22900/《阿公店全部故事歌謠／４》A-kong-tiàm Tsuân-pōo Kòo-sū Kua-iâu/4 黃秋田N̂g Tshiu-tiân ------------------------------------------ 千田受傷真艱苦 || Tshian-tiân siū-siong tsin kan-khóo 可恨老娼心肝烏 || khó-hūn lāu-tshang sim-kuann oo 想欲贖身無法度 || siūnn-bueh sio̍k-sin bô-huat-tōo 錢銀無夠變無步 || tsînn-gîn bô-kàu pìnn-bô-pōo 碧玉為君病相思 || Phik-gio̍k uī kun pēnn-siunn-si 為情為愛離鄉里 || uī tsîng uī ài lî hiunn-lí 真愛千田來相見 || tsin ài Tshian-tiân lâi sio-kìnn 來到府城揣著伊 || lâi-kàu Hú-siânn tshuē-tio̍h i 兩人歡喜來見面 || nn̄g-lâng huann-hí lâi kìnn-bīn 千言萬語講袂盡 || tshian-giân bān-gí kóng buē-tsīn 碧玉一切交代恁 || Phik-gio̍k it-tshè kau-tài lín 望君早日來成親 || bāng kun tsá-ji̍t lâi sîng-tshin 牡丹陪酒心慒慒 || Bóo-tan puê-tsiú sim tso-tso 人客真歹欲如何 || lâng-kheh tsin pháinn bueh jû-hô 想欲偷走錦華閣 || siūnn-bueh thau-tsáu Gím-huâ-koh 一心思念千田哥 || tsi̍t-sim su-liām Tshian-tiân-ko 看見千田有查某 || khuànn-kìnn Tshian-tiân ū tsa-bóo 怨恨千田誠糊塗 || uàn-hūn Tshian-tiân tsiânn hôo-tôo 碧玉叫伊莫食醋 || Phik-gio̍k kiò i mài tsia̍h-tshòo 阮是兄妹咧稱呼 || gún sī hiann-muē teh tshing-hoo 牡丹誤會伊千田 || Bóo-tan gōo-huē i Tshian-tiân 風波一起真了然 || hong-pho tsi̍t-khí tsin liáu-jiân 碧玉目屎翱翱輾 || Phik-gio̍k ba̍k-sái kō-kō-liàn 甘願犧牲阮愛憐 || kam-guān hi-sing gún ài-liân 為君辛苦為君愁 || uī kun sin-khóo uī kun tshiû 望你體貼佮溫柔 || bāng lí thé-thiap kah un-jiû 枉費為君暝日想 || óng-huì uī kun mî-ji̍t siūnn 一片真情放水流 || tsi̍t-phiàn tsin-tsîng hòng tsuí liû 碧玉成全怹兩人 || Phik-gio̍k sîng-tsuân in nn̄g-lâng 來到酒樓見牡丹 || lâi-kàu tsiú-lâu kìnn Bóo-tan 希望雙人相疼痛 || hi-bāng siang-lâng sio thiànn-thàng 發現香火按怎辦 || huat-hiān hiunn-hué án-tsuánn pān 牡丹講出伊身世 || Bóo-tan kóng-tshut i sin-sè 我身從細無人的 || guá sin tsiông-sè bô-lâng-ê 歹人所害將我賣 || pháinn-lâng sóo hāi tsiong guá bē 親人毋知佗一个 || tshin-lâng m̄-tsai tó tsi̍t-ê 秋霞破病袂起 || Tshiu-hâ phuà-pīnn peh buē khí 叫著失散的囝兒 || kiò tio̍h sit-suànn ê kiánn-jî 良家寶玉佗位去 || Liông-ka Pó-gio̍k tó-uī khì 趕緊轉來我身邊 || kuánn-kín tńg-lâi guá sin-pinn 子女失散二十冬 || tsú-lú sit-suànn jī-tsa̍p tang 每日心酸目箍紅 || muí-ji̍t sim sng ba̍k-khoo âng 添福心情誠沉重 || Thiam-hok sim-tsîng tsiânn tîm-tāng 每日想囝心茫茫 || muí-ji̍t siūnn kiánn sim bâng-bâng 雙跤跪地求天公 || siang-kha kuī-tē kiû thinn-kong 有靈有聖早歸宗 || ū-lîng ū-siànn tsá kui tsong 命運的神莫作弄 || miā-ūn ê sîn mài tsok-lōng 疼愛心情人感動 || thiànn-ài sim-tsîng lâng kám-tōng 碧玉千田回鄉里 || Phik-gio̍k Tshian-tiân huê hiunn-lí 母囝見面真歡喜 || bú-kiánn kìnn-bīn tsin huann-hí 誰知秋霞就欲死 || siáng tsai Tshiu-hâ tiō beh sí 好言好語講袂離 || hó-giân hó-gí kóng buē-lī 牡丹來到心驚惶 || Bóo-tan lâi-kàu sim kiann-hiânn 講起流落在府城 || kóng-khí liû-lo̍h tsāi Hú-siânn 提出香火叫阿娘 || the̍h tshut hiunn-hué kiò