23446/《無聊的歌》Bô-liâu ê Kua 許懷造Khóo Huâi-tsō(阿寶，泉州晉安) ------------------------------------------ 暗淡的月 àm-tām ê gue̍h ○落河底無地看 ko lo̍h hô-té bô-tè khuànn 濁濁的水中鏡 lô-lô ê tsuí-tiong kiànn 映袂出寂寞心情 ìng buē-tshut tsi̍k-bo̍k sim-tsiânn 冷冷的風 líng-líng ê hong 身軀感覺畏寒 sin-khu kám-kak uì-kuânn 厝邊岸跤 tshù-pinn huānn-kha 只聽著沙沙的樹葉聲 tsí thiann-tio̍h sa-sa ê tshiū-hio̍h siann 大樓的燈 tuā-lâu ê ting 慢慢失去了光線 bān-bān sit-khì liáu kng-suànn 城市的下半暝 siânn-tshī ê ē-puànn-mî 野狗嘛揣無伴 iá-káu mā tshuē-bô phuānn 酒店夜總會 tsiú-tiàm iā-tsóng-huē 人人享受榮華 lâng-lâng hiáng-siū îng-huâ 街頭巷尾 ke-thâu hāng-bué 只賰乞食咧睏塗跤 tsí tshun khit-tsia̍h teh khùn thôo-kha 喔~他鄉的我 ooh~ thann-hiong ê guá 淡薄仔薰酒來陪伴 tām-po̍h-á hun-tsiú lâi puê-phuānn 看淡世間的虛華 khuànn-tām sè-kan ê hi-huâ 為理想忍受折磨 uī lí-sióng jím-siū tsiat-buâ 流浪的人 liû-lōng ê lâng 酸酸苦苦吞入心肝 sng-sng-khóo-khóo thun ji̍p sim-kuann 無聊的月光暝 bô-liâu ê gue̍h-kng-mî 唱著無聊的歌 tshiùnn tio̍h bô-liâu ê kua --- 他鄉的我 thann-hiong ê guá 身邊攏無紮吉他 sin-pinn lóng bô tsah gì-tah 滿腹的心聲 muá-pak ê sim-siann 想欲講予誰來聽 siūnn-beh kóng hōo siâng lâi thiann 流浪的人 liû-lōng ê lâng 孤孤單單無依無倚 koo-koo-tuann-tuann bô-i-bô-uá 無聊的月光暝 bô-liâu ê gue̍h-kng-mî 只有唱著無聊的歌 tsí-ū tshiùnn tio̍h bô-liâu ê kua ------------------------------------------ →
暗淡的月 ○落河底無地看 濁濁的水中鏡 映袂出寂寞心情 冷冷的風 身軀感覺畏寒 厝邊岸跤 只聽著沙沙的樹葉聲 大樓的燈 慢慢失去了光線 城市的下半暝 野狗嘛揣無伴 酒店夜總會 人人享受榮華 街頭巷尾 只賰乞食咧睏塗跤 喔~他鄉的我 淡薄仔薰酒來陪伴 看淡世間的虛華 為理想忍受折磨 流浪的人 酸酸苦苦吞入心肝 無聊的月光暝 唱著無聊的歌 他鄉的我 身邊攏無紮吉他 滿腹的心聲 想欲講予誰來聽 流浪的人 孤孤單單無依無倚 無聊的月光暝 只有唱著無聊的歌
àm-tām ê gue̍h ko lo̍h hô-té bô-tè khuànn lô-lô ê tsuí-tiong kiànn ìng buē-tshut tsi̍k-bo̍k sim-tsiânn líng-líng ê hong sin-khu kám-kak uì-kuânn tshù-pinn huānn-kha tsí thiann-tio̍h sa-sa ê tshiū-hio̍h siann tuā-lâu ê ting bān-bān sit-khì liáu kng-suànn siânn-tshī ê ē-puànn-mî iá-káu mā tshuē-bô phuānn tsiú-tiàm iā-tsóng-huē lâng-lâng hiáng-siū îng-huâ ke-thâu hāng-bué tsí tshun khit-tsia̍h teh khùn thôo-kha ooh~ thann-hiong ê guá tām-po̍h-á hun-tsiú lâi puê-phuānn khuànn-tām sè-kan ê hi-huâ uī lí-sióng jím-siū tsiat-buâ liû-lōng ê lâng sng-sng-khóo-khóo thun ji̍p sim-kuann bô-liâu ê gue̍h-kng-mî tshiùnn tio̍h bô-liâu ê kua thann-hiong ê guá sin-pinn lóng bô tsah gì-tah muá-pak ê sim-siann siūnn-beh kóng hōo siâng lâi thiann liû-lōng ê lâng koo-koo-tuann-tuann bô-i-bô-uá bô-liâu ê gue̍h-kng-mî tsí-ū tshiùnn tio̍h bô-liâu ê kua