《我行來海邊》Guá Kiânn Lâi Hái-pinn沈懷一Sím Huâi-it------------------------------------------你若欲聽我的故事lí nā beh thiann guá ê kòo-sū朋友pîng-iú我對庄跤來guá tuì tsng-kha lâi阿爸像祖先仝款a-pâ tshiūnn tsóo-sian kāng-khuán規世人討海kui-sì-lâng thó-hái阿母守著田園a-bú siú tio̍h tshân-hn̂g辛苦種作兼賣菜sin-khóo tsìng-tsoh kiam bē-tshài我釘佇廟埕跳家將guá tìng tī biō-tiânn thiàu-ka-tsiòng𨑨迌盤撋結幫派tshit-thô puânn-nuá kiat pang-phài序大講猴囝你著愛思考sī-tuā kóng kâu-kiánn lí tio̍h-ài su-khó綴人讀冊做官舞錢財tuè lâng tha̍k-tsheh tsò-kuann bú tsînn-tsâi言者諄諄giân--tsiá tsun-tsun聽者藐藐thiann--tsiá biáu-biáu一个大風颱tsi̍t-ê tuā hong-thai結果阿爸煞無轉來kiat-kó a-pâ suah bô tńg--lâi我行來海邊guá kiânn lâi hái-pinn陪伴阿母puê-phuānn a-bú阿母逐工思念你a-bú ta̍k-kang su-liām lí我講阿母guá kóng a-bú天暗轉來歇睏thinn àm tńg-lâi hioh-khùn伊失魂恬恬流珠淚i sit-hûn tiām-tiām lâu tsu-luī離開學校第三工lī-khui ha̍k-hāu tē-sann kang我決心欲拍拚入工場guá kuat-sim beh phah-piànn ji̍p kang-tiûnn跤踏實地來學手藝kha ta̍h si̍t-tē lâi o̍h tshiú-gē心甘情願做烏手sim kam tsîng guān tsò oo-tshiú逐工騎著su-kú-tah上下班ta̍k-kang khiâ tio̍h su-kú-tah siōng-hā-pan奅姼仔接送小姑娘phānn tshit-á tsiap-sàng sió koo-niû青春如歌也快活tshing-tshun jû kua iā khuìnn-ua̍h雙人牽手四界遊siang-lâng khan-tshiú sì-kè iû有一工ū-tsi̍t-kang姼仔反胃閣溢刺酸tshit-á huán-uī koh ik-tshiah-sng憂悶我予伊腹肚有身孕iu-būn guá hōo i pak-tóo ū sin-ūn我雙手共伊攬牢牢guá siang-tshiú kā-i lám tiâu-tiâu阿母講a-bú kóng結婚kiat-hun一定會歹竹出好筍it-tīng ē pháinn tik tshut hó sún我行來海邊guá kiânn lâi hái-pinn向著海水hiòng tio̍h hái-tsuí喝出阿爸的名字huah tshut a-pâ ê miâ-jī報告阿爸pò-kò a-pâ我欲組織小家庭guá beh tsoo-tsit sió ka-tîng身邊愛人聽了sin-pinn ài-jîn thiann-liáu目屎滴ba̍k-sái tih九十八年穡頭少káu-tsa̍p-peh nî sit-thâu tsió因為拄著社會無景氣in-uī tú-tio̍h siā-huē bô kíng-khì銀行束絚救命錢gîn-hâng sok-ân kiù-miā tsînn頭家予錢莊驚甲走去覕thâu-ke hōo tsînn-tsng kiann kah tsáu-khì bih我憂愁guá iu-tshiû但是假做無要緊tān-sī ké-tsò bô-iàu-kín心內操煩睏袂去sim-lāi tshau-huân khùn bē khì尤其看著iû-kî khuànn-tio̍h猴囝佮媠某睏身邊kâu-kiánn kah suí-bóo khùn sin-pinn莫非這世人註定做散鬼bo̍k-hui tsit-sì-lâng tsù-tiānn tsò sàn-kuí有一工媠某講ū-tsi̍t-kang suí-bóo kóng厝內攏無錢tshù-lāi lóng bô tsînn我無夠溫柔guá bô-kàu un-jiû煞大聲共應suah tuā-siann kā ìn失業我毋敢來告知sit-gia̍p guá m̄-kánn lâi kò-ti猶原照起工上班iu-guân tsiàu-khí-kang siōng-pan出門來海邊tshut-mn̂g lâi hái-pinn我行來海邊guá kiânn lâi hái-pinn孤單一人koo-tuann tsi̍t-lâng哭出心內的傷悲khàu tshut sim-lāi ê siong-pi向天向地hiòng thinn hiòng tē我捶心請問guá tuî-sim tshiánn-mn̄g有夢敢有媠ū bāng kám ū suí我行來海邊guá kiânn lâi hái-pinn想空想縫siūnn-khang-siūnn-phāng鬱卒無了時ut-tsut bô-liáu-sî雄雄聽著一聲hiông-hiông thiann-tio̍h tsi̍t-siann↓-----(口白)-----↓- 阿爸 我抾著兩仙錢。- A-pa, guá khioh-tio̍h nn̄g-sián tsînn.-- 好!乖!-- Hó! Kuai!↑-----(口白)-----↑彼个下晡佇海邊hit-ê ē-poo tī hái-pinn我鼻著人生的智慧guá phīnn-tio̍h jîn-sing ê tì-huī阿母猴囝佮媠某a-bú kâu-kiánn kah suí-bóo咱辛苦拍拚lán sin-khóo phah-piànn免失志bián sit-tsì------------------------------------------→
