世界pue khì bô-lâng ê sè-kài家己咧跳舞ka-tī teh thiàu-bú你的目睭lí ê ba̍k-tsiu有月ū gue̍h現此時安安靜靜hiān-tshú-sî an-an-tsīng-tsīng一目𥍉煞無看見tsi̍t-ba̍k-nih suah bô khuànn--kìnn親像無講無呾tshin-tshiūnn bô-kóng-bô-tànn就失蹤的暗光鳥tiō sit-tsong ê àm-kong-tsiáu放我一个人踮遮pàng guá tsi̍t-ê-lâng tiàm tsia繼續等待天光kè-sio̍k tán-thāi thinn-kng------------------------------------------→
你的目睭有雨無緣無故開始落親像田嬰長長的翼股飛佇故鄉田岸的水路一下晡攏是稀微的思慕你的目睭有火不管時微微仔燒親像虎頭蜂無情的刺針叮著我戇戇的頭殼日時暗暝陣陣的痠疼你的目睭有星下昏暗閃閃爍爍親像火金蛄颺颺飛飛去無人的世界家己咧跳舞你的目睭有月現此時安安靜靜一目𥍉煞無看見親像無講無呾就失蹤的暗光鳥放我一个人踮遮繼續等待天光
lí ê ba̍k-tsiuū hōobô-iân-bô-kòo khai-sí lo̍htshin-tshiūnn tshân-inn tn̂g-tn̂g ê si̍t-kóopue tī kòo-hiong tshân-huānn ê tsuí-lōotsi̍t ē-poolóng-sī hi-bî ê su-bōolí ê ba̍k-tsiuū huéput-kuán-sî bî-bî-á siotshin-tshiūnn hóo-thâu-phang bô-tsîng ê tshì-tsiamtìng tio̍h guá gōng-gōng ê thâu-khakji̍t--sî àm-mîtsūn-tsūn ê sng-thiànnlí ê ba̍k-tsiuū tshinne-huinn-àm siám-siám-sih-sihtshin-tshiūnn hué-kim-koo iānn-iānn-puepue khì bô-lâng ê sè-kàika-tī teh thiàu-búlí ê ba̍k-tsiuū gue̍hhiān-tshú-sî an-an-tsīng-tsīngtsi̍t-ba̍k-nih suah bô khuànn--kìnntshin-tshiūnn bô-kóng-bô-tànntiō sit-tsong ê àm-kong-tsiáupàng guá tsi̍t-ê-lâng tiàm tsiakè-sio̍k tán-thāi thinn-kng