a-niâ 秋霞病重強欲行 || Tshiu-hâ pēnn tāng kiông-beh kiânn 遺憾一家未團圓 || uî-hām tsi̍t-ke buē thuân-uân 眾人傷心心真煩 || tsiòng-lâng siong-sim sim tsin huân 毋知何時會圓滿 || m̄-tsai hô-sî ē uân-buán 添福求神賜復原 || Thiam-hok kiû sîn sù ho̍k-guân 山地公主來失落 || suann-tē kong-tsú lâi sit-lo̍h 好漢四界揣攏無 || hó-hàn sì-kè tshē lóng bô 想起添福欲幫助 || siūnn-khí Thiam-hok bueh pang-tsōo 看著秋霞病毋好 || khuànn-tio̍h Tshiu-hâ pēnn m̄-hó 突然看見伊的影 || tu̍t-jiân khuànn-kìnn i ê iánn 大聲叫著良家名 || tuā-siann kiò tio̍h Liông-ka miâ 香火提出著一驚 || hiunn-hué the̍h tshut tio̍h tsi̍t-kiann 好漢就是我的囝 || hó-hàn tiō-sī guá ê kiánn 一家團圓真歡喜 || tsi̍t-ka thuân-înn tsin huann-hí 失散雖然二十年 || sit-sàn sui-jiân jī-tsa̍p nî 如今會當再相見 || jû-kim ē-tàng tsài sann-kìnn 秋霞含笑來歸天 || Tshiu-hâ hâm-siàu lâi kui thinn 秋霞過身真哀悲 || Tshiu-hâ kuè-sin tsin ai-pi 添福拍拚做生理 || Thiam-hok phah-piànn tsò-sing-lí 子女幫助重做起 || tsú-lú pang-tsōo tiông tsò khí 成家立業真恭喜 || sîng-ka li̍p-gia̍p tsin kiong-hí 田庄中央一坎店 || tshân-tsng tiong-ng tsi̍t-khám tiàm 店的頭家老大人 || tiàm ê thâu-ke lāu-tuā-lâng 來往客商眾人傳 || lâi-óng kheh-siong tsiòng-lâng thuân 傳說阿公大好人 || thuân-sueh a-kong tuā hó-lâng 阿公開店做好代 || a-kong khui-tiàm tsò hó-tāi 世間呵咾通人知 || sè-kan o-ló thong-lâng tsai 流傳後代到現在 || liû-thuân hiō-tāi kàu hiān-tsāi 阿公店名對遮來 || A-kong-tiàm miâ tuì tsia lâi ------------------------------------------ →
22900/《阿公店全部故事歌謠／４》A-kong-tiàm Tsuân-pōo Kòo-sū Kua-iâu/4 黃秋田N̂g Tshiu-tiân 千田受傷真艱苦 || Tshian-tiân siū-siong tsin kan-khóo 可恨老娼心肝烏 || khó-hūn lāu-tshang sim-kuann oo 想欲贖身無法度 || siūnn-bueh sio̍k-sin bô-huat-tōo 錢銀無夠變無步 || tsînn-gîn bô-kàu pìnn-bô-pōo 碧玉為君病相思 || Phik-gio̍k uī kun pēnn-siunn-si 為情為愛離鄉里 || uī tsîng uī ài lî hiunn-lí 真愛千田來相見 || tsin ài Tshian-tiân lâi sio-kìnn 來到府城揣著伊 || lâi-kàu Hú-siânn tshuē-tio̍h i 兩人歡喜來見面 || nn̄g-lâng huann-hí lâi kìnn-bīn 千言萬語講袂盡 || tshian-giân bān-gí kóng buē-tsīn 碧玉一切交代恁 || Phik-gio̍k it-tshè kau-tài lín 望君早日來成親 || bāng kun tsá-ji̍t lâi sîng-tshin 牡丹陪酒心慒慒 || Bóo-tan puê-tsiú sim tso-tso 人客真歹欲如何 || lâng-kheh tsin pháinn bueh jû-hô 想欲偷走錦華閣 || siūnn-bueh thau-tsáu Gím-huâ-koh 一心思念千田哥 || tsi̍t-sim su-liām Tshian-tiân-ko 看見千田有查某 || khuànn-kìnn Tshian-tiân ū tsa-bóo 怨恨千田誠糊塗 || uàn-hūn Tshian-tiân tsiânn hôo-tôo 碧玉叫伊莫食醋 || Phik-gio̍k kiò i mài tsia̍h-tshòo 阮是兄妹咧稱呼 || gún sī hiann-muē teh tshing-hoo 牡丹誤會伊千田 || Bóo-tan gōo-huē i Tshian-tiân 風波一起真了然 || hong-pho tsi̍t-khí tsin liáu-jiân 碧玉目屎翱翱輾 || Phik-gio̍k ba̍k-sái kō-kō-liàn 甘願犧牲阮愛憐 || kam-guān hi-sing gún ài-liân 為君辛苦為君愁 || uī kun sin-khóo uī kun tshiû 望你體貼佮溫柔 || bāng lí thé-thiap kah un-jiû 