22929/《巷仔內的花蕊》Hāng-á-lāi ê Hue-luí陳珍儀Tân Tin-gî------------------------------------------你向望春風共伊拭汗lí ǹg-bāng tshun-hong kā-i tshit kuānn伊請白雲i tshiánn pe̍h-hûn著聽你唱歌to̍h thiann lí tshiùnn-kua你思念伊的時lí su-liām i ê sî看袂著影khuànn buē-tio̍h iánn伊思念你的時i su-liām lí ê sî嘛聽袂著聲mā thiann buē-tio̍h siann你向望天星lí ǹg-bāng thinn-tshinn予伊做伴hōo i tsò-phuānn伊請月娘i tshiánn gue̍h-niû著共你安搭to̍h kā lí an-tah看袂著影khuànn buē-tio̍h iánn嘛是心頭掠真定mā sī sim-thâu lia̍h tsin tiānn聽袂著聲thiann buē-tio̍h siann嘛有仝款的心肝mā ū kāng-khuán ê sim-kuann你的等待佮孤單lí ê tán-thāi kah koo-tuann親像巷仔內的花蕊tshin-tshiūnn hāng-á-lāi ê hue-luí無人知影bô-lâng tsai-iánn你的堅持佮咒誓lí ê kian-tshî kah tsiù-tsuā藏佇沉重的行李tshàng tī tîm-tāng ê hîng-lí著家己捾to̍h ka-tī kuānn但是你向望彼一工tān-sī lí ǹg-bāng hit-tsi̍t-kang彼蕊巷仔內的花蕊hit luí hāng-á-lāi ê hue-luí插佇你頭鬃tshap tī lí thâu-tsang牽伊的手khan i ê tshiú行後半世人kiânn āu puànn-sì-lâng愛情的花蕊ài-tsîng ê hue-luí永遠遐爾芳íng-uán hiah-nī phang------------------------------------------→
你向望春風共伊拭汗伊請白雲著聽你唱歌你思念伊的時看袂著影伊思念你的時嘛聽袂著聲你向望天星予伊做伴伊請月娘著共你安搭看袂著影嘛是心頭掠真定聽袂著聲嘛有仝款的心肝你的等待佮孤單親像巷仔內的花蕊無人知影你的堅持佮咒誓藏佇沉重的行李著家己捾但是你向望彼一工彼蕊巷仔內的花蕊插佇你頭鬃牽伊的手行後半世人愛情的花蕊永遠遐爾芳
lí ǹg-bāng tshun-hong kā-i tshit kuānni tshiánn pe̍h-hûnto̍h thiann lí tshiùnn-kualí su-liām i ê sîkhuànn buē-tio̍h iánni su-liām lí ê sîmā thiann buē-tio̍h siannlí ǹg-bāng thinn-tshinnhōo i tsò-phuānni tshiánn gue̍h-niûto̍h kā lí an-tahkhuànn buē-tio̍h iánnmā sī sim-thâu lia̍h tsin tiānnthiann buē-tio̍h siannmā ū kāng-khuán ê sim-kuannlí ê tán-thāi kah koo-tuanntshin-tshiūnn hāng-á-lāi ê hue-luíbô-lâng tsai-iánnlí ê kian-tshî kah tsiù-tsuātshàng tī tîm-tāng ê hîng-líto̍h ka-tī kuānntān-sī lí ǹg-bāng hit-tsi̍t-kanghit luí hāng-á-lāi ê hue-luítshap tī lí thâu-tsangkhan i ê tshiúkiânn āu puànn-sì-lângài-tsîng ê hue-luííng-uán hiah-nī phang