22719/《上好命》Siōng Hó-miā 李明洋Lí Bîng-iông ------------------------------------------ 人生數十冬 jîn-sing sòo-tsa̍p tang 志氣伴美夢 tsì-khì phuānn bí-bāng 命運攏無仝 miā-ūn lóng bô-kāng 何必人比人 hô-pit lâng pí lâng 好過咱珍惜每一工 hó-kuè lán tin-sioh muí-tsi̍t kang 心肝毋通貪 sim-kuann m̄-thang tham 歹過咱也免來怨嘆 pháinn-kuè lán iā bián lâi uàn-thàn 天公會鬥相共 thinn-kong ē tàu-sann-kāng 雖然毋是開好車 sui-jiân m̄-sī khui hó-tshia 勝過雙跤行 sìng-kuè siang-kha kiânn 雖然毋是大厝埕 sui-jiân m̄-sī tuā tshù-tiânn 風雨也毋驚 hong-hōo iā m̄-kiann 各行各業 kok-hâng kok-gia̍p 好額散食 hó-gia̍h sàn-tsia̍h 厝內平安 tshù-lāi pîng-an 就是上好命 tiō-sī siōng hó-miā 行過一工趁一工 kiânn kuè tsi̍t-kang thàn tsi̍t-kang 心情放輕鬆 sim-tsîng pàng khin-sang 管伊食好抑食䆀 kuán i tsia̍h-hó ia̍h tsia̍h-bái 知足心自在 ti-tsiok sim tsū-tsāi 一生快樂笑咍咍 it-sing khuài-lo̍k tshiò-hai-hai ------------------------------------------ →
人生數十冬 志氣伴美夢 命運攏無仝 何必人比人 好過咱珍惜每一工 心肝毋通貪 歹過咱也免來怨嘆 天公會鬥相共 雖然毋是開好車 勝過雙跤行 雖然毋是大厝埕 風雨也毋驚 各行各業 好額散食 厝內平安 就是上好命 行過一工趁一工 心情放輕鬆 管伊食好抑食䆀 知足心自在 一生快樂笑咍咍
jîn-sing sòo-tsa̍p tang tsì-khì phuānn bí-bāng miā-ūn lóng bô-kāng hô-pit lâng pí lâng hó-kuè lán tin-sioh muí-tsi̍t kang sim-kuann m̄-thang tham pháinn-kuè lán iā bián lâi uàn-thàn thinn-kong ē tàu-sann-kāng sui-jiân m̄-sī khui hó-tshia sìng-kuè siang-kha kiânn sui-jiân m̄-sī tuā tshù-tiânn hong-hōo iā m̄-kiann kok-hâng kok-gia̍p hó-gia̍h sàn-tsia̍h tshù-lāi pîng-an tiō-sī siōng hó-miā kiânn kuè tsi̍t-kang thàn tsi̍t-kang sim-tsîng pàng khin-sang kuán i tsia̍h-hó ia̍h tsia̍h-bái ti-tsiok sim tsū-tsāi it-sing khuài-lo̍k tshiò-hai-hai