枉費為君暝日想 || óng-huì uī kun mî-ji̍t siūnn 一片真情放水流 || tsi̍t-phiàn tsin-tsîng hòng tsuí liû 碧玉成全怹兩人 || Phik-gio̍k sîng-tsuân in nn̄g-lâng 來到酒樓見牡丹 || lâi-kàu tsiú-lâu kìnn Bóo-tan 希望雙人相疼痛 || hi-bāng siang-lâng sio thiànn-thàng 發現香火按怎辦 || huat-hiān hiunn-hué án-tsuánn pān 牡丹講出伊身世 || Bóo-tan kóng-tshut i sin-sè 我身從細無人的 || guá sin tsiông-sè bô-lâng-ê 歹人所害將我賣 || pháinn-lâng sóo hāi tsiong guá bē 親人毋知佗一个 || tshin-lâng m̄-tsai tó tsi̍t-ê 秋霞破病袂起 || Tshiu-hâ phuà-pīnn peh buē khí 叫著失散的囝兒 || kiò tio̍h sit-suànn ê kiánn-jî 良家寶玉佗位去 || Liông-ka Pó-gio̍k tó-uī khì 趕緊轉來我身邊 || kuánn-kín tńg-lâi guá sin-pinn 子女失散二十冬 || tsú-lú sit-suànn jī-tsa̍p tang 每日心酸目箍紅 || muí-ji̍t sim sng ba̍k-khoo âng 添福心情誠沉重 || Thiam-hok sim-tsîng tsiânn tîm-tāng 每日想囝心茫茫 || muí-ji̍t siūnn kiánn sim bâng-bâng 雙跤跪地求天公 || siang-kha kuī-tē kiû thinn-kong 有靈有聖早歸宗 || ū-lîng ū-siànn tsá kui tsong 命運的神莫作弄 || miā-ūn ê sîn mài tsok-lōng 疼愛心情人感動 || thiànn-ài sim-tsîng lâng kám-tōng 碧玉千田回鄉里 || Phik-gio̍k Tshian-tiân huê hiunn-lí 母囝見面真歡喜 || bú-kiánn kìnn-bīn tsin huann-hí 誰知秋霞就欲死 || siáng tsai Tshiu-hâ tiō beh sí 好言好語講袂離 || hó-giân hó-gí kóng buē-lī 牡丹來到心驚惶 || Bóo-tan lâi-kàu sim kiann-hiânn 講起流落在府城 || kóng-khí liû-lo̍h tsāi Hú-siânn 提出香火叫阿娘 || the̍h tshut hiunn-hué kiò a-niâ 秋霞病重強欲行 || Tshiu-hâ pēnn tāng kiông-beh kiânn 遺憾一家未團圓 || uî-hām tsi̍t-ke buē thuân-uân 眾人傷心心真煩 || tsiòng-lâng siong-sim sim tsin huân 毋知何時會圓滿 || m̄-tsai hô-sî ē uân-buán 添福求神賜復原 || Thiam-hok kiû sîn sù ho̍k-guân 山地公主來失落 || suann-tē kong-tsú lâi sit-lo̍h 好漢四界揣攏無 || hó-hàn sì-kè tshē lóng bô 想起添福欲幫助 || siūnn-khí Thiam-hok bueh pang-tsōo 看著秋霞病毋好 || khuànn-tio̍h Tshiu-hâ pēnn m̄-hó 突然看見伊的影 || tu̍t-jiân khuànn-kìnn i ê iánn 大聲叫著良家名 || tuā-siann kiò tio̍h Liông-ka miâ 香火提出著一驚 || hiunn-hué the̍h tshut tio̍h tsi̍t-kiann 好漢就是我的囝 || hó-hàn tiō-sī guá ê kiánn 一家團圓真歡喜 || tsi̍t-ka thuân-înn tsin huann-hí 失散雖然二十年 || sit-sàn sui-jiân jī-tsa̍p nî 如今會當再相見 || jû-kim ē-tàng tsài sann-kìnn 秋霞含笑來歸天 || Tshiu-hâ hâm-siàu lâi kui thinn 秋霞過身真哀悲 || Tshiu-hâ kuè-sin tsin ai-pi 添福拍拚做生理 || Thiam-hok phah-piànn tsò-sing-lí 子女幫助重做起 || tsú-lú pang-tsōo tiông tsò khí 成家立業真恭喜 || sîng-ka li̍p-gia̍p tsin kiong-hí 田庄中央一坎店 || tshân-tsng tiong-ng tsi̍t-khám tiàm 店的頭家老大人 || tiàm ê thâu-ke lāu-tuā-lâng 來往客商眾人傳 || lâi-óng kheh-siong tsiòng-lâng thuân 傳說阿公大好人 || thuân-sueh a-kong tuā hó-lâng 阿公開店做好代 || a-kong khui-tiàm tsò hó-tāi 世間呵咾通人知 || sè-kan o-ló thong-lâng tsai 流傳後代到現在 || liû-thuân hiō-tāi kàu hiān-tsāi 阿公店名對遮來 || A-kong-tiàm miâ tuì tsia lâi
（無）