你若欲聽我的故事朋友我對庄跤來阿爸像祖先仝款規世人討海阿母守著田園辛苦種作兼賣菜我釘佇廟埕跳家將𨑨迌盤撋結幫派序大講猴囝你著愛思考綴人讀冊做官舞錢財言者諄諄聽者藐藐一个大風颱結果阿爸煞無轉來我行來海邊陪伴阿母阿母逐工思念你我講阿母天暗轉來歇睏伊失魂恬恬流珠淚離開學校第三工我決心欲拍拚入工場跤踏實地來學手藝心甘情願做烏手奅姼仔接送小姑娘青春如歌也快活雙人牽手四界遊有一工姼仔反胃閣溢刺酸憂悶我予伊腹肚有身孕我雙手共伊攬牢牢阿母講結婚一定會歹竹出好筍我行來海邊向著海水喝出阿爸的名字報告阿爸我欲組織小家庭身邊愛人聽了目屎滴九十八年穡頭少因為拄著社會無景氣銀行束絚救命錢頭家予錢莊驚甲走去覕我憂愁但是假做無要緊心內操煩睏袂去尤其看著猴囝佮媠某睏身邊莫非這世人註定做散鬼有一工媠某講厝內攏無錢我無夠溫柔煞大聲共應失業我毋敢來告知猶原照起工上班出門來海邊我行來海邊孤單一人哭出心內的傷悲向天向地我捶心請問有夢敢有媠我行來海邊想空想縫鬱卒無了時雄雄聽著一聲阿爸 我抾著兩仙錢。-- 好!乖!彼个下晡佇海邊我鼻著人生的智慧阿母猴囝佮媠某咱辛苦拍拚免失志
lí nā beh thiann guá ê kòo-sūpîng-iúguá tuì tsng-kha lâia-pâ tshiūnn tsóo-sian kāng-khuánkui-sì-lâng thó-háia-bú siú tio̍h tshân-hn̂gsin-khóo tsìng-tsoh kiam bē-tshàiguá tìng tī biō-tiânn thiàu-ka-tsiòngtshit-thô puânn-nuá kiat pang-phàisī-tuā kóng kâu-kiánn lí tio̍h-ài su-khótuè lâng tha̍k-tsheh tsò-kuann bú tsînn-tsâigiân--tsiá tsun-tsunthiann--tsiá biáu-biáutsi̍t-ê tuā hong-thaikiat-kó a-pâ suah bô tńg--lâiguá kiânn lâi hái-pinnpuê-phuānn a-búa-bú ta̍k-kang su-liām líguá kóng a-búthinn àm tńg-lâi hioh-khùni sit-hûn tiām-tiām lâu tsu-luīlī-khui ha̍k-hāu tē-sann kangguá kuat-sim beh phah-piànn ji̍p kang-tiûnnkha ta̍h si̍t-tē lâi o̍h tshiú-gēsim kam tsîng guān tsò oo-tshiúphānn tshit-á tsiap-sàng sió koo-niûtshing-tshun jû kua iā khuìnn-ua̍hsiang-lâng khan-tshiú sì-kè iûū-tsi̍t-kangtshit-á huán-uī koh ik-tshiah-sngiu-būn guá hōo i pak-tóo ū sin-ūnguá siang-tshiú kā-i lám tiâu-tiâua-bú kóngkiat-hunit-tīng ē pháinn tik tshut hó súnguá kiânn lâi hái-pinnhiòng tio̍h hái-tsuíhuah tshut a-pâ ê miâ-jīpò-kò a-pâguá beh tsoo-tsit sió ka-tîngsin-pinn ài-jîn thiann-liáuba̍k-sái tihkáu-tsa̍p-peh nî sit-thâu tsióin-uī tú-tio̍h siā-huē bô kíng-khìgîn-hâng sok-ân kiù-miā tsînnthâu-ke hōo tsînn-tsng kiann kah tsáu-khì bihguá iu-tshiûtān-sī ké-tsò bô-iàu-kínsim-lāi tshau-huân khùn bē khìiû-kî khuànn-tio̍hkâu-kiánn kah suí-bóo khùn sin-pinnbo̍k-hui tsit-sì-lâng tsù-tiānn tsò sàn-kuíū-tsi̍t-kang suí-bóo kóngtshù-lāi lóng bô tsînnguá bô-kàu un-jiûsuah tuā-siann kā ìnsit-gia̍p guá m̄-kánn lâi kò-tiiu-guân tsiàu-khí-kang siōng-pantshut-mn̂g lâi hái-pinnguá kiânn lâi hái-pinnkoo-tuann tsi̍t-lângkhàu tshut sim-lāi ê siong-pihiòng thinn hiòng tēguá tuî-sim tshiánn-mn̄gū bāng kám ū suíguá kiânn lâi hái-pinnsiūnn-khang-siūnn-phāngut-tsut bô-liáu-sîhiông-hiông thiann-tio̍h tsi̍t-siannA-pa guá khioh-tio̍h nn̄g-sián tsînnHó Kuaihit-ê ē-poo tī hái-pinnguá phīnn-tio̍h jîn-sing ê tì-huīa-bú kâu-kiánn kah suí-bóolán sin-khóo phah-piànnbián sit-